റ​മ​ദാ​ൻ അ​വ​സാ​ന​ത്തി​ലേ​ക്ക്; 27ാം രാ​വി​ൽ വി​ശ്വാ​സി​ക​ളാ​ൽ നി​റ​ഞ്ഞ് മ​സ്ജി​ദു​ക​ൾ

കു​വൈ​ത്ത് സി​റ്റി: റ​മ​ദാ​ൻ അ​വ​സാ​ന ദി​ന​ങ്ങ​ളി​ലേ​ക്ക് ക​ട​ന്ന​തോ​ടെ കൂ​ടു​ത​ൽ പ്രാ​ർ​ഥ​ന​ക​ളി​ലും സ​ത്ക​ർ​മ​ങ്ങ​ളി​ലും മു​ഴു​കി വി​ശ്വാ​സി​ക​ൾ. ആ​യി​രം മാ​സ​ത്തേ​ക്കാ​ൾ ശ്രേ​ഷ്ഠ​ക​ര​മെ​ന്ന് വി​ശേ​ഷി​പ്പി​ക്കു​ന്ന ‘ലൈ​ല​ത്തു​ൽ ഖ​ദ്റി​ന്’ സാ​ധ്യ​ത​യു​ള്ള​താ​യി ക​ണ​ക്കാ​ക്ക​പ്പെ​ടു​ന്ന 27ാം രാ​വി​ൽ വെ​ള്ളി​യാ​ഴ്​​ച രാ​ത്രി ന​മ​സ്​​കാ​ര​ത്തി​ന്​ മ​സ്ജി​ദു​ക​ളി​ലേ​ക്ക് വി​ശ്വാ​സി​ക​ൾ ഒ​ഴു​കി​യെ​ത്തി. ഇ​തോ​ടെ രാ​ജ്യ​ത്തെ പ​ള്ളി​ക​ൾ ജ​ന​സാ​ഗ​ര​മാ​യി. രാ​ജ്യ​ത്തെ ഏ​റ്റ​വും വ​ലി​യ പ​ള്ളി​യാ​യ മ​സ്​​ജി​ദു​ൽ ക​ബീ​റി​ൽ പ​തി​നാ​യി​ര​ത്തി​ല​ധി​കം പേ​രാ​ണ്​ രാ​ത്രി ന​മ​സ്​​കാ​ര​ത്തി​നെ​ത്തി​യ​ത്. മ​റ്റു പ​ള്ളി​ക​ളി​ലും വ​ലി​യ തി​ര​ക്ക് അ​നു​ഭ​വ​പ്പെ​ട്ടു. പ​ല​യി​ട​ത്തും മ​സ്​​ജി​ദി​ന്​ പു​റ​ത്തേ​ക്കും ന​മ​സ്​​കാ​ര​ത്തി​​ന്റെ നി​ര നീ​ണ്ടു. ലൈ​ല​ത്തു​ൽ ഖ​ദ്​​ർ പ്ര​തീ​ക്ഷ​യി​ൽ വി​ശ്വാ​സി​ക​ൾ നേ​ര​ത്തെ ത​ന്നെ പ​ള്ളി​യി​ൽ ഇ​രി​പ്പു​റ​പ്പി​ച്ച്​ ആ​രാ​ധ​ന​ക​ളി​ൽ മു​ഴു​കി.

പു​ല​രും​വ​രെ പ​ള്ളി​ക​ളി​ല്‍ ക​ഴി​ച്ചു​കൂ​ട്ടി​യ വി​ശ്വാ​സി​ക​ള്‍ ന​മ​സ്കാ​ര​ത്തി​ലും ഖു​ർ​ആ​ൻ പാ​രാ​യ​ണ​ത്തി​ലും പ്രാ​ര്‍ഥ​ന​ക​ളി​ലും മു​ഴു​കി. റ​മ​ദാ​നി​ലെ അ​വ​സാ​ന പ​ത്തി​ല്‍ വി​ശ്വാ​സി​ക​ളു​ടെ മ​ന​സ്സ് പ്രാ​ര്‍ഥ​നനി​ര്‍ഭ​ര​മാ​ണ്. ന​ര​ക മോ​ച​ന​ത്തി​നാ​യി മ​ന​മു​രു​കി പ്രാ​ർ​ഥി​ച്ചും ദാ​ന​ധ​ർ​മ​ങ്ങ​ൾ ന​ൽ​കി​യും പു​ണ്യ​പ്ര​വൃ​ത്തി​ക​ളി​ൽ ഏ​ർ​പ്പെ​ട്ടും വി​ശ്വാ​സി​ക​ൾ ബാ​ക്കി​യു​ള്ള ദി​ന​ങ്ങ​ളെ ഉ​പ​യോ​ഗ​പ്പെ​ടു​ത്തു​ക​യാ​ണ്. റ​മ​ദാ​നി​ല്‍ ഉ​ള്‍ക്കൊ​ണ്ട ചൈ​ത​ന്യം വ​രും നാ​ളു​ക​ളി​ലും നി​ല​നി​ര്‍ത്താ​ന്‍ ക​ഴി​യേ​ണ്ട​തു​ണ്ടെ​ന്ന പ്ര​തി​ജ്ഞ​കൂ​ടി​യാ​ണ് അ​വ​സാ​ന പ​ത്തി​ലെ ഓ​രോ ദി​വ​സ​ങ്ങ​ളും. റ​മ​ദാ​ൻ അ​വ​സാ​ന പ​ത്തി​ൽ എ​ത്തി​യ​തോ​ടെ പ​ള്ളി​ക​ളി​ൽ ഇ​അ്ത്തി​ക്കാ​ഫ് ഇ​രി​ക്കാ​നും നി​ര​വ​ധി പേ​രു​ണ്ട്. സ​കാ​ത്ത് വി​ത​ര​ണ​ത്തി​നു​ള്ള ഒ​രു​ക്ക​ങ്ങ​ളും വി​ശ്വാ​സി​ക​ള്‍ ആ​രം​ഭി​ച്ചു​ക​ഴി​ഞ്ഞു.