പ്രവാസി വെൽഫെയർ കേരളോത്സവം പോസ്റ്റർ പ്രകാശനം
text_fieldsകുവൈത്ത് സിറ്റി: പ്രവാസി വെൽഫെയർ കുവൈത്ത് കേരളോത്സവം സീസൺ-3 പോസ്റ്റർ പ്രകാശനം മാംഗോ ഹൈപ്പർ മാനേജിങ് ഡയറക്ടർ റഫീഖ് അഹ്മദ് നിർവഹിച്ചു. കബ്ദ് റിസോർട്ടിൽ നടന്ന പ്രകാശന ചടങ്ങിൽ പ്രവാസി കേരള കുവൈത്ത് കേന്ദ്ര പ്രസിഡന്റ് ലായിക് അഹ്മദ് അധ്യക്ഷത വഹിച്ചു.
കേന്ദ്ര ജനറൽ സെക്രട്ടറി രാജേഷ് മാത്യു, ട്രഷറർ ഖലീൽ റഹ്മാൻ, വൈസ് പ്രസിഡന്റ് റഫീഖ് ബാബു, കലാ കായിക കൺവീനർ കെ.വി. ഫൈസൽ, സെക്രട്ടറിമാരായ അൻവർ ഷാജി, ജവാദ് അമീർ, സഫ്വാൻ, കേരളോത്സവം കൺവീനർ നയീം ചാലാട്, മീഡിയ കൺവീനർ എം.കെ.ഗഫൂർ, യൂനിറ്റ് പ്രസിഡന്റുമാർ, കേരളോത്സവം സോണൽ ക്യാപ്റ്റന്മാർ എന്നിവർ പങ്കെടുത്തു. നവംബർ 22ന് രാവിലെ എട്ടു മുതല് അബ്ബാസിയയിലെ ആസ്പയർ ഇന്റർനാഷനൽ സ്കൂളിലാണ് കേരളോത്സവം.
10 ഓളം വേദികളിലായി വിവിധ പ്രായ പരിധിയിലുള്ള കുട്ടികൾക്കും, പുരുഷന്മാർക്കും സ്ത്രീകൾക്കും വെവ്വേറെ മത്സരങ്ങൾ ഉണ്ടാകും. അബ്ബാസിയ, ഫർവാനിയ, ഫഹാഹീൽ, സാൽമിയ എന്നി നാല് സോണുകളുടെ കീഴിൽ അരങ്ങേറുന്ന മത്സരത്തിൽ കുവൈത്തിലെ എല്ലാ മലയാളികൾക്കും പങ്കെടുക്കാം. വിജയികൾക്ക് സർട്ടിഫിക്കറ്റും ട്രോഫികളും വിതരണം ചെയ്യും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.