വീട്ടുനിരീക്ഷണത്തിനിടെ ഷോപ്പിങ്​; യുവതി അറസ്​റ്റിൽ

കുവൈത്ത്​ സിറ്റി: വീട്ടുനിരീക്ഷണത്തിനിടെ പുറത്ത്​ ഷോപ്പിങ്ങിന്​ പോയ സ്വദേശി സ്​ത്രീ അറസ്​റ്റിൽ. ഇവരെ ഇൻസ്​റ്റിറ്റ്യൂഷനൽ ക്വാറ​ൈൻറന്​ ആരോഗ്യ മന്ത്രാലയത്തിന്​ കൈമാറി. വിദേശത്തുനിന്ന്​ കൊണ്ടുവന്ന സ്വദേശികൾക്ക്​ രോഗലക്ഷണമില്ലെങ്കിലും രണ്ടാഴ്​ച വീട്ടിലിരിക്കാനാണ്​ നിർദേശം നൽകിയത്​. ഇത്​ പാലിക്കുന്നുണ്ടോ എന്ന്​ ഉറപ്പാക്കാൻ അധികൃതർ പരിശോധന നടത്തുന്നുണ്ട്​. ഇൻസ്​റ്റിറ്റ്യൂഷനൽ ക്വാറ​ൈൻറൻ കാലം കഴിഞ്ഞാൽ ഇവർക്കെതിരെ നിയമനടപടിയെടുക്കുമെന്നും ആഭ്യന്തര മന്ത്രാലയം അറിയിച്ചു. വീട്ടുനിരീക്ഷണം പാലിക്കുന്നുവെന്ന്​ ഉറപ്പാക്കാൻ വിദേശത്തുനിന്ന്​ കൊണ്ടുവരുന്നവരെ ഇലക്​ട്രോണിക്​ വള അണിയിക്കുന്നുണ്ട്​. ബ്രേസ്​ലെറ്റ്​ അണിഞ്ഞവരുടെ സഞ്ചാരഗതി മന്ത്രാലയത്തിന്​ ആസ്ഥാനത്തിരുന്ന്​ നിരീക്ഷിക്കാം.