ഫ​ല​സ്തീ​ൻ എ​ക്കാ​ല​ത്തെ​യും പ്ര​ഥ​മ പ​രി​ഗ​ണ​ന​യി​ലു​ള്ള വി​ഷ​യം -കു​വൈ​ത്ത്

കു​വൈ​ത്ത് സി​റ്റി: ഫ​ല​സ്തീ​ൻ ത​ങ്ങ​ളു​ടെ എ​ക്കാ​ല​ത്തെ​യും പ്ര​ധാ​ന വി​ഷ​യ​മാ​യി തു​ട​രു​മെ​ന്ന് വ്യ​ക്ത​മാ​ക്കി കു​വൈ​ത്ത്. ഗ​സ്സ​യി​ലെ വം​ശ​ഹ​ത്യ ത​ട​യു​ന്ന​തി​നും കു​റ്റ​വാ​ളി​ക​ളെ ശി​ക്ഷി​ക്കു​ന്ന​തി​നു​മു​ള്ള അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യു​ടെ റി​പ്പോ​ർ​ട്ട് ച​ർ​ച്ച ചെ​യ്യ​വെ യു.​എ​ൻ ജ​ന​റ​ൽ അ​സം​ബ്ലി സെ​ഷ​നി​ൽ കു​വൈ​ത്ത് ന​യ​ത​ന്ത്ര അ​റ്റാ​ഷെ മ​ർ​വ അ​ൽ അ​റാ​ദ​യാ​ണ് രാ​ജ്യ​ത്തി​ന്റെ നി​ല​പാ​ട് പ്ര​ക​ടി​പ്പി​ച്ച​ത്.

ഫ​ല​സ്തീ​ൻ ജ​ന​ത​യു​ടെ വി​ധി നി​ർ​ണ​യി​ക്കാ​നു​ള്ള അ​വ​കാ​ശ​വും അ​വ​രു​ടെ സ്വാ​ത​ന്ത്ര്യ​വും പ്ര​ദേ​ശ​ങ്ങ​ളു​ടെ പ​വി​ത്ര​ത​യും ബ​ഹു​മാ​നി​ക്ക​പ്പെ​ടേ​ണ്ട​തു​ണ്ടെ​ന്നും അ​ൽ അ​റാ​ദ പ​റ​ഞ്ഞു.

എ​ല്ലാ ജ​ന​ങ്ങ​ളും സ​മാ​ധാ​നം ആ​സ്വ​ദി​ക്കു​ന്ന ഒ​രു ലോ​കം കെ​ട്ടി​പ്പ​ടു​ക്കു​ക എ​ന്ന ഭാ​രി​ച്ച ഉ​ത്ത​ര​വാ​ദി​ത്ത​ങ്ങ​ൾ ഏ​റ്റെ​ടു​ക്കു​ന്ന​തി​ലാ​ണ് യു.​എ​ൻ ചാ​ർ​ട്ട​റി​ന്‍റെ അ​ന്ത​സ്സത്ത. ഞ​ങ്ങ​ൾ ഈ ​കോ​ട​തി​യെ ചാ​ർ​ട്ട​റി​ന്‍റെ ആ​ൾ​രൂ​പ​മാ​യും നീ​തി​ക്കാ​യു​ള്ള അ​ഭ​യ​മാ​യും കാ​ണു​ന്നു -മ​ർ​വ അ​ൽ അ​റാ​ദ പ​റ​ഞ്ഞു.

ഫ​ല​സ്തീ​നി​ലെ സ​മാ​ധാ​ന​ത്തി​ന്‍റെ​യും നീ​തി​യു​ടെ​യും അ​ഭാ​വം അ​സ്ഥി​ര​ത​യും അ​ര​ക്ഷി​താ​വ​സ്ഥ​യും വി​പു​ല​പ്പെ​ടു​ത്തു​ന്ന​തി​ലേ​ക്ക് ന​യി​ച്ചു. കി​ഴ​ക്ക​ൻ ജ​റു​സ​ല​മി​ലെ യു.​എ​ൻ.​ആ​ർ.​ഡ​ബ്ല്യു.​എ​യു​ടെ സ്വ​ത്തു​ക്ക​ൾ ത​ട്ടി​യെ​ടു​ക്കു​ന്ന​തി​നെ​യും അ​വ​ർ അ​പ​ല​പി​ച്ചു.