റമദാൻ മാസപ്പിറ ശറഈ അതോറിറ്റി ബുധനാഴ്ച യോഗം ചേരും

കുവൈത്ത് സിറ്റി: മാസപ്പിറ ദർശിക്കുന്നതിനും റമദാൻ മാസാരംഭം സംബന്ധിച്ച് തീരുമാനം കൈകൊള്ളുന്നതിനും ശറഈ അതോറ ിറ്റി ബുധനാഴ്ച യോഗം ചേരും.

സുപ്രീം ജുഡീഷ്യൽ കൗൺസിൽ ആസ്ഥാനത്ത്​ ചെയർമാൻ യൂസുഫ്​ അൽ മുതവ്വയുടെ അധ്യക്ഷതയിൽ ചേരുന്ന യോഗത്തിൽ ഒൗഖാഫ്​ മന്ത്രി ഡോ. ഫഹദ്​ അൽ അഫാസിയും സംബന്ധിക്കും.

നീതിന്യായ മന്ത്രാലയത്തിലെ ഉന്നത ജഡ്ജിമാരാണ് അതോറിറ്റി അംഗങ്ങൾ. കുവൈത്ത്​ വാർത്താഏജൻസിയോട്​ നീതിന്യായ മന്ത്രാലയം അറിയിച്ചതാണിത്​. റമദാൻ മാസപ്പിറ കാണുന്നവർ മതിയായ തെളിവുകളോടെ അതോറിറ്റിയെ 25376934 എന്ന നമ്പറിൽ അറിയിക്കണമെന്ന് അധികൃതർ ആവശ്യപ്പെട്ടു.