എ​ൻ.​ബി.​കെ​യു​ടെ പേ​രി​ൽ ത​ട്ടി​പ്പ് സ​ന്ദേ​ശം

കു​വൈ​ത്ത് സി​റ്റി: നാ​ഷ​ന​ൽ ബാ​ങ്ക് ഓ​ഫ് കു​വൈ​ത്തി​ന്റെ പേ​രി​ൽ ത​ട്ടി​പ്പു​സ​ന്ദേ​ശം വ്യാ​പ​ക​മാ​യി പ്ര​ച​രി​ക്കു​ന്നു. റി​വാ​ർ​ഡ് ല​ഭി​ച്ചി​ട്ടു​ണ്ടെ​ന്നും വ്യ​ക്തി​ഗ​ത വി​വ​ര​ങ്ങ​ൾ അ​പ്ഡേ​റ്റ് ചെ​യ്യ​ണ​മെ​ന്നും പ​റ​ഞ്ഞാ​ണ് സ​ന്ദേ​ശം അ​യ​ക്കു​ന്ന​ത്. എ​സ്.​എം.​എ​സ് ആ​യും ഇ -​മെ​യി​ൽ ആ​യും വെ​ബ്സൈ​റ്റ് പ​ര​സ്യ​ങ്ങ​ളാ​യും ത​ട്ടി​പ്പ് സ​ന്ദേ​ശം പ്ര​ച​രി​ക്കു​ന്നു. ഇ​തോ​ടൊ​പ്പ​മു​ള്ള ലി​ങ്കി​ൽ ക്ലി​ക്ക് ചെ​യ്ത് വി​വ​ര​ങ്ങ​ൾ ന​ൽ​കി​യ പ​ല​ർ​ക്കും അ​ക്കൗ​ണ്ടി​ൽ​നി​ന്ന് പ​ണം ന​ഷ്ട​മാ​യ​താ​യി റി​പ്പോ​ർ​ട്ടു​ണ്ട്.

വ്യ​ക്തി​ഗ​ത വി​വ​ര​ങ്ങ​ൾ ചോ​ദി​ച്ച് ബാ​ങ്കി​ൽ​നി​ന്ന് സ​ന്ദേ​ശം അ​യ​ക്കാ​റി​ല്ലെ​ന്ന് എ​ൻ.​ബി.​​കെ മാ​നേ​ജ്മെ​ന്റ് അ​റി​യി​ച്ചു. ബാ​ങ്ക്​ അ​ക്കൗ​ണ്ട്​ വി​വ​ര​ങ്ങ​ൾ ആ​ർ​ക്കും ന​ൽ​ക​രു​തെ​ന്നും ബാ​ങ്കി​ൽ​നി​ന്ന്​ ഇ​ത്ത​ര​ത്തി​ൽ സ്വ​കാ​ര്യ വി​വ​ര​ങ്ങ​ൾ ആ​വ​ശ്യ​പ്പെ​ട്ട്​ വി​ളി​ക്കാ​റി​ല്ലെ​ന്നും സൈ​ബ​ർ ക്രൈം ​വ​കു​പ്പ്​ പ​ല​ത​വ​ണ മു​ന്ന​റി​യി​പ്പ്​ ന​ൽ​കി​യ​താ​ണ്. ബാ​ങ്ക്​ അ​ക്കൗ​ണ്ട്​ ന​മ്പ​ർ, പാ​സ്​​വേ​ഡ്, ക്രെ​ഡി​റ്റ്​ കാ​ർ​ഡ്​ സം​ബ​ന്ധി​ച്ച വി​വ​ര​ങ്ങ​ൾ എ​ന്നി​വ ബാ​ങ്കി​ൽ നി​ന്ന്​ എ​ന്ന വ്യാ​ജേ​ന ആ​വ​ശ്യ​പ്പെ​ടു​ന്ന​താ​യ വി​വ​ര​ത്തി​​ന്റെ അ​ടി​സ്ഥാ​ന​ത്തി​ൽ നേ​ര​ത്തെ സെ​ൻ​ട്ര​ൽ ബാ​ങ്കും ഉ​പ​ഭോ​ക്​​താ​ക്ക​ൾ​ക്ക്​ മു​ന്ന​റി​യി​പ്പ്​ ന​ൽ​കി​യി​രു​ന്നു.