മടക്കയാത്രയിൽ അനിശ്ചിതത്വം: കുവൈത്തിൽനിന്ന്​ നാളെ സർവീസിന്​ സാധ്യതയില്ല​

കുവൈത്ത്​ സിറ്റി: പ്രവാസികളെ തിരി​ച്ചു​കൊണ്ടുപോവുന്ന ദൗത്യത്തി​​െൻറ ഭാഗമായി കുവൈത്തിൽനിന്ന്​ ആദ്യ വിമാനം വെള്ളിയാഴ്​ചത്തേക്ക്​ ഷെഡ്യൂൾ ചെയ്​തിരുന്നെങ്കിലും ഒരുക്കങ്ങളിൽ അനിശ്ചിതത്വം. ​വെള്ളിയാഴ്​ച സർവീസ്​ സാധ്യമായേക്കില്ലെന്നാണ്​ എംബസിയിൽനിന്ന്​ ഒടുവിൽ ലഭിച്ച വിവരം. ടിക്കറ്റ്​ വിതരണം, വിവിധ സ്ഥലങ്ങളിൽ കുടുങ്ങിക്കിടക്കുന്ന യാത്രക്കാരെ ഒരുമിച്ചുകൂട്ടി വിമാനത്താവളത്തിൽ എത്തിക്കൽ തുടങ്ങി അടിയന്തര കാര്യങ്ങൾ പൂർത്തിയായിട്ടില്ല. വ്യോമയാന വകുപ്പി​​െൻറ അനുമതിയും ലഭ്യമായിട്ടില്ല. ചുരുങ്ങിയ സമയം കൊണ്ട്​ ഇക്കാര്യങ്ങൾ പൂർത്തിയാവാൻ സാധ്യത കുറവാണ്​. ഇൗ സാഹചര്യത്തിൽ സർവീസ്​ നീട്ടിവെക്കാൻ അധികൃതർ നിർബന്ധിതമാവും. കുവൈത്തിൽനിന്ന്​ ആദ്യ വിമാനം വെള്ളിയാഴ്​ച ഹൈദരാബാദിലേക്കും ​ശനിയാഴ്​ച കൊച്ചിയിലേക്കും ഞായറാഴ്​ച ചെന്നൈയിലേക്കും ചൊവ്വാഴ്​ച അഹമ്മദാബാദിലേക്കും ബുധനാഴ്​ച കോഴിക്കോ​േട്ടക്കും ആണ്​ നിശ്ചയിച്ചിരുന്നത്​. ഒാരോ വിമാനത്തിലും 200 യാത്രക്കാർ ഉണ്ടാവുമെന്നാണ്​ അറിയിച്ചിരുന്നത്​. ഗർഭിണികൾ, കാൻസർ രോഗികൾ, കുവൈത്തിൽ ചികിത്സ ലഭ്യമല്ലെന്ന്​ സാക്ഷ്യപത്രം സമർപ്പിക്കാൻ കഴിയുന്ന രോഗികൾ എന്നിവർക്ക്​ മുൻഗണന നൽകി എംബസിയിൽനിന്ന്​ രജിസ്​റ്റർ ചെയ്​തവർക്ക്​ ഫോൺകാൾ വരികയും വാട്​സാപ്​ ഗ്രൂപ്പ്​ രൂപവത്​കരിക്കുകയും ചെയ്​തിരുന്നു. പിന്നീട്​ അറിയിപ്പൊന്നും ലഭിച്ചിട്ടില്ല.