സ്കൂ​ളു​ക​ൾ തു​റ​ക്കു​ന്നു; ഗ​താ​ഗ​ത​ക്കു​രു​ക്ക് കു​റ​ക്കാ​ൻ ക്ര​മീ​ക​ര​ണം

കു​വൈ​ത്ത് സി​റ്റി: സ്കൂ​ളു​ക​ളു​ടെ പ്ര​വ​ർ​ത്ത​നം ആ​രം​ഭി​ക്കാ​നി​രി​ക്കേ ഗ​താ​ഗ​ത​ക്കു​രു​ക്ക് മു​ന്നി​ൽക്ക​ണ്ടു​ള്ള ക്ര​മീ​ക​ര​ണം ഒ​രു​ക്കി അ​ധി​കൃ​ത​ർ. രാ​ജ്യ​ത്ത് വി​പു​ല​മാ​യ ഗ​താ​ഗ​ത ക്ര​മീ​ക​ര​ണം ഒ​രു​ക്കി​യ​താ​യി 0ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. ഗ​താ​ഗ​ത​ക്കു​രു​ക്ക് നി​രീ​ക്ഷി​ക്കു​ന്ന​തി​നും പ​രി​ഹ​രി​ക്കു​ന്ന​തി​നും ഹെ​ലി​കോ​പ്ടറു​ക​ളു​ടെ പി​ന്തു​ണ​യോ​ടെ ആ​വ​ശ്യ​മാ​യ ന​ട​പ​ടി​ക​ള്‍ സ്വീ​ക​രി​ക്കും.

തി​ര​ക്ക് നി​യ​ന്ത്രി​ക്കാ​ൻ സം​വി​ധാ​നം

ഗ​താ​ഗ​ത തി​ര​ക്ക് നി​യ​ന്ത്രി​ക്കാ​ൻ 150 ട്രാ​ഫി​ക് പ​ട്രോ​ളി​ങ് വാ​ഹ​ന​ങ്ങ​ള്‍, 100 റെ​സ്ക്യൂ പ​ട്രോ​ളി​ങ് വാ​ഹ​ന​ങ്ങ​ള്‍, 26 മോ​ട്ടോ​ർ സൈ​ക്കി​ളു​ക​ൾ എ​ന്നി​വ രാ​ജ്യ​ത്തു​ട​നീ​ള​മാ​യി വി​ന്യ​സി​ക്കും. ഗ​താ​ഗ​തം സു​ഗ​മ​മാ​ക്കു​ന്ന​തി​ന് ഹൈ​വേ​ക​ളി​ലും റോ​ഡു​ക​ളു​ടെ പ്ര​വേ​ശ​ന ക​വാ​ട​ങ്ങ​ളി​ലും എ​ക്സി​റ്റു​ക​ളി​ലും സ്കൂ​ളു​ക​ൾ​ക്ക് സ​മീ​പ​വും ആ​വ​ശ്യ​ത്തി​ന് പെ​ട്രോ​ളി​ങ് ഉ​ദ്യോ​ഗ​സ്ഥ​രെ നി​യ​മി​ച്ച​താ​യി ട്രാ​ഫി​ക് ബോ​ധ​വ​ത്ക​ര​ണ വി​ഭാ​ഗം ഡ​യ​റ​ക്ട​ർ കേ​ണ​ൽ ഫ​ഹ​ദ് അ​ൽ എ​സ്സ പ​റ​ഞ്ഞു.

അ​ശ്ര​ദ്ധ​യും അ​മി​ത​വേ​ഗ​വും ഒ​ഴി​വാ​ക്ക​ണം

തി​ര​ക്ക് കു​റ​ക്കു​ന്ന​തി​ന്‍റെ ഭാ​ഗ​മാ​യി കൂ​ടു​ത​ല്‍ കു​ട്ടി​ക​ളു​ള്ള വി​ദ്യാ​ല​യ​ങ്ങ​ളു​മാ​യി ചേ​ര്‍ന്ന് ട്രാ​ഫി​ക് ഡി​പ്പാ​ർ​ട്ട്മെ​ന്‍റ് പ്ര​വ​ര്‍ത്തി​ക്കും. സ്‌​കൂ​ൾ പ്ര​വേ​ശ​ന ക​വാ​ട​ത്തി​ന് മു​ന്നി​ൽ കു​ട്ടി​ക​ളെ നേ​രി​ട്ട് ഇ​റ​ക്കി വി​ട​രു​ത്. ഇ​ത് റോ​ഡ് ത​ട​സ്സ​പ്പെ​ടു​ത്തു​ക​യും ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ക​യും ചെ​യ്യും.അ​ശ്ര​ദ്ധ​മാ​യ ഡ്രൈ​വി​ങ്ങും അ​മി​ത​വേ​ഗ​വും ഒ​ഴി​വാ​ക്ക​ണം.ഈ ​കാ​ര്യം ര​ക്ഷി​താ​ക്ക​ളും ബ​സ് ഡ്രൈ​വ​ർ​മാ​രും ശ്ര​ദ്ധി​ക്ക​ണം. നേ​ര​ത്തെ ത​ന്നെ സ്കൂ​ളി​ല്‍ എ​ത്താ​ൻ ശ്ര​മി​ക്ക​ണം.

വി​ദ്യാ​ർ​ഥി​ക​ളു​ടെ ട്രാ​ന്‍സ്പ്പോ​ട്ടേ​ഷ​നാ​യി 1500 ബ​സു​ക​ൾ വി​ദ്യാ​ഭ്യാ​സ മ​ന്ത്രാ​ല​യം ന​ല്‍കി​യി​ട്ടു​ണ്ട്. ഈ ​ബ​സു​ക​ൾ ഉ​പ​യോ​ഗി​ക്കു​ന്ന​തി​ലൂ​ടെ ഗ​താ​ഗ​ത​ക്കു​രു​ക്ക് ഒ​രു പ​രി​ധി വ​രെ കു​റ​ക്കാ​ന്‍ സാ​ധി​ക്കു​മെ​ന്നാ​ണ് പ്ര​തീ​ക്ഷ.