കു​വൈ​ത്ത്​ അ​മീ​റി​നെ ശൈ​ഖ്​ മു​ഹ​മ്മ​ദ്​ സ​ന്ദ​ർ​ശി​ച്ചു

ദുബൈ: കുവൈത്ത് അമീറായി ചുമതലയേറ്റ ശൈഖ്​ നവാഫ്​ അൽ അഹ്​മദ്​ അൽസബാഹിനെ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം സന്ദർശിച്ചു.ശൈഖ്​ ശൈഖ് സബ അൽ അഹ്മദ് അൽ ജാബർ അൽ സബാഹി​െൻറ നിര്യാണത്തെ തുടർന്ന്​ കഴിഞ്ഞ ദിവസമാണ്​ ശൈഖ്​ നവാഫ്​ രാജ്യത്തി​െൻറ ഭരണമേറ്റെടുത്തത്​.കുവൈത്തിലെത്തിയ ശൈഖ്​ മുഹമ്മദ്​, ശൈഖ്​ സബാഹി​െൻറ നിര്യാണത്തിൽ അനുശോചിച്ചു. സുഹൃത്തും സഹോദര തുല്യനുമായിരുന്നു അദ്ദേഹ​െമന്ന്​ ശൈഖ്​ മുഹമ്മദ്​ പറഞ്ഞു. അദ്ദേഹത്തി​നോട്​ ദൈവം കരുണ കാണിക്ക​ട്ടെ.

യു.എ.ഇയിലെ ജനങ്ങളുമായി അടുത്ത ബന്ധം പുലർത്തിയിരുന്നയാളാണ്​ ശൈഖ്​ സബാഹ്​. ഇരുരാജ്യങ്ങളും തമ്മിലുള്ള ബന്ധം സുദൃഢമായി മുന്നോട്ടുകൊണ്ടുപോകുമെന്നും ശൈഖ്​ മുഹമ്മദ്​ പറഞ്ഞു. ഞായറാഴ്​ച രാവിലെ കുവൈത്തിലെത്തിയ സംഘത്തെ ശൈഖ്​ നവാഫും മുതിർന്ന ഉദ്യോഗസ്​ഥരും ചേർന്ന്​ സ്വീകരിച്ചു.

ഉച്ചക്കുശേഷം യു.എ.ഇയിൽ മടങ്ങിയെത്തി.യു.എ.ഇ ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ശൈഖ്​ മൻസൂർ ബിൻ സായിദ്​, ദുബൈ ഏവിയേഷൻ അതോറിറ്റിയുടെയും എമിറേറ്റ്​സ്​ ഗ്രൂപ്പി​െൻറയും ചെയർമാനായ ശൈഖ്​ അഹ്​മദ്​ ബിൻ സഈദ്​, കാബിനറ്റ്​ അഫയേഴ്​സ്​ മന്ത്രി മുഹമ്മദ്​ അൽ ഗെർഗാവി, വിദേശകാര്യ സഹമന്ത്രി ഡോ. അൻവർ ഗർഗാഷ്​, വ്യവസായ-സാ​ങ്കേതിക വകുപ്പ്​ മന്ത്രി ഡോ. സുൽത്താൻ അൽ ജാബിർ എന്നിവർ സംഘത്തിലുണ്ടായിരുന്നു.