ഒ​ളി​മ്പി​ക്സ്: സ്വ​പ്ന​ക്കു​തി​പ്പി​നൊ​രു​ങ്ങി കു​​വൈ​ത്ത് താ​ര​ങ്ങ​ളും

കു​വൈ​ത്ത് സി​റ്റി: കാ​യി​ക​ലോ​കം ഒ​രു​മി​ക്കു​ന്ന പാ​രി​സ് ഒ​ളി​മ്പി​ക്സി​ൽ ത​ങ്ങ​ളു​ടെ സ്ഥാ​ന​വും അ​ട​യാ​ള​പ്പെ​ടു​ത്താ​ൻ കു​വൈ​ത്ത് ത​യാ​റെ​ടു​പ്പു​ക​ൾ തു​ട​ങ്ങി. ഒ​ളി​മ്പി​ക്സി​ൽ കു​വൈ​ത്തി​നെ പ്ര​തി​നി​ധീ​ക​രി​ച്ച് 10 കാ​യി​ക​താ​ര​ങ്ങ​ൾ പ​ങ്കെ​ടു​ക്കു​മെ​ന്ന് കു​വൈ​ത്ത് ഒ​ളി​മ്പി​ക് ക​മ്മി​റ്റി അ​റി​യി​ച്ചു.

ആ​റി​ന​ങ്ങ​ളി​ലാ​ണ് കു​വൈ​ത്ത് ഒ​ളി​മ്പി​ക്സി​ൽ മി​ക​വ് തെ​ളി​യി​ക്കാ​നി​റ​ങ്ങു​ക. അ​മ്പെ​യ്ത്ത്, അ​ത്‍ല​റ്റി​ക്സ്, ഫെ​ൻ​സി​ങ്, നീ​ന്ത​ൽ എ​ന്നീ പ്ര​ധാ​ന വി​ഭാ​ഗ​ങ്ങ​ളി​ലാ​യാ​ണ് കു​വൈ​ത്ത് പ​ങ്കാ​ളി​യാ​കു​ക. മി​ക​ച്ച പ്ര​ക​ട​ന​ത്തോ​ടെ പു​തി​യ വേ​ഗ​വും ദൂ​ര​വും ഉ​യ​ര​വും താ​ണ്ടി ലോ​ക കാ​യി​ക​ഭൂ​പ​ട​ത്തി​ൽ ഇ​ത്ത​വ​ണ കു​വൈ​ത്ത് പ​താ​ക​യും ഉ​യ​രു​മെ​ന്ന പ്ര​തീ​ക്ഷ​യി​ലാ​ണ് ഒ​ളി​മ്പി​ക് ക​മ്മി​ റ്റി.

അ​മ്പെ​യ്ത്തി​ൽ ഖാ​ലി​ദ് അ​ൽ മു​ദാ​ഫും മു​ഹ​മ്മ​ദ് അ​ൽ ദൈ​ഹാ​ നി​യും മ​ത്സ​ര​ത്തി​നി​റ​ങ്ങും. അ​ത്‍ല​റ്റി​ക്സി​ൽ യാ​കൂ​ബ് അ​ൽ യോ​ഹ, ഇ​ബ്രാ​ഹീം അ​ൽ ദാ​ഫി​രി, അ​മ​ൽ അ​ൽ റൂ​മി എ​ന്നി​വ​ർ ട്രാ​ക്കി​ലി​റ​ങ്ങും. ഫെ​ൻ​സി​ങ്ങി​ൽ യൂ​സ​ഫ് അ​ൽ ഷം​ലാ​ൻ കു​വൈ​ത്ത് പ്ര​തീ​ക്ഷ​യാ​ണ്. നീ​ന്ത​ലി​ൽ മു​ഹ​മ്മ​ദ് അ​ൽ സു​ബൈ​ദും ലാ​റ ദ​ഷ്തി​യും രാ​ജ്യ​ത്തെ പ്ര​തി​നി​ധീ​ക​രി​ക്കും. ക​പ്പ​ലോ​ട്ട​ത്തി​ൽ ആ​മി​ന ഷാ​യും മ​റ്റൊ​രു മ​ത്സ​ര​ത്തി​ൽ സു​ആ​ദ് അ​ൽ ഫ​ഖാ​നും ഒ​ളി​മ്പി​ക്സി​ൽ ഉ​ണ്ടാ​കും.

ഒ​ളി​മ്പി​ക്‌​സി​ൽ പ​ങ്കെ​ടു​ക്കു​ന്ന കു​വൈ​ത്ത് സം​ഘ​ത്തെ ഒ​ളി​മ്പി​ക് ക​മ്മി​റ്റി ചെ​യ​ർ​മാ​ൻ ശൈ​ഖ് ഫ​ഹ​ദ് നാ​സ​ർ സ​ബാ​ഹ് അ​ൽ അ​ഹ​മ്മ​ദ് അ​സ്സ​ബാ​ഹ്, വൈ​സ് പ്ര​സി​ഡ​ന്റ് ശൈ​ഖ് മു​ബാ​റ​ക് ഫൈ​സ​ൽ ന​വാ​ഫ് അ​ൽ അ​ഹ​മ്മ​ദ് അ​സ്സ​ബാ​ഹ്, മി​ഷ​ൻ ഡ​യ​റ​ക്ട​ർ ക്യാ​പ്റ്റ​ൻ അ​ലി അ​ൽ മാ​രി, ഡ​യ​റ​ക്ട​ർ ബോ​ർ​ഡ് അം​ഗ​ങ്ങ​ൾ എ​ന്നി​വ​ർ അ​നു​ഗ​മി​ക്കും.