വേനൽക്കാലത്തു വിരുന്നെത്തുന്ന മുത്തശ്ശിക്കഥകളിലെ രാച്ചുക്ക്

Caprimulgus aegyptius എ​ന്നാ​ണ് ശാ​സ്ത്രീ​യ നാ​മം. കു​വൈ​ത്തി​ൽ വെ​ള്ള​ത്തി​ന്റെ സാ​നി​ധ്യ​മു​ള്ള ഫാ​മു​ക​ൾ​ക്കും ജ​ല​ശു​ദ്ധീക​ര​ണ കേ​ന്ദ്ര​ങ്ങ​ൾക്കും അ​ടു​ത്ത് ഇ​വ​യെ കാ​ണാം. ആ​ടു​മാ​ടു​ക​ൾ​ക്കു​വേ​ണ്ടി പു​ല്ലു വ​ള​ർ​ത്തു​ന്ന ഇ​ട​ങ്ങ​ളി​ലും ഇ​വ​യെ വേ​ന​ൽക്കാ​ല​ത്തു ക​ണ്ടെ​ത്താം

കു​വൈ​ത്തി​ലേ​ക്ക് വേ​ന​ൽ​ക്കാ​ല​ത്തു വി​രു​ന്നെ​ത്തു​ന്ന അ​പൂ​ർ​വം പ​ക്ഷി​ക​ളി​ൽ ഒ​ന്നാ​ണ് ഈ​ജി​പ്ഷ്യ​ൻ നൈ​റ്റ് ജാ​ർ അ​ഥ​വാ ഈ​ജി​പ്ഷ്യ​ൻ രാ​ച്ചു​ക്ക്. കു​വൈ​ത്തി​ൽ മി​ക്ക പ​ക്ഷി​ക​ളും വി​രു​ന്നെ​ത്തു​ന്ന​ത് ശ​ര​ത്കാ​ലം തൊ​ട്ടു വ​സ​ന്ത​കാ​ലം വ​രെയുള്ള സ​മ​യ​ത്താ​ണ്. എ​ന്നാ​ൽ വ​സ​ന്ത​കാ​ല​ത്തു പ്ര​ജ​ന​നം ന​ട​ത്തി വേ​ന​ലി​ൽ ഇ​വി​ടെ വി​രു​ന്നെ​ത്തു​ന്ന​വ​രാ​ണ് ഈ ​രാ​ച്ചു​ക്കു​ക്ക​ൾ.

ചെ​റി​യ ഒ​രു വി​ഭാ​ഗം കു​വൈ​ത്തി​ലെ മ​രു​ഭൂ​മി​യി​ലും പ്ര​ജ​ന​നം ന​ട​ത്തി​യ​താ​യി പു​തി​യ പ​ഠ​ന​ങ്ങ​ൾ വ​രു​ന്നു​ണ്ട്. ആ​ഫ്രി​ക്ക​യി​ൽ​നി​ന്നും മ​ധ്യേ​ഷ്യ​യി​ലേ​ക്കും തി​രി​ച്ചു​മാ​ണ് ഇ​വ​യു​ടെ ദേ​ശാ​ട​ന സ​ഞ്ചാ​ര പാ​ത. യൂ​റോ​പ്യ​ൻ ഭൂ​പ്ര​ദേ​ശ​ങ്ങ​ള്ളി​ലേ​ക്ക് വ​ള​രെ അ​പൂ​ർ​വ​മാ​യി മാ​ത്ര​മേ ഇ​വ എ​ത്തി​പ്പെ​ടാ​റു​ള്ളൂ.

രാ​ത്രി സ​ജീ​വ​മാ​ക്കു​ന്ന പ​ക്ഷി​യാ​ണി​വ. സ​ന്ധ്യ​ക്കും പു​ല​ർ​ച്ച​യു​മാ​ണ് ഇ​ര​തേ​ടാ​ൻ ഇ​റ​ങ്ങു​ക. ചെ​റി​യ വെ​ളി​ച്ച​ത്തി​ൽ പോ​ലും മി​ക​ച്ച കാ​ഴ്‌​ച ല​ഭി​ക്കു​ന്ന വ​ലി​യ ക​റു​ത്ത ക​ണ്ണു​ക​ൾ ഉ​ണ്ട്. വി​ള​റി​യ മ​ണ​ലി​ന്റെ നി​റ​വും അ​തി​ൽ സ്വ​ർ​ണ നി​റ​ത്തി​ലു​ള്ള പൊ​ട്ടു​ക​ളും നി​റ​ഞ്ഞ​താ​ണ് ഇ​വ​യു​ടെ തൂ​വ​ൽ കു​പ്പാ​യം. രാ​വി​ലെ വെ​റും നി​ല​ത്തു പ​തു​ങ്ങി ഇ​രി​ക്കു​ന്ന ഇ​വ​യെ മ​ണ്ണി​നോ​ട് സാ​മ്യ​മു​ള്ള നി​റം കാ​ര​ണം ക​ണ്ടെ​ത്തു​ക വ​ള​രെ​യേ​റെ ശ്ര​മ​ക​ര​മാ​ണ്.

പ​റ​ന്നു കൊ​ണ്ട് ഇ​ര​തേ​ടു​ന്ന സ്വ​ഭാ​വ​ക്കാ​രാ​ണി​വ​ർ. പ​റ​ക്കു​ന്ന പ്രാ​ണി​ക​ളെ​യും മ​റ്റും പ​റ​ന്നു കൊ​ണ്ട് ത​ന്നെ പി​ടി​ക്കാ​ൻ വി​ദ​ഗ്ധ​ർ. ഇ​തി​നു ഉ​ത​കു​ന്ന ചെ​റി​യ കൊ​ക്കും ക​വി​ളി​ലേ​ക്ക് നീ​ള​ത്തി​ൽ തു​റ​ക്കു​ന്ന വാ​യ​യും ആ​ണ് ഇ​വ​യു​ടെ​ത്. പ്രാ​ണി​ക​ളു​ടെ സാ​ന്നി​ധ്യം കൂ​ടു​ത​ലു​ള്ള വെ​ള്ള​ത്തോ​ട് ചേ​ർ​ന്നു​ള്ള ആ​വാ​സ ഇ​ട​ങ്ങ​ളി​ലാ​ണ് ഇ​വ​യെ മി​ക്ക​പ്പോ​ഴും കാ​ണു​ന്ന​ത്. വ​ലു​പ്പ​ത്തി​ലും ഇ​വ ചെ​റു​താ​ണ്.

കൂ​ട് കൂ​ട്ടു​ന്ന സ്വ​ഭാ​വം ഇ​ല്ലാ​ത്ത ഇ​വ വെ​റും നി​ല​ത്താ​ണ് മു​ട്ട​യി​ട്ട് അ​ട​യി​രി​ക്കു​ന്ന​ത്. ര​ണ്ടു മു​ട്ട​ക​ളാ​ണ് ഒ​രു പ്ര​ജ​ന​ന കാ​ല​ത്ത് ഇ​വ ഇ​ടു​ന്ന​ത്. ഇ​ണ​യെ ആ​ക​ർ​ഷി​ക്കാ​ൻ രാ​ത്രി വൈ​കി ആ​ൺ കി​ളി​ക​ൾ ഉ​ണ്ടാ​കു​ന്ന ചൂ​ളം വി​ളി മ​നു​ഷ്യ​രി​ൽ ഭീ​തി ജ​നി​പ്പി​ക്കാ​റു​ണ്ട്. ഇ​തു​കൊ​ണ്ടു​ത​ന്നെ മൂ​ങ്ങ​ക​ളെ​പോ​ലെ ഒ​ട്ട​ന​വ​ധി മു​ത്ത​ശ്ശി​ക്ക​ഥ​ക​ളി​ലു​ള്ള പ​ക്ഷി​യാ​ണ് രാ​ച്ചു​ക്കു​ക​ൾ.

കാ​ലാ​വ​സ്ഥ വ്യ​തി​യാ​നം മൂ​ല​മു​ള്ള മ​രു​ഭൂ​മി​യി​ലെ മ​ഴ​യു​ടെ കു​റ​വ് ബാ​ധി​ച്ചി​ട്ടു​ള്ള പ​ക്ഷി​യാ​ണ് ഇ​വ. മ​രു​ഭൂ​മി​യി​ലെ മ​ഴ​യും അ​തി​നോ​ട​നു​ബ​ന്ധി​ച്ചു പൊ​ടു​ന്ന​നെ ത​ഴ​ച്ചു വ​ള​രു​ന്ന സ​സ്യ​ങ്ങ​ളും പ്രാ​ണി​ക​ളും നി​റ​ഞ്ഞ കാ​ല​മാ​ണ് രാ​ച്ചു​ക്ക​ൾ പ്ര​ജ​ന​ന കാ​ല​മാ​യി ​തി​ര​ഞ്ഞെ​ടു​ക്കു​ന്ന​ത്. ഒ​ന്നോ ര​ണ്ടോ കൊ​ല്ല​ത്തി​ൽ ഈ ​പ്ര​ക്രി​യ ത​ട​സ്സ​പെ​ടു​ന്ന ഇ​ട​ങ്ങ​ളി​ൽ​നി​ന്ന് ഇ​വ തീ​ർ​ത്തും അ​പ്ര​ത്യ​ക്ഷ​മാ​കാ​റു​ണ്ട്. കു​വൈ​ത്തി​ൽ ദേ​ശാ​ട​ന​ത്തി​ന് പ​ത്തി​ൽ കൂ​ടു​ത​ലു​ള്ള ചെ​റു കൂ​ട്ട​ങ്ങ​ളാ​യാ​ണ് എ​ത്താ​റു​ള്ള​ത്.