ദുരിതാവസ്ഥിയിലുള്ള ക്യാമ്പ്​ തൊഴിലാളികൾക്ക്​ ഭക്ഷണക്കിറ്റ്​ എത്തിച്ചു

അബ്ബാസിയ: മാസങ്ങളായി വേതനവും ആവശ്യത്തിന് ഭക്ഷണവുമില്ലാതെ ബുദ്ധിമുട്ടിയ 200ഒാളം വരുന്ന പ്രമുഖ കമ്പനി ക്യാമ്പിലെ തൊഴിലാളികൾക്ക്​ ഒ.​െഎ.സി.സി കുവൈത്ത്​ ഭക്ഷണക്കിറ്റുകൾ എത്തിച്ചു. ഇന്ത്യൻ കമ്മ്യൂണിറ്റി സപ്പോട്ടേഴ്സ് ഗ്രൂപ്പ്​, ലുലു, നെസ്​റ്റോ എന്നീ ഹൈപ്പർ മാർക്കറ്റുകൾ എന്നിവയുടെ സഹകരണത്തോടെയാണ്​ ഒ.​െഎ.സി.സി വെൽഫെയർ വിങ്​ പ്രവർത്തകർ ഓണസദ്യയൊരുക്കാനുള്ള വിഭവങ്ങളും മൂന്ന് മാസത്തേക്കുമുള്ള ഭക്ഷണസാധനങ്ങൾ, പച്ചക്കറികൾ തുടങ്ങിയവ എത്തിച്ചത്​. ഒ.​െഎ.സി.സി ദേശീയ പ്രസിഡൻറ്​ വർഗീസ് പുതുക്കുളങ്ങര, വെൽഫെയർ വിങ്​ ചെയർമാൻ ഹരീഷ് തൃപ്പൂണിത്തുറ, സജി മണ്ഡലത്തിൽ, അനൂപ് സോമൻ, അലക്സ് മാനന്തവാടി, മാണി വയനാട്, ബെന്നി ഇടക്കൊച്ചി എന്നിവരുടെ നേതൃത്വത്തിലാണ്​ സാധനങ്ങൾ എത്തിച്ചുകൊടുത്തത്​.