മാ​ർ​ച്ചി​ൽ വി​മാ​ന യാ​ത്രി​ക​ർ ഒ​രു ദ​ശ​ല​ക്ഷം

കു​വൈ​ത്ത് സി​റ്റി: Kuwait International Airportത്തി​ന് ക​ഴി​ഞ്ഞു​പോ​യ​ത് തി​ര​ക്കേ​റി​യ മാ​സം. ക​ഴി​ഞ്ഞ മാ​സം മാ​ർ​ച്ചി​ൽ കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലൂ​ടെ സ​ഞ്ച​രി​ച്ച​ത് ഒ​രു ദ​ശ​ല​ക്ഷം യാ​ത്ര​ക്കാ​രാ​ണ്. ഈ ​സ​മ​യം 5,52,856 യാ​ത്ര​ക്കാ​ര്‍ രാ​ജ്യ​ത്തേ​ക്ക് പ്ര​വേ​ശി​ച്ച​പ്പോ​ള്‍ 5,14,818 യാ​ത്ര​ക്കാ​ർ കു​വൈ​ത്തി​ല്‍നി​ന്ന് പു​റ​പ്പെ​ട്ട​താ​യി ഡ​യ​റ​ക്ട​ർ ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​ൻ വ്യ​ക്ത​മാ​ക്കി.

മാ​ർ​ച്ചി​ൽ വി​മാ​ന ഗ​താ​ഗ​ത​ത്തി​ല്‍ ഏ​ഴ് ശ​ത​മാ​ന​വും ച​ര​ക്ക് ഗ​താ​ഗ​ത​ത്തി​ല്‍ 14 ശ​ത​മാ​ന​വും വ​ര്‍ധ​ന രേ​ഖ​പ്പെ​ടു​ത്തി. 9,950 ഫ്ലൈ​റ്റു​ക​ളാ​ണ് മാ​ര്‍ച്ചി​ല്‍ സ​ര്‍വി​സ് ന​ട​ത്തി​യ​ത്. അ​തി​നി​ടെ, യാ​ത്ര​ക്കാ​രു​ടെ എ​ണ്ണ​ത്തി​ല്‍ നേ​രി​യ കു​റ​വ് രേ​ഖ​പ്പെ​ടു​ത്തി. മു​ന്‍ വ​ര്‍ഷ​ത്തെ അ​പേ​ക്ഷി​ച്ച് യാ​ത്ര​ക്കാ​രു​ടെ എ​ണ്ണ​ത്തി​ല്‍ എ​ട്ടു ശ​ത​മാ​നം കു​റ​വു​ണ്ടാ​യ​താ​യി സി​വി​ൽ ഏ​വി​യേ​ഷ​ൻ സെ​ക്യൂ​രി​റ്റി ആ​ക്ടി​ങ് ഡെ​പ്യൂ​ട്ടി ഡ​യ​റ​ക്ട​ർ ജ​ന​റ​ൽ അ​ബ്ദു​ല്ല അ​ൽ റാ​ജ്ഹി പ​റ​ഞ്ഞു. എ​ന്നാ​ൽ, ഈ ​മാ​സം പെ​രു​ന്നാ​ൾ അ​വ​ധി​ക്ക് നി​ര​വ​ധി യാ​ത്ര​ക്കാ​രാ​ണ് വി​മാ​ന​ത്താ​വ​ള​ത്തെ ആ​ശ്ര​യി​ച്ച​ത്. അ​വ​ധി ദി​നം ക​ണ​ക്കി​ലെ​ടു​ത്ത് പ്ര​ത്യേ​ക വി​മാ​ന​ങ്ങ​ളും ഷെ​ഡ്യൂ​ളു​ക​ളും ത​യാ​റാ​ക്കി​യി​രു​ന്നു.