സ്​തനാർബുദ ബോധവത്​കരണ വെബിനാർ സംഘടിപ്പിച്ചു

കുവൈത്ത്​ സിറ്റി: ഇന്ത്യൻ മുസ്​ലിം ​അസോസിയേഷൻ വനിത വിഭാഗം ഇന്ത്യൻ ഡോക്​ടേഴ്​സ്​ ഫോറവുമായി സഹകരിച്ച്​ സ്​തനാർബുദ ബോധവത്​കരണ വെബിനാർ സംഘടിപ്പിച്ചു. ഒൗഖാഫ്​ മന്ത്രാലയത്തി​െൻറ രക്ഷാകർതൃത്വത്തിൽ നടന്ന പരിപാടി ഇന്ത്യൻ ഡോക്​ടേഴ്​സ്​ ഫോറം പ്രസിഡൻറ്​ ഡോ. അമീർ അഹ്​മദ്​ ഉദ്​ഘാടനം ചെയ്​തു. ​​െഎ.ഡി.എഫ്​ കമ്യൂണിറ്റി സെക്രട്ടറി ഡോ. സുസോവന സുജിത്​ നായർ ക്ലാസെടുത്തു. സ്​തനാർബുദത്തി​െൻറ കാരണം, ചികിത്സ, പ്രതിരോധ നടപടികൾ എന്നിവ വിശദീകരിച്ചു.

സ്ഥിരമായി വ്യായാമം ചെയ്യുന്നവരിൽ രോഗസാധ്യത കുറവാണെന്നും സ്ഥിരമായി സ്​ത്രീകൾ സ്വയം പരിശോധന നടത്തണമെന്നും കൃത്യമായ ഇടവേളകളിൽ ക്ലിനിക്കൽ സൂപ്പർവിഷന്​ കീഴിൽ മാമോഗ്രാം പരിശോധന നടത്തണമെന്നും ഡോക്​ടർ പറഞ്ഞു. ചോദ്യോത്തര പരിപാടിയുമുണ്ടായി.