സ്തേഫാനോസ്‌ മാർ തേവോദോസിയോസ്‌ മിഷൻ സെന്റർ വാർഷികം

കുവൈത്ത് സിറ്റി: ഭിലായ്‌ സെന്റ്‌ തോമസ്‌ മിഷന്റെ നേതൃത്വത്തിൽ പ്രവർത്തിച്ചുവരുന്ന പാത്താമുട്ടം സ്തേഫാനോസ്‌ മാർ തേവോദോസിയോസ്‌ മിഷൻ സെന്ററിന്റെ ഒമ്പതാം വാർഷികം ആഘോഷിച്ചു. ഇതോടനുബന്ധിച്ച്‌ മിഷൻ സെന്ററിന്റെ നേതൃത്വത്തിൽ നടപ്പാക്കുന്ന ലഹരി വിമുക്ത ബോധവത്കരണ പദ്ധതിയായ 'നേർവഴി-2022'ന്റെ ഉദ്ഘാടനം കൽക്കത്ത ഭദ്രാസന മെത്രാപ്പോലീത്ത ഡോ. ജോസഫ്‌ മാർ ദിവന്നാസ്യോസ്‌ നിർവഹിച്ചു.

കുവൈത്ത് ഉൾപ്പെടുന്ന കൽക്കത്ത ഭദ്രാസനത്തിന്റെ പ്രഥമ മെത്രാപ്പോലീത്തായായിരുന്ന ഡോ. സ്തേഫാനോസ്‌ മാർ തേവോദോസിയോസ്‌ തിരുമേനിയുടെ ജന്മദിനമായ ഒക്ടോബർ രണ്ടിന്‌ ക്രമീകരിച്ച ചടങ്ങിൽ ചിറത്തലാട്ട്‌ സി. ജോൺ കോർ-എപ്പിസ്ക്കോപ്പാ, ഫാ. പി.ടി. തോമസ്‌, ഫാ. സഖറിയാ പള്ളിക്കപറമ്പിൽ, ഫാ. എം.സി. കുര്യാക്കോസ്‌, മിഷൻ സെന്റർ ട്രഷറാർ ഷാജി ഏബ്രഹാം, ഡോ. ജേക്കബ്‌ മണ്ണുമ്മൂട്‌ എന്നിവർ സംസാരിച്ചു.