മൂന്നാം ദിവസവും കുവൈത്ത്​ സുഡാനിലേക്ക്​ സഹായ വസ്​തുക്കൾ അയച്ചു

കുവൈത്ത്​ സിറ്റി: പ്രളയം ദുരിതം വിതച്ച സുഡാനിലേക്ക്​ കുവൈത്തിൽനിന്ന്​ സഹായപ്രവാഹം തുടരുന്നു. കുവൈത്ത്​ റെഡ്​ ക്രസൻറ്​ സൊസൈറ്റി സുഡാനിലേക്ക്​ തുടർച്ചയായ മൂന്നാം ദിവസവും സഹായ വസ്​തുക്കൾ അയച്ചു. കുവൈത്ത്​ പ്രതിരോധ മന്ത്രാലയത്തി​െൻറ വിമാനത്തിൽ ഭക്ഷ്യവസ്​​തുക്കൾ, മരുന്ന്​, തമ്പ്​ ഉപകരണങ്ങൾ, വാട്ടർ പമ്പ്​ തുടങ്ങി 40 ടൺ സാധനങ്ങളാണ്​ ശനി, ഞായർ, തിങ്കൾ ദിവസങ്ങളിൽ അയച്ചത്​.

സുഡാനിലേക്ക്​ സഹായമെത്തിക്കുന്നതിനായി കുവൈത്ത്​ റെഡ്​ ക്രസൻറ്​ സൊസൈറ്റി പൊതുജനങ്ങളോട്​ അഭ്യർഥന നടത്തിയിട്ടുണ്ട്​. റെഡ്​ ക്രസൻറ്​ സൊസൈറ്റിയുടെ വെബ്​സൈറ്റിലെ ലിങ്ക്​ വഴി സഹായം അയക്കാം. സു​ഡാനീസ്​ റെഡ്​ ക്രെസൻറുമായി സഹകരിച്ചാണ്​ വിതരണം ഉൾപ്പെടെ അവിടു​ത്തെ പ്രവർത്തനങ്ങൾ ഏകോപിപ്പിക്കുന്നത്​.