സാഫ് കപ്പ്: കുവൈത്ത് ഫൈനലിൽ

കു​വൈ​ത്ത് സി​റ്റി: പ്ര​തീ​ക്ഷ തെ​റ്റി​ച്ചി​ല്ല, ബം​ഗ്ലാ​ദേ​ശി​നെ​തി​രെ മി​ക​വാ​ർ​ന്ന വി​ജ​യ​വു​മാ​യി സൗ​ത്ത് ഏ​ഷ്യ​ൻ ഫു​ട്ബാ​ൾ ഫെ​ഡ​റേ​ഷ​ൻ (സാ​ഫ്) ക​പ്പി​ൽ കു​വൈ​ത്ത് ഫൈ​ന​ൽ യോ​ഗ്യ​ത നേ​ടി. സ​മ​നി​ല​യി​ലേ​ക്ക് നീ​ളു​മെ​ന്നു തോ​ന്നി​ച്ച മ​ത്സ​ര​ത്തി​ൽ 106ാം മി​നി​റ്റി​ൽ അ​ബ്ദു​ല്ല അ​മ്മാ​ർ നേ​ടി​യ ഗോ​ളാ​ണ് കു​വൈ​ത്തി​നെ ഫൈ​ന​ൽ ബെ​ർ​ത്തി​ലേ​ക്ക് യോ​ഗ്യ​രാ​ക്കി​യ​ത്. ബം​ഗ​ളൂ​രു ക​ണ്ഠീ​ര​വ സ്റ്റേ​ഡി​യ​ത്തി​ൽ ഇ​ന്ത്യ​ൻ സ​മ​യം മൂ​ന്നി​ന് ആ​രം​ഭി​ച്ച മ​ത്സ​രം ഗോ​ൾ​ര​ഹി​ത​മാ​യി മു​ന്നോ​ട്ടു​പോ​കു​ന്ന​തി​നി​ടെ​യാ​ണ് അ​ബ്ദു​ല്ല അ​മ്മാ​ർ കു​വൈ​ത്തി​ന്റെ ഹീ​റോ​യാ​യി അ​വ​ത​രി​ച്ച​ത്.

ഗോ​ൾ​പോ​സ്റ്റി​ന് മു​ന്നി​ലേ​ക്കാ​യി പാ​സ് ല​ഭി​ച്ച അ​ബ്ദു​ല്ല അ​മ്മാ​ർ ബോ​ക്സി​ലേ​ക്ക് ഓ​ടി​ക്ക​യ​റി ബം​ഗ്ലാ​ദേ​ശ് ഡി​ഫ​ൻ​ഡ​റു​ടെ കാ​ലി​നി​ട​യി​ലൂ​ടെ പ​ന്ത് വ​ല​യി​ലെ​ത്തി​ക്കു​ക​യാ​യി​രു​ന്നു. ചാ​മ്പ്യ​ൻ​ഷി​പ്പി​ൽ ഒ​രു ക​ളി​യും തോ​ൽ​ക്കാ​തെ​യാ​ണ് കു​വൈ​ത്ത് ഫൈ​ന​ലി​ലേ​ക്ക് പ്ര​വേ​ശി​ക്കു​ന്ന​ത്. ഗ്രൂ​​പ് ‘എ’​യി​​ലെ ഉ​ദ്ഘാ​ട​ന മ​ത്സ​ര​ത്തി​ൽ നേ​പ്പാ​ളി​നെ 3-1ന് ​പ​രാ​ജ​യ​പ്പെ​ടു​ത്തി​യാ​ണ് തു​ട​ക്ക​മി​ട്ട​ത്.

ര​ണ്ടാം മ​ത്സ​ര​ത്തി​ൽ പാ​കി​സ്താ​നെ എ​​തി​​രി​​ല്ലാ​​ത്ത നാ​​ലു ഗോ​​ളു​​ക​​ൾ​ പ​രാ​ജ​യ​പ്പെ​ടു​ത്തി സെ​മി യോ​ഗ്യ​ത ഉ​റ​പ്പാ​ക്കി. അ​വ​സാ​ന ഗ്രൂ​പ് മ​ത്സ​ര​ത്തി​ൽ ശ​ക്ത​രാ​യ ഇ​ന്ത്യ​ക്കെ​തി​രെ 1-1 സ​മ​നി​ല പി​ടി​ച്ചു തോ​ൽ​വി ഒ​ഴി​വാ​ക്കി. സെ​മി​യി​ൽ ബം​ഗ്ലാ​ദേ​ശി​നെ​യും കീ​ഴ​ട​ക്കി​യ​തോ​ടെ ഇ​നി ഒ​രു വി​ജ​യം​കൂ​ടി നേ​ടി കി​രീ​ട​വു​മാ​യി മ​ട​ങ്ങാ​നാ​ണ് കു​വൈ​ത്തി​ന്റെ ല​ക്ഷ്യം. ചൊ​വ്വാ​ഴ്ച​യാ​ണ് ​ഫൈ​ന​ൽ.