കാ​രു​ണ്യ​ത്തി​ന്റെ ക​ര​ങ്ങ​ൾ ഒ​രു​മി​ച്ചു; റ​ഹീം നാ​ട്ടി​ലേ​ക്ക്

കു​വൈ​ത്ത് സി​റ്റി: ര​ണ്ടു വ​ർ​ഷ​ത്തെ ആ​ശു​പ​ത്രി വാ​സ​ത്തി​ന് ഒ​ടു​വി​ൽ റ​ഹീം നാ​ട്ടി​ലേ​ക്ക് മ​ട​ങ്ങു​ന്നു. പൂ​ർ​ണ ആ​രോ​ഗ്യ​വാ​ന​ല്ലെ​ങ്കി​ലും ഇ​നി​യു​ള്ള ദി​ന​ങ്ങ​ൾ വീ​ടി​ന്റെ​യും ബ​ന്ധു​ക്ക​ളു​ടെ​യും ത​ണ​ലി​ൽ ക​ഴി​യാ​മെ​ന്ന പ്ര​തീ​ക്ഷ​യി​ലാ​ണ് മ​ട​ക്കം. അ​പ്ര​തീ​ക്ഷി​ത​മാ​യെ​ത്തി​യ അ​പ​ക​ടം ആ​ശു​പ​ത്രി മു​റി​യി​ൽ അ​ക​പ്പെ​ടു​ത്തി​യ റ​ഹീം നീ​ണ്ട​കാ​ല​ത്തെ നി​യ​മ പോ​രാ​ട്ട​ത്തി​നും മ​ല​യാ​ളി സം​ഘ​ട​ന​ക​ളു​ടെ​യും വ്യ​ക്തി​ക​ളു​ടെ​യും ഇ​ട​പെ​ട​ലി​നും ഒ​ടു​വി​ലാ​ണ് മ​ട​ങ്ങു​ന്ന​ത്. 2022 മാ​ർ​ച്ച് 17ന് ​ഷു​ഹ​ദാ സി​ഗ്ന​ലി​ലു​ണ്ടാ​യ അ​പ​ക​ട​മാ​ണ് റ​ഹീ​മി​ന്റെ ജീ​വി​ത​ത്തെ​യും സ്വ​പ്ന​ങ്ങ​ളെ​യും ത​കി​ടം മ​റി​ച്ച​ത്.

കു​വൈ​ത്തി​ൽ ഹൗ​സ് ഡ്രൈ​വ​റാ​യും മ​റ്റു ജോ​ലി​ക​ളി​ലും ഏ​ർ​പ്പെ​ട്ടു​വ​രു​ക​യാ​യി​രു​ന്ന റ​ഹീം നാ​ട്ടി​ലേ​ക്കു പോ​കാ​ൻ ത​യാ​റെ​ടു​ക്കു​ന്ന​തി​നി​ടെ​യാ​യി​രു​ന്നു അ​പ​ക​ടം. ഇ​ഖാ​മ തീ​ർ​ന്ന​തി​നാ​ൽ യാ​ത്ര​ക്കു​മു​മ്പ് ഇ​ന്ത്യ​ൻ എം​ബ​സി​യി​ൽ നി​ന്ന് യാ​ത്ര രേ​ഖ​ക​ള്‍ ശ​രി​യാ​ക്കി നാ​ട്ടി​ലേ​ക്കു​ള്ള ടി​ക്ക​റ്റും എ​ടു​ത്തി​രു​ന്നു. എ​ന്നാ​ൽ, യാ​ത്ര​ക്ക് തൊ​ട്ടു​മു​മ്പ​ത്തെ ദി​വ​സം ജീ​വി​തം മ​റ്റൊ​രു ദി​ശ​യി​ലേ​ക്ക് മാ​റി​മ​റി​ഞ്ഞു. യാ​ത്ര​ക്കു​ള്ള ബാ​ഗ് ഒ​രു​ക്കു​ന്ന​തി​നു മു​മ്പ് മ​റ​ന്നു​പോ​യ ഒ​രു സാ​ധ​നം വാ​ങ്ങാ​ന്‍ സൂ​പ​ര്‍മാ​ര്‍ക്ക​റ്റി​ലേ​ക്ക് പോ​യ​താ​യി​രു​ന്നു റ​ഹീം. സ​ന്തോ​ഷ​ത്തോ​ടെ തി​രി​കെ വ​രു​ന്ന സ​മ​യ​ത്ത് ട്രാ​ഫി​ക് സി​ഗ്ന​ലി​ല്‍ ഉ​ണ്ടാ​യ അ​പ​ക​ട​ത്തി​ല്‍ ഗു​രു​ത​ര​മാ​യി പ​രി​ക്കേ​റ്റു. യാ​ത്ര​ക്കി​ടെ റ​ഹീം ഓ​ടി​ച്ചി​രു​ന്ന വാ​ഹ​നം മ​റ്റു ര​ണ്ടു വാ​ഹ​ന​ങ്ങ​ളു​മാ​യി കൂ​ട്ടി​യി​ടി​ക്കു​ക​യാ​യി​രു​ന്നു.

പി​ന്നീ​ട് മാ​സ​ങ്ങ​ളോ​ളം ബോ​ധ​മി​ല്ലാ​തെ മു​ബാ​റ​ക് അ​ല്‍ ക​ബീ​ര്‍ ആ​ശു​പ​ത്രി​യി​ലെ ഐ.​സി.​യു​വി​ല്‍ ക​ഴി​ഞ്ഞു. മ​ര​ണ​ത്തി​ന്‍റെ​യും ജീ​വി​ത​ത്തി​ന്‍റെ​യും നൂ​ല്‍പ്പാ​ല​ത്തി​ലൂ​ടെ​യു​ള്ള യാ​ത്ര. ഡോ​ക്ട​ര്‍മാ​ര്‍ പോ​ലും ആ​ശ​ങ്ക പ​ങ്കു​വെ​ച്ച നി​മി​ഷ​ങ്ങ​ള്‍. പി​ന്നീ​ട് അ​ത്ഭു​ത​ക​ര​മാ​യി റ​ഹീം ജീ​വി​ത​ത്തി​ലേ​ക്ക് തി​രി​കെ വ​ന്നു. എ​ന്നാ​ൽ, ശ​രീ​ര​ത്തി​ന്റെ ഒ​രു ഭാ​ഗം അ​പ്പോ​ഴേ​ക്കും ത​ള​ർ​ന്നു പോ​യി​രു​ന്നു. സം​സാ​രി​ക്കാ​നും പ്ര​യാ​സ​ങ്ങ​ൾ വ​ന്നു. എ​ല്ലാ പ്ര​തി​സ​ന്ധി​ക​ളെ​യും റ​ഹീം മ​നോ​ബ​ല​ത്തോ​ടെ നേ​രി​ട്ടു. നാ​ട്ടി​ലേ​ക്ക് പോ​ക​ണ​മെ​ന്നും ബ​ന്ധു​ക്ക​ളെ കാ​ണ​ണ​മെ​ന്നു​മു​ള്ള ആ​ഗ്ര​ഹം വ​ന്നു​തു​ട​ങ്ങി. എ​ന്നാ​ൽ, അ​തെ​ല്ലാം നി​യ​മ പ്ര​ശ്ന​ങ്ങ​ളി​ൽ ഉ​ട​ക്കി നി​ന്നു. മ​ല​യാ​ളി​ക​ളി​ൽ ചി​ല​ർ കൂ​ടെ നി​ന്ന് മ​ന​ക്ക​രു​ത്ത് ന​ൽ​കി. വി​ഷ​യ​ത്തി​ൽ ആ​ദ്യം മു​ത​ൽ ഇ​ട​പെ​ട്ടു വ​ന്നി​രു​ന്ന മു​ബാ​റ​ക് അ​ല്‍ ക​ബീ​ര്‍ ആ​ശു​പ​ത്രി​യി​ലെ ചീ​ഫ് മെ​ഡി​ക്ക​ൽ ടെ​ക്നോ​ള​ജി​സ്റ്റ് അ​റ​ഫാ​ത്ത് സി.​കെ.​ഡി സം​ഘ​ട​ന പ്ര​തി​നി​ധി​ക​ളെ​യും ആ​രോ​ഗ്യ, ആ​ഭ്യ​ന്ത​ര മ​ന്ത്രാ​ല​യം ജീ​വ​ന​ക്കാ​രെ​യും ഒ​രു​മി​പ്പി​ച്ച് റ​ഹീ​മി​നെ നാ​ട്ടി​ല​യ​ക്കാ​നു​ള്ള നീ​ക്കം ആ​രം​ഭി​ച്ചു.

ട്രാ​വ​ൽ ബാ​ൻ ഒ​ഴി​വാ​ക്കാ​നും നി​യ​മ​പ്ര​ശ്ന​ങ്ങ​ൾ തീ​ർ​ക്കാ​നും കു​വൈ​ത്തി അ​ഭി​ഭാ​ഷ​ക​നെ​യും കൂ​ട്ടാ​യ്മ നി​യ​മി​ച്ചു. ആ​റു​മാ​സ​ത്തോ​ളം നീ​ണ്ട ന​ട​പ​ടി​ക​ൾ​ക്കൊ​ടു​വി​ൽ റ​ഹീ​മി​ന്റെ ട്രാ​വ​ൽ ബാ​ൻ ക​ഴി​ഞ്ഞ ആ​ഴ്ച ഒ​ഴി​വാ​യി. ഇ​തോ​ടെ നാ​ട്ടി​ൽ പോ​കാ​നു​ള്ള ത​ട​സ്സ​ങ്ങ​ൾ നീ​ങ്ങി. പ്ര​വാ​സി വെ​ൽ​ഫെ​യ​ർ കു​വൈ​ത്ത്, കെ.​എം.​സി.​സി, ഐ.​സി.​എ​ഫ്, മ​റ്റു സം​ഘ​ട​ന പ്ര​തി​നി​ധി​ക​ൾ, വ്യ​ക്തി​ക​ൾ എ​ന്നി​വ​ർ ഇ​തി​ന​കം പ​ല​രൂ​പ​ത്തി​ൽ വി​ഷ​യ​ത്തി​ൽ ഇ​ട​പെ​ട്ടു.

വെ​ള്ളി​യാ​ഴ്ച എ​യ​ർ​ഇ​ന്ത്യ എ​ക​സ്പ്ര​സി​ൽ റ​ഹീ​മി​നെ നാ​ട്ടി​ല​യ​ക്കാ​നാ​ണ് ശ്ര​മം. ഇ​തി​നാ​യി വീ​ൽ​ചെ​യ​റും മ​റ്റു സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. സ​ന്ന​ദ്ധ പ്ര​വ​ർ​ത്ത​ക​രാ​യ സ​ലിം കൊ​മ്മേ​രി​യും ഹാ​രി​സ് വ​ള്ളി​യോ​ത്തും റ​ഹീ​മി​നെ അ​നു​ഗ​മി​ക്കും. നാ​ട്ടി​ലെ​ത്തി​യാ​ലും റ​ഹീ​മി​ന് പ​ര​സ​ഹാ​യ​വും തു​ട​ർ ചി​കി​ത്സ​യും അ​നി​വാ​ര്യ​മാ​ണ്. റ​ഹീം കി​ട​പ്പി​ലാ​യ​തോ​ടെ നാ​ട്ടി​ൽ ആ​കെ​യു​ണ്ടാ​യി​രു​ന്ന കോ​ഴി​ക്കോ​ട് എ​ക​രൂ​ലി​ന​ടു​ത്തു​ള്ള വീ​ട് ജ​പ്തി ഭീ​ഷ​ണി​യി​ലാ​ണ്. ഇ​ത്ര​കാ​ല​വും കൂ​ടെ നി​ന്ന ന​ന്മ മ​ന​സ്സു​ക​ൾ ഇ​നി​യും ചേ​ർ​ത്തു നി​ർ​ത്തും എ​ന്ന പ്ര​തീ​ക്ഷ​യി​ലാ​ണ് റ​ഹീം.