ഭി​ക്ഷാ​ട​ന​ത്തി​നെ​തി​രെ ക​ർ​ശ​ന ന​ട​പ​ടി തു​ട​രു​ന്നു; 11 പ്ര​വാ​സി​ക​ൾ അ​റ​സ്റ്റി​ൽ

കു​വൈ​ത്ത് സി​റ്റി: റ​മ​ദാ​നി​ൽ ഭി​ക്ഷാ​ട​ന​ത്തി​നെ​തി​രെ ക​ർ​ശ​ന ന​ട​പ​ടി തു​ട​രു​ന്നു. പ​ള്ളി​ക​ൾ​ക്കും മാ​ർ​ക്ക​റ്റു​ക​ൾ​ക്കും മു​ന്നി​ൽ യാ​ചി​ക്കു​ന്ന​താ​യി ക​ണ്ടെ​ത്തി​യ 11 പേ​രെ ക​ഴി​ഞ്ഞ ദി​വ​സം ന​ട​ത്തി​യ പ​രി​ശോ​ധ​ന​യി​ൽ അ​റ​സ്റ്റ് ചെ​യ്തു.

അ​റ​ബ്, ഏ​ഷ്യ​ൻ രാ​ജ്യ​ക്കാ​രാ​യ എ​ട്ട് സ്ത്രീ​ക​ളും മൂ​ന്ന് പു​രു​ഷ​ന്മാ​രും ആ​ണ് പി​ടി​യി​ലാ​യ​തെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. ആ​ക്ടി​ങ് പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ുഫ് സുഊ​ദ് അ​സ്സ​ബാ​ഹി​ന്റെ നി​ർ​ദേ​ശ​ങ്ങ​ളെ തു​ട​ർ​ന്നാ​ണ് ന​ട​പ​ടി.

അ​റ​സ്റ്റി​ലാ​യ​വ​രി​ൽ ചി​ല​ർ വി​സി​റ്റ് വി​സ​ക​ളി​ലോ ഫാ​മി​ലി റെ​സി​ഡ​ൻ​സി പെ​ർ​മി​റ്റു​ക​ളി​ലോ രാ​ജ്യ​ത്ത് പ്ര​വേ​ശി​ച്ച​വ​രാ​ണ്.

ഇ​ത്ത​ര​ക്കാ​ർ​ക്ക് നി​യ​മ​വി​രു​ദ്ധ​മാ​യ റി​ക്രൂ​ട്ട്‌​മെ​ന്റി​ന് സൗ​ക​ര്യ​മൊ​രു​ക്കി​യ ക​മ്പ​നി​ക​ൾ​ക്കെ​തി​രെ ന​ട​പ​ടി​ക​ൾ സ്വീ​ക​രി​ച്ചു​വ​രു​ക​യാ​ണെ​ന്നും മ​ന്ത്രാ​ല​യം വ്യ​ക്ത​മാ​ക്കി. ചൊ​വ്വാ​ഴ്ച നാ​ല് പ്ര​വാ​സി സ്ത്രീ​ക​ളും പി​ടി​യി​ലാ​യി​രു​ന്നു.

നി​യ​മ​ലം​ഘ​ന​ത്തി​ന് പി​ടി​യി​ലാ​കു​ന്ന എ​ല്ലാ വി​ഭാ​ഗം റെ​സി​ഡ​ൻ​സി ഉ​ള്ള​വ​രെ​യും നാ​ടു​ക​ട​ത്തും. ഫാ​മി​ലി റെ​സി​ഡ​ൻ​സി പ്ര​കാ​ര​മു​ള്ള​വ​രെ അ​വ​രു​ടെ സ്പോ​ൺ​സ​റി​നൊ​പ്പം നാ​ടു​ക​ട​ത്തും. സ്വ​കാ​ര്യ മേ​ഖ​ല​യി​ൽ ജോ​ലി ചെ​യ്യു​ന്ന​വ​ർ പി​ടി​യി​ലാ​യാ​ൽ സ്പോ​ൺ​സ​റി​ങ് ക​മ്പ​നി​യു​ടെ ഫ​യ​ൽ അ​വ​സാ​നി​പ്പി​ക്കും. റെ​സി​ഡ​ൻ​സി കൈ​വ​ശ​മു​ള്ള ഗാ​ർ​ഹി​ക തൊ​ഴി​ലാ​ളി​ക​ളെ​യും നാ​ടു​ക​ട​ത്തും. ഭാ​വി​യി​ൽ ഗ്യാ​ര​ണ്ടി​ക​ളോ വി​സ​ക​ളോ ന​ൽ​കു​ന്ന​തി​ൽ നി​ന്ന് ഇ​ത്ത​ര​ക്കാ​രു​ടെ സ്പോ​ൺ​സ​റെ വി​ല​ക്കും.

കു​ട്ടി​ക​ളെ ഭി​ക്ഷാ​ട​ന​ത്തി​നാ​യി ഉ​പ​യോ​ഗി​ക്കു​ന്ന​വ​ർ​ക്കെ​തി​രെ​യും നി​യ​മ​ന​ട​പ​ടി സ്വീ​ക​രി​ക്കു​ം. ഇ​ത്ത​ര​ക്കാ​ർ​ക്കെ​തി​രെ ‘പ്രാ​യ​പൂ​ർ​ത്തി​യാ​കാ​ത്ത​വ​രെ ചൂ​ഷ​ണം ചെ​യ്ത​തി​ന്’ കേ​സ് ഫ​യ​ൽ ചെ​യ്യും. സ​മൂ​ഹ മാ​ധ്യ​മ​ങ്ങ​ളി​ലൂ​ടെ യാ​ച​ന ന​ട​ത്തു​ന്ന കേ​സു​ക​ളും ആ​ഭ്യ​ന്ത​ര മ​ന്ത്രാ​ല​യം നി​രീ​ക്ഷ​ണ​ത്തി​ലാ​ണ്. സൈ​ബ​ർ കു​റ്റ​കൃ​ത്യ​ങ്ങ​ളെ ചെ​റു​ക്കു​ന്ന​തി​നു​ള്ള വ​കു​പ്പു​മാ​യി ഏ​കോ​പി​പ്പി​ച്ച് ഇ​തി​ൽ ന​ട​പ​ടി സ്വീ​ക​രി​ച്ചു​വ​രു​ക​യാ​ണ്.

യാ​ച​ന​യു​മാ​യി ബ​ന്ധ​പ്പെ​ട്ട എ​ന്തെ​ങ്കി​ലും സം​ഭ​വ​ങ്ങ​ൾ ശ്ര​ദ്ധ​യി​ൽ​പ്പെ​ട്ടാ​ൽ 97288211, 97288200, 25582581 എ​ന്നീ ന​മ്പ​റു​ക​ളി​ലോ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന 112 എ​ന്ന അ​ടി​യ​ന്ത​ര ഹോ​ട്ട്‌​ലൈ​ൻ ന​മ്പ​റി​ലോ അ​റി​യി​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം പൊ​തു​ജ​ന​ങ്ങ​ളോ​ട് അ​ഭ്യ​ർ​ഥി​ച്ചു.