ഗാർഹികത്തൊഴിലാളി ഒാഫിസിൽ മിന്നൽ പരിശോധന 

കുവൈത്ത്​ സിറ്റി: ജലീബ്​ അൽ ശുയൂഖിലെ ഗാർഹികത്തൊഴിലാളി വിതരണ ഒാഫിസിൽ തൊഴിലാളി പരിശോധന വിഭാഗം ഉദ്യോഗസ്ഥർ മിന്നൽ പരിശോധന നടത്തിയതായി മാൻപവർ പബ്ലിക്​ അതോറിറ്റി പറഞ്ഞു. 
മേഖലയിലെ വ്യാപാര സ്ഥാപനങ്ങളിലും അധികൃതർ പരിശോധന നടത്തി. അടച്ചിട്ട കടകളിൽനിന്ന്​ ഫയലുകൾ പരിശോധിച്ചു. നിരവധി തൊഴിൽ നിയമ ലംഘനങ്ങൾ കണ്ടെത്തിയതായാണ്​ റിപ്പോർട്ടുകൾ.
 മലയാളികൾ തിങ്ങിപ്പാർക്കുന്ന ജലീബ്​ അൽ ശുയൂഖിൽ ഒരുമാസത്തിനിടെ നിരവധി പരിശോധനകളാണ്​ നടന്നത്​. 
താമസരേഖയില്ലാത്തവർ ഉൾപ്പെടെ ആയിരക്കണക്കിനാളുകൾ ഇവിടെയുണ്ട്​.