'ഈദിയ' സംഗീതനിശ പോസ്റ്റർ പ്രകാശനം

കുവൈത്ത് സിറ്റി: പെരുന്നാളിനോടനുബന്ധിച്ച് കുവൈത്തിൽ അരങ്ങേറുന്ന ബദർ അൽ സമ 'ഗ്രാൻഡ് ഈദിയ' സംഗീതനിശയുടെ പോസ്റ്റർ പ്രകാശനം ചെയ്തു.മലയാളത്തിലെ പ്രമുഖ ഗായകരെ അണിനിരത്തി മീഡിയ ഫാക്ടറിയാണ് ഈദിയ ഒരുക്കുന്നത്. ബദർ അൽ സമ മെഡിക്കൽ സെന്റർ ബ്രാഞ്ച് മാനേജർ അബ്ദുൽ റസാഖ് മീഡിയ ഫാക്ടറി എക്സിക്യൂട്ടിവ് ഡയറക്ടർ ബോബി എബ്രഹാമിൽനിന്ന് പോസ്റ്റർ ഏറ്റുവാങ്ങി.

ജൂലൈ 11ന് മൈദാൻ ഹവല്ലി അമേരിക്കൻ ഇന്റർനാഷനൽ സ്‌കൂളിൽ നടക്കുന്ന പരിപാടിയിൽ അഫ്സൽ, രഹ്ന, ഇഷാൻ ദേവ്, സിയാഉൽ ഹഖ് തുടങ്ങിയ പ്രമുഖ ഗായകർ പങ്കെടുക്കും. ഫർവാനിയ ബദർ സമ ഹാളിൽ നടന്ന ചടങ്ങിൽ മീഡിയ ഫാക്ടറി ടെക്നിക്കൽ ഹെഡ് ഷാജഹാൻ അബ്ദുൽ ഹമീദ്, ഇവന്റ് കോഓഡിനേറ്റർ റംഷിദ്, ബദർ അൽ സമ മാർക്കറ്റിങ് ടീം അംഗങ്ങളായ സന ഖൽഫെ, ഷെറിൻ ഡേവിഡ്, പഞ്ചമി സോമൻ, റിഫായി പേരാൽ എന്നിവർ പങ്കെടുത്തു.