എംബസി അഭയകേന്ദ്രത്തിലുള്ളവരുടെ കുടുംബത്തിന്​ സാ​മ്പ​ത്തി​ക സ​ഹാ​യത്തിന്​ പദ്ധതി

കു​വൈ​ത്ത്​ സി​റ്റി: കു​വൈ​ത്തി​ലെ ഇ​ന്ത്യ​ൻ എം​ബ​സി അ​ഭ​യ​കേ​ന്ദ്ര​ത്തി​ൽ ക​ഴി​യു​ന്ന​വ​രു​ടെ കു​ടും​ബ​ത്തി​ന് സാ​മ്പ​ത്തി​ക സ​ഹാ​യം ന​ൽ​കു​ന്ന പ​ദ്ധ​തി​യു​മാ​യി ഇ​ന്ത്യ​ൻ ക​മ്യൂ​ണി​റ്റി സ​പ്പോ​ർ​ട്ട് ഗ്രൂ​പ്. ഒ​രു​മാ​സ​ത്തി​ലേ​റെ ഷെ​ൽ​ട്ട​റി​ൽ ക​ഴി​യു​ന്ന​വ​ർ​ക്കാ​ണ് ഓ​രോ മാ​സ​വും സ​ഹാ​യ​ധ​നം ല​ഭ്യ​മാ​ക്കു​ക.

ഇ​ന്ത്യ​ൻ എം​ബ​സി ഓ​പ​ൺ ഹൗ​സി​ൽ അം​ബാ​സ​ഡ​ർ സി​ബി ജോ​ർ​ജ് ആ​ണ് ഇ​ക്കാ​ര്യം അ​റി​യി​ച്ച​ത്. കു​വൈ​ത്തി​ൽ വെ​ച്ച് കോ​വി​ഡ് ബാ​ധി​ച്ചു മ​രി​ച്ച ഇ​ന്ത്യ​ക്കാ​രു​ടെ ആ​ശ്രി​ത​ർ​ക്ക് ഒ​രു​ല​ക്ഷം രൂ​പ വീ​തം ധ​ന​സ​ഹാ​യം ന​ൽ​കി സേ​വ​ന​രം​ഗ​ത്ത് വേ​റി​ട്ട മാ​തൃ​ക കാ​ണി​ച്ച​തി​ന് ശേ​ഷ​മാ​ണ്​ എം​ബ​സി​യു​ടെ മേ​ൽ​നോ​ട്ട​ത്തി​ൽ പ്ര​വ​ർ​ത്തി​ക്കു​ന്ന ഇ​ന്ത്യ​ൻ ക​മ്യൂ​ണി​റ്റി സ​പ്പോ​ർ​ട്ട് ഗ്രൂ​പ് പു​തി​യ ദൗ​ത്യ​ത്തി​ന്​ ഒ​രു​ങ്ങു​ന്ന​ത്. പ​ല കാ​ര​ണ​ങ്ങ​ളാ​ൽ മാ​സ​ങ്ങ​ളോ​ളം എം​ബ​സി അ​ഭ​യ കേ​ന്ദ്ര​ത്തി​ൽ ക​ഴി​യേ​ണ്ടി​വ​രു​ന്ന പ്ര​വാ​സി​ക​ളു​ടെ കു​ടും​ബ​ത്തി​ന് പ്ര​തി​മാ​സം നി​ശ്ചി​ത തു​ക ആ​ശ്വാ​സ ധ​ന​മാ​യി അ​യ​ച്ചു​ന​ൽ​കാ​നാ​ണ് പ​ദ്ധ​തി.

പു​തു​താ​യി ആ​രം​ഭി​ച്ച ഔ​ട്സോ​ഴ്സി​ങ്​ സെൻറ​റു​ക​ൾ മി​ക​ച്ച രീ​തി​യി​ൽ പ്ര​വ​ർ​ത്തി​ച്ചു​വ​രു​ന്ന​താ​യും ഓ​പ​ൺ ഹൗ​സി​ൽ അം​ബാ​സ​ഡ​ർ പ​റ​ഞ്ഞു. ഹെ​ഡ് ഓ​ഫ് ചാ​ൻ​സ​റി ഡോ. ​വി​നോ​ദ് ഗെ​യ്ഖ് വാ​ദ് ക​ഴി​ഞ്ഞ ഒ​രു മാ​സ​ത്തെ എം​ബ​സി​യു​ടെ പ്ര​വ​ർ​ത്ത​ന​ങ്ങ​ൾ സം​ബ​ന്ധി​ച്ച പ്ര​സ​ന്റേ​ഷ​ൻ അ​വ​ത​രി​പ്പി​ച്ചു.

ഔ​ട്ട് സോ​ഴ്സ് സെൻറ​ർ കേ​ന്ദ്രീ​ക​രി​ച്ചു ന​ട​ത്തി​യ ആ​സാ​ദി കാ ​അ​മൃ​ത് മ​ഹോ​ത്സ​വ ക്വി​സ് മ​ത്സ​ര വി​ജ​യി​ക​ൾ​ക്കു​ള്ള സ​മ്മാ​ന​ങ്ങ​ളും ച​ട​ങ്ങി​ൽ വി​ത​ര​ണം ചെ​യ്തു.