ഫ​ല​സ്തീ​ൻ: സ്ലൊ​വീ​നി​യ​ നിലപാട് കു​വൈ​ത്ത് സ്വാ​ഗ​തം ചെ​യ്തു

കു​വൈ​ത്ത് സി​റ്റി: ഫ​ല​സ്തീ​നെ പൂ​ർ​ണ രാ​ജ്യ​മാ​യി അം​ഗീ​ക​രി​ച്ച സ്ലോ​വീ​നി​യ ന​ട​പ​ടി​യെ കു​വൈ​ത്ത് സ്വാ​ഗ​തം ചെ​യ്തു. അ​ന്താ​രാ​ഷ്ട്ര പ്ര​മേ​യ​ങ്ങ​ൾ​ക്ക് അ​നു​സൃ​ത​മാ​യു​ള്ള ക്രി​യാ​ത്മ​ക​മാ​യ ഒ​രു ചു​വ​ടു​വെ​പ്പാ​ണ് സ്ലോ​വീ​നി​യ​യു​ടേ​തെ​ന്ന് കു​വൈ​ത്ത് മ​ന്ത്രി​ത​ല പ്ര​സ്താ​വ​ന​യി​ൽ ചൂ​ണ്ടി​കാ​ട്ടി. യു.​എ​ൻ സു​ര​ക്ഷാ​കൗ​ൺ​സി​ൽ പ്ര​മേ​യ​ങ്ങ​ളെ​യും അ​റ​ബ് സ​മാ​ധാ​ന സം​രം​ഭ​ങ്ങ​ളെ​യും പി​ന്തു​ണ​യ്ക്കു​ന്ന​താ​ണ് സ്ലോ​വീ​നി​യ​യു​ടെ അം​ഗീ​കാ​രം. കി​ഴ​ക്ക​ൻ ജ​റു​സ​ല​മി​നെ ത​ല​സ്ഥാ​ന​മാ​ക്കി 1967ലെ ​അ​തി​ർ​ത്തി​ക​ൾ​ക്കു​ള്ളി​ൽ സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം സൃ​ഷ്ടി​ക്കു​ന്ന​തി​ന് സ്ലോ​വീ​നി​യ​യു​ടെ അം​ഗീ​കാ​രം ഗു​ണ​ക​ര​മാ​കു​മെ​ന്നും കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം സൂ​ചി​പ്പി​ച്ചു. ഫ​ല​സ്തീ​നോ​ടു​ള്ള കു​വൈ​ത്തി​ന്‍റെ ഉ​റ​ച്ച പി​ന്തു​ണ വ്യ​ക്ത​മാ​ക്കി​യ മ​ന്ത്രാ​ല​യം ഫ​ല​സ്തീ​ൻ പ്ര​ശ്ന​ത്തി​ന് നീ​തി​യു​ക്ത​വും സ​മ​ഗ്ര​വു​മാ​യ പ​രി​ഹാ​ര​ത്തി​നാ​യി കൂ​ടു​ത​ൽ രാ​ജ്യ​ങ്ങ​ൾ സ​മാ​ന​മാ​യ ന​ട​പ​ടി​ക​ൾ കൈ​ക്കൊ​ള്ള​ണ​മെ​ന്നും ആ​ഹ്വാ​നം ചെ​യ്തു. ക​ഴി​ഞ്ഞ ദി​വ​സ​മാ​ണ് സ്വ​ത​ന്ത്ര ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കു​ന്ന​താ​യി സ്ലോ​വീ​നി​യ​ൻ പ്ര​ധാ​ന​മ​ന്ത്രി റോ​ബ​ർ​ട്ട് ഗോ​ലോ​ബ് പ്ര​ഖ്യാ​പി​ച്ച​ത്. സ്പെ​യി​ൻ, നോ​ർ​വേ, അ​യ​ർ​ല​ൻ​ഡ് എ​ന്നി​വ അ​ടു​ത്തി​ടെ സ​മാ​ന നി​ല​പാ​ട് എ​ടു​ത്തി​രു​ന്നു.