48 രാജ്യങ്ങളിലേക്ക്​ കുവൈത്തികൾക്ക്​ ഒാൺ അറൈവൽ വിസ

48 രാജ്യങ്ങളിലേക്ക്​ കുവൈത്തികൾക്ക്​ ഒാൺ അറൈവൽ വിസകുവൈത്ത്​ സിറ്റി: ലോകത്തിലെ 48 രാജ്യങ്ങളിലേക്ക്​ കുവൈത്തികൾക്ക്​ ഒാൺ അറൈവൽ വിസ ലഭിക്കും. ഇൗ രാജ്യങ്ങളിലേക്ക്​ യാത്ര ചെയ്യാൻ കുവൈത്ത്​ പാസ്​പോർട്ട്​ മാത്രം മതിയാകും. ഒമ്പത്​ യൂറോപ്യൻ രാജ്യങ്ങൾ, ആസ്​ട്രേലിയൻ ഉപഭൂഖണ്ഡത്തിലെ മൂന്ന്​ രാജ്യങ്ങൾ, ഏഴ്​ ഏഷ്യൻ രാജ്യങ്ങൾ, നാല്​ ആഫ്രിക്കൻ രാജ്യങ്ങൾ, അമേരിക്കൻ ഭൂഖണ്ഡത്തിലെ 12 രാജ്യങ്ങൾ, 14 അറബ്​ രാജ്യങ്ങൾ എന്നിങ്ങനെയാണ്​ കുവൈത്തികൾക്ക്​ ഒാൺ അറൈവൽ വിസ നൽകുന്നത്​.

രാജ്യങ്ങളുടെ പട്ടിക വിദേശകാര്യ മന്ത്രാലയത്തി​െൻറ ബുള്ളറ്റിനിൽ പ്രസിദ്ധീകരിച്ചിട്ടുണ്ട്​. എംബസിയിലൂടെ എൻട്രി വിസ നേടിയാൽ 203 രാജ്യങ്ങളിലേക്ക്​ കുവൈത്തികൾക്ക്​ പ്രവേശിപ്പിക്കാം. 40 രാജ്യങ്ങൾ വിമാനത്താവളത്തിൽനിന്നോ വെബ്​സൈറ്റിൽ നിന്നോ എൻട്രി വിസ എടുക്കണമെന്ന നിബന്ധന വെച്ചിട്ടുണ്ട്​.