കുവൈത്തിൽ വരുന്നവർ ഹെൽത്ത്​​ സെൻററിൽ എത്തി​ രോഗബാധിതരല്ലെന്ന്​ തെളിയിക്കണം

കുവൈത്ത്​ സിറ്റി: ഇന്ത്യയടക്കം പത്ത്​ രാജ്യങ്ങളിൽനിന്ന്​ കുവൈത്തിലേക്ക്​ വരുന്നവർ 72 മണിക്കൂറിനകം ഹെൽത്ത്​​ സ​​െൻററിൽ റിപ്പോർട്ട്​ ചെയ്യണം. വിമാനത്താവളത്തിൽനിന്ന്​ നൽകുന്ന കാർഡിൽ പറഞ്ഞ ഹെൽത്ത്​​ സ​​െൻററിൽ എത്തിയാണ ്​ രോഗബാധിതരല്ലെന്ന്​ തെളിയിക്കേണ്ടത്​.

കോവിഡ്​ 19 വ്യാപകമായ പശ്ചാത്തലത്തിലാണ്​ ആരോഗ്യ മന്ത്രാലയം നിർദേശം പുറപ്പെടുവിച്ചത്​. നിർദേശം ലംഘിച്ചാൽ ഒരുമാസം വരെ തടവുശിക്ഷയും 50 ദീനാർ വരെ പിഴയും ലഭിക്കുമെന്നാണ്​ ഉത്തരവിൽ പറയുന്നത്​. ഇന്ത്യ, ബംഗ്ലാദേശ്​, ഫിലിപ്പീൻസ്​, ഇൗജിപ്​ത്​, സിറിയ, ശ്രീലങ്ക, ലെബനോൻ, അസർബൈജാൻ, തുർക്കി, ജോർജിയ എന്നീ രാജ്യക്കാർക്കാണ്​ ഉത്തരവ്​ ബാധകം.

ഇതിൽ ഇന്ത്യ, ബംഗ്ലാദേശ്, ഫിലിപ്പീൻസ്, ശ്രീലങ്ക, സിറിയ, ലെബനോൻ, ഈജിപ്ത് എന്നീ രാജ്യങ്ങളിൽനിന്നുള്ള യാത്രക്കാർക്ക്​ ഇപ്പോൾ കുവൈത്തിലേക്ക്​ വരാൻ വിലക്കുണ്ട്​. ഇൗ രാജ്യങ്ങളിൽ 14 ദിവസത്തിനിടെ യാത്ര ചെയ്ത മറ്റു രാജ്യക്കാർക്കും വിലക്ക് ബാധകമാണ്.

കുവൈത്ത് പൗരൻ, അടുത്ത കുടുംബാംഗങ്ങൾ, സ്പോൺസറോടൊപ്പം വരുന്ന ഗാർഹികത്തൊഴിലാളി എന്നിവർക്ക് ആവശ്യമായ പരിശോധനകൾക്കു ശേഷം പ്രവേശനം അനുവദിക്കും. മാർച്ച്​ 13ന്​ ഇൗ രാജ്യങ്ങളിൽനിന്നുള്ള വിമാനങ്ങൾ പുനഃസ്ഥാപിക്കുമെന്നാണ്​ റിപ്പോർട്ട്​.