ജി.​സി.​സി-​ഇ.​യു ഉ​ച്ച​കോ​ടി​യി​ൽ പ്ര​ധാ​ന​മ​ന്ത്രി പ​​​ങ്കെ​ടു​ത്തു

കു​വൈ​ത്ത് സി​റ്റി: ബ്ര​സ​ൽ​സി​ൽ ന​ട​ന്ന ആ​ദ്യ ജി.​സി.​സി-​ഇ.​യു ഉ​ച്ച​കോ​ടി​യി​ൽ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​്മ​ദ് അ​സ്സ​ബാ​ഹ് പ​​ങ്കെ​ടു​ത്തു. ഉ​ച്ച​കോ​ടി​യെ ച​രി​ത്ര​പ​ര​മാ​യ ഒ​ന്നാ​യി വി​ശേ​ഷി​പ്പി​ച്ച പ്ര​ധാ​ന​മ​ന്ത്രി ജി.​സി.​സി​യും യൂ​റോ​പ്യ​ൻ രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം കൂ​ടു​ത​ൽ ശ​ക്തി​പ്പെ​ടു​ത്താ​നു​ള്ള അ​വ​സ​ര​മാ​ണ് ഇ​തെ​ന്നും ചൂ​ണ്ടി​ക്കാ​ട്ടി. ഇ​രു​വി​ഭാ​ഗ​ങ്ങ​ൾ​ക്കു​മി​ട​യി​ൽ സ​ഹ​ക​ര​ണം വ​ർ​ധി​പ്പി​ക്കാ​നും വി​ക​സി​പ്പി​ക്കാ​നു​മു​ള്ള ആ​ത്മാ​ർ​ഥ​മാ​യ ആ​ഗ്ര​ഹ​ത്തെ ഉ​ച്ച​കോ​ടി പ്ര​തി​ഫ​ലി​പ്പി​ക്കു​ന്നു.

പ​ര​സ്പ​ര ധാ​ര​ണ​യി​ലും സ​ഹ​ക​ര​ണ​ത്തി​ലും ആ​ദ​ര​വി​ലും അ​ധി​ഷ്ഠി​ത​മാ​യ ഈ ​സ​മീ​പ​നം പ്രാ​ദേ​ശി​ക, അ​ന്ത​ർ​ദേ​ശീ​യ ത​ല​ങ്ങ​ളി​ൽ സു​ര​ക്ഷ​യും സു​സ്ഥി​ര​ത​യും ശ​ക്തി​പ്പെ​ടു​ത്തു​ക​യാ​ണ് ല​ക്ഷ്യ​മെ​ന്നും പ്ര​ധാ​ന​മ​ന്ത്രി സൂ​ചി​പ്പി​ച്ചു. ഇ​സ്രാ​യേ​ൽ ആ​ക്ര​മ​ണ​ങ്ങ​ൾ ഉ​ട​ന​ടി അ​വ​സാ​നി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട പ്ര​ധാ​ന​മ​ന്ത്രി കി​ഴ​ക്ക​ൻ ജ​റു​സ​ലം ത​ല​സ്ഥാ​ന​മാ​ക്കി സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം എ​ന്ന കു​വൈ​ത്തി​ന്റെ ത​ത്ത്വാ​ധി​ഷ്ഠി​ത നി​ല​പാ​ട് ആ​വ​ർ​ത്തി​ച്ചു. ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ച്ച യൂ​റോ​പ്യ​ൻ രാ​ജ്യ​ങ്ങ​ളു​ടെ തീ​രു​മാ​ന​ത്തെ അ​ദ്ദേ​ഹം അ​ഭി​ന​ന്ദി​ച്ചു. മ​റ്റു യൂ​റോ​പ്യ​ൻ രാ​ജ്യ​ങ്ങ​ളും ഇ​ത് പി​ന്തു​ട​ര​ണ​മെ​ന്നും അ​ഭ്യ​ർ​ഥി​ച്ചു.

ദ്വിരാ​ഷ്ട്ര സെ​റ്റി​ൽ​മെ​ന്‍റ് ന​ട​പ്പി​ലാ​ക്കു​ന്ന​തി​നാ​യി സൗ​ദി അ​ന്താ​രാ​ഷ്ട്ര സ​ഖ്യം സ്ഥാ​പി​ച്ച​തി​നെ പ്ര​ധാ​ന​മ​ന്ത്രി പ്ര​ശം​സി​ച്ചു. സ​മാ​ധാ​ന​പ​ര​മാ​യ മാ​ർ​ഗ​ങ്ങ​ളി​ലൂ​ടെ ക​ല​ഹ​ങ്ങ​ൾ പ​രി​ഹ​രി​ക്കു​ക, അ​ന്താ​രാ​ഷ്ട്ര നി​യ​മ ത​ത്ത്വങ്ങ​ൾ പാ​ലി​ക്കു​ക, ആ​ഗോ​ള​ക്ര​മ​ത്തെ അവതാളത്തിലാകാ​തെ സം​ര​ക്ഷി​ക്കു​ക, ഇ​ര​ട്ട​ത്താ​പ്പ് നി​ര​സി​ക്കു​ക എ​ന്നി​വ​യി​ൽ കു​വൈ​ത്ത് പ്ര​തി​ജ്ഞാ​ബ​ന്ധ​മാ​ണെ​ന്നും വ്യ​ക്ത​മാ​ക്കി. സാ​യു​ധ സം​ഘ​ട്ട​ന​ങ്ങ​ളും ദു​ര​ന്ത​ങ്ങ​ളും നേ​രി​ടു​ന്ന പ്ര​ദേ​ശ​ങ്ങ​ളി​ലെ മാ​നു​ഷി​ക, ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളെ പി​ന്തു​ണ​ക്കു​ന്ന​തി​നു​ള്ള കൂ​ട്ടാ​യ പ്ര​വ​ർ​ത്ത​ന​ത്തി​നും ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​മ്മ​ദ് അ​സ്സ​ബാ​ഹ് ആ​ഹ്വാ​നം ചെ​യ്തു.