വാക്​സിൻ എത്തുന്നത്​ വരെ ശീഷക്ക്​ അനുമതിയില്ല

കുവൈത്ത്​ സിറ്റി: രാജ്യത്ത്​ കോവിഡ്​ വാക്​സിൻ എത്തുന്നത്​ വരെ ശീഷക്കടകൾക്ക്​ (ഹുക്ക) അനുമതി നൽകില്ല. ശീഷ തുറക്കാൻ അനുവദിക്കണമെന്നാവശ്യപ്പെട്ട്​ ഉടമകൾ ഒരു മാസത്തിനിടെ രണ്ടുതവണ ആരോഗ്യ മന്ത്രാലയ ആസ്ഥാനത്തിന്​ മുന്നിൽ പ്രതിഷേധിച്ചിരുന്നു.

എന്നാൽ, ഇപ്പോൾ അനുമതി നൽകേണ്ടെന്ന നിഗമനത്തിലാണ് അധികൃതർ​ എത്തിയതെന്നാണ്​ റിപ്പോർട്ട്​. രാജ്യത്ത്​ വാക്​സിനേഷൻ കാമ്പയിൻ ആരംഭിക്കുകയും വിജയമെന്ന്​ ഉറപ്പിക്കുകയും ചെയ്​ത ശേഷമേ ഇളവ്​ നൽകൂ. വാക്​സിൻ എത്താൻ രണ്ടുമാസമെങ്കിലും എടുക്കുമെന്നാണ്​ വിവരം. കഴിഞ്ഞ ആഗസ്​റ്റിൽ കഫെകൾ തുറക്കാൻ അനുവദിച്ചെങ്കിലും ശീഷ (ഹുക്ക) അനുമതി നൽകിയിരുന്നില്ല. ഏഴുമാസ​മായി ശീഷ അടഞ്ഞുകിടക്കുകയാണ്​.

വൻ വ്യാപാരനഷ്​ടമാണ്​ ഉണ്ടാക്കിയതെന്നും കഫെകളിലെ ഉപഭോക്താക്കളെ ഏറെ ആകർഷിച്ചിരുന്നത്​ ശീഷ ആയിരുന്നുവെന്നും പ്രതിഷേധക്കാർ പറഞ്ഞു. 5000ത്തോളം കഫെകൾ രാജ്യത്ത്​ ഉണ്ടെന്നാണ്​ കണക്ക്​. ഹുക്ക അനുമതിയില്ലാത്തതിനാൽ കഫെകൾക്ക്​ വ്യാപാര നഷ്​ടം ഉണ്ടാവുന്നുവെന്നും കനത്ത പ്രതിസന്ധിയിലാണെന്നുമാണ്​ പ്രതിഷേധക്കാർ പറയുന്നത്​.

എന്നാൽ, വ്യക്തിതാൽപര്യത്തേക്കാൾ സമൂഹത്തി​െൻറ താൽപര്യമാണ്​ പ്രധാനമെന്നും വൈറസ്​ വ്യാപനത്തിന്​ കാരണമാവുന്ന ഇളവുകൾ നൽകേണ്ടെന്നും ആരോഗ്യ മന്ത്രാലയം തീരുമാനിച്ചു.കുവൈത്ത്​ ഉൾപ്പെടെ വിവിധ രാജ്യങ്ങളിൽ സമീപ ദിവസങ്ങളിൽ കോവിഡ്​ വ്യാപനം പ്രകടമാണ്​. പുതിയ കേസുകളുടെ എണ്ണം കൂടിവരുന്നു. തണുപ്പേറുന്ന അടുത്ത മാസങ്ങളിൽ കേസുകൾ കാര്യമായി കൂടാൻ സാധ്യതയുണ്ടെന്ന വിലയിരുത്തലുമുണ്ട്​. കോവിഡ്​ പ്രതിരോധത്തിനായി ഏർപ്പെടുത്തിയ നിയന്ത്രണങ്ങൾ നീക്കുന്നതി​െൻറ അ​ഞ്ചാം ഘട്ടത്തിലേക്ക്​ പെ​െട്ടന്ന്​ കടക്കേണ്ടതില്ലെന്ന്​ തീരുമാനിച്ചതി​െൻറ പശ്ചാത്തലമിതാണ്​.