ഹൃദയാഘാതം:  മലയാളി ത്വാഇഫിൽ നിര്യാതനായി

ത്വാഇഫ്: ഹൃദയാഘാതത്തെ തുടര്‍ന്ന് ത്വാഇഫില്‍ മലയാളി മരിച്ചു. തിരുവനന്തപുരം പാങ്ങോട് മൂലപേഴ് മൂന്നുമുക്ക് കെ.വി ഹൗസില്‍ ഷാജഹാനാണ് (54) മരിച്ചത്. ബുധനാഴ്ച രാത്രി 11 മണിയോടെ താമസസ്ഥലത്ത് വെച്ച് ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് റെഡ്ക്രസൻറ്​ ആംബുലന്‍സെത്തി ആശുപത്രിയില്‍ പ്രവേശിപ്പിച്ചങ്കിലും ജീവൻ ​രക്ഷിക്കാന്‍ ആയില്ല.

ത്വാഇഫ് കിങ് ഫൈസല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ത്വാഇഫില്‍ ഖബറടക്കും. 24 വര്‍ഷമായി ത്വാഇഫിലുണ്ട്​. മൂന്ന് മാസത്തോളമായി നാട്ടില്‍ പോകാനുള്ള ശ്രമത്തിലായിരുന്നു. ഇഖാമ കാലാവധി അവസാനിക്കുകയും തുടര്‍ന്ന് പുതുക്കാന്‍ കഴിയാതെ വരികയും ചെയ്​തതിനാൽ നാട്ടില്‍ പോകുന്നത് നീണ്ടുപോകുകയായിരുന്നു. പിതാവ് : പരേതനായ അബുബക്കര്‍. ഭാര്യ: നൂര്‍ജി. മക്കള്‍: മുംതാസ്, മുജീബ്, മുനീറ. സഹോദരന്‍: നസീര്‍.