റാ​ഫി​ൾ ത​ട്ടി​പ്പി​ൽ ശ​ക്ത​മാ​യ നി​യ​മ​ന​ട​പ​ടി -മ​ന്ത്രി​സ​ഭ

കു​വൈ​ത്ത് സി​റ്റി: കു​വൈ​ത്ത് ഷോ​പ്പി​ങ് ഫെ​സ്റ്റി​വ​ൽ റാ​ഫി​ൾ ന​ടു​ക്കെ​ടു​പ്പി​ലെ ​കൃ​ത്രി​മ​ത്വ​വു​മാ​യി ബ​ന്ധ​പ്പെ​ട്ട സം​ഭ​വ​ങ്ങ​ൾ അ​വ​ലോ​ക​നം ചെ​യ്ത് മ​ന്ത്രി​സ​ഭ. ഷോ​പ്പി​ങ് ഫെ​സ്റ്റി​വ​ൽ ഓ​ഫ​റു​ക​ളു​മാ​യി ബ​ന്ധ​പ്പെ​ട്ട സം​ഭ​വ​വി​കാ​സ​ങ്ങ​ളും ഉ​യ​ർ​ന്നു​വ​ന്ന സം​ശ​യ​ങ്ങ​ളും വാ​ണി​ജ്യ വ്യ​വ​സാ​യ മ​ന്ത്രി ഖ​ലീ​ഫ അ​ബ്ദു​ല്ല അ​ൽ അ​ജീ​ൽ അ​ൽ അ​സ്ക​ർ വാ​ണി​ജ്യ വ്യ​വ​സാ​യ മ​ന്ത്രാ​ല​യം സ്വീ​ക​രി​ച്ച ന​ട​പ​ടി​ക​ൾ മ​ന്ത്രി​സ​ഭ​യെ അ​റി​യി​ച്ചു. ന​ടു​ക്കെ​ടു​പ്പി​നി​ടെ ഉ​യ​ർ​ന്നു​വ​ന്ന സം​ശ​യ​ങ്ങ​ളെ​ക്കു​റി​ച്ചു​ള്ള എ​ല്ലാ വി​വ​ര​ങ്ങ​ളും സം​ഭ​വം പ​ബ്ലി​ക് പ്രോ​സി​ക്യൂ​ട്ട​ർ​ക്ക് കൈ​മാ​റി​യ​താ​യി അ​ദ്ദേ​ഹം സൂ​ചി​പ്പി​ച്ചു.

സം​ഭ​വ​വു​മാ​യി ബ​ന്ധ​പ്പെ​ട്ട മു​ഴു​വ​ൻ വി​വ​ര​ങ്ങ​ളും അ​ന്വേ​ഷ​ണ അ​ധി​കാ​രി​ക​ൾ​ക്ക് കൈ​മാ​റി​യി​ട്ടു​ണ്ട്. ഉ​പ​ഭോ​ക്താ​ക്ക​ളു​ടെ​യും പൊ​തു​ജ​ന​ങ്ങ​ളു​ടെ​യും വി​ശ്വാ​സം നി​ല​നി​ർ​ത്താ​നും നി​യ​മം ന​ട​പ്പാ​ക്കാ​നു​മു​ള്ള വാ​ണി​ജ്യ വ്യ​വ​സാ​യ മ​ന്ത്രാ​ല​യ​ത്തി​ന്റെ പ്ര​തി​ബ​ദ്ധ​ത​യും അ​ദ്ദേ​ഹം വ്യ​ക്ത​മാ​ക്കി.

മ​ന്ത്രാ​ല​യ​ത്തി​ന്റെ ന​ട​പ​ടി​ക്ര​മ​ങ്ങ​ളു​ടെ​യും പ്ര​വ​ർ​ത്ത​ന​ങ്ങ​ളു​ടെ​യും വി​ശ്വാ​സ്യ​ത​യെ ദോ​ഷ​ക​ര​മാ​യി ബാ​ധി​ക്കു​ന്ന ഒ​രു ലം​ഘ​ന​വും അ​നു​വ​ദി​ക്കി​ല്ലെ​ന്നും അ​ദ്ദേ​ഹം പ​റ​ഞ്ഞു. കൃ​ത്രി​മ​ത്വ​വു​മാ​യി ബ​ന്ധ​പ്പെ​ട്ട് വാ​ണി​ജ്യ വ്യ​വ​സാ​യ മ​ന്ത്രാ​ല​യം സ്വീ​ക​രി​ച്ച ന​ട​പ​ടി​ക​ളി​ൽ മ​ന്ത്രി ഖ​ലീ​ഫ അ​ബ്ദു​ല്ല അ​ൽ അ​ജി​ൽ അ​ൽ അ​സ്‌​ക​റി​ന് മ​ന്ത്രി​സ​ഭ പി​ന്തു​ണ സ്ഥി​രീ​ക​രി​ച്ചു. നി​യ​മ​ലം​ഘ​ക​ർ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കേ​ണ്ട​തി​ന്റെ ആ​വ​ശ്യ​ക​ത​യും മ​ന്ത്രി​സ​ഭ ഉ​ണ​ർ​ത്തി. ആ​ക്ടി​ങ് പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് അ​സ്സ​ബാ​ഹ് യോ​ഗ​ത്തി​ൽ അ​ധ്യ​ക്ഷ​ത​വ​ഹി​ച്ചു.

അ​തി​നി​ടെ, ത​ട്ടി​പ്പി​ൽ പ​ങ്കാ​ളി​ക​ളാ​യ​തി​നെ തു​ട​ർ​ന്ന് ഒ​രു പൗ​ര​നെ​യും അ​ഞ്ച് പ്ര​വാ​സി​ക​ളെ​യും ക​സ്റ്റ​ഡി​യി​ലെ​ടു​ക്കാ​ൻ പ​ബ്ലി​ക് പ്രോ​സി​ക്യൂ​ഷ​ൻ ഉ​ത്ത​ര​വി​ട്ട​താ​യി അ​റ​ബ് ടൈം​സ് റി​പ്പോ​ർ​ട്ട് ചെ​യ്തു. വ്യാ​ജ ഔ​ദ്യോ​ഗി​ക രേ​ഖ​ക​ൾ ച​മ​ക്ക​ൽ, പൊ​തു​പ്ര​വ​ർ​ത്ത​ക​ന് കൈ​ക്കൂ​ലി ന​ൽ​ക​ൽ, സം​സ്ഥാ​ന ഫ​ണ്ട് ദു​രു​പ​യോ​ഗം ചെ​യ്യ​ൽ, ക​ള്ള​പ്പ​ണം വെ​ളു​പ്പി​ക്ക​ൽ, രാ​ജ്യ​ത്തി​ന്റെ ദേ​ശീ​യ താ​ൽ​പ​ര്യ​ങ്ങ​ൾ​ക്ക് സാ​ര​മാ​യി ദോ​ഷം ചെ​യ്യു​ന്ന പ്ര​ധാ​ന കു​റ്റ​കൃ​ത്യ​ങ്ങ​ൾ എ​ന്നി​വ ഇ​വ​ർ​ക്കെ​തി​രെ ചു​മ​ത്തി​യി​ട്ടു​ണ്ട്.

പ്ര​തി​ക​ളു​ടെ വീ​ടു​ക​ളി​ലും വാ​ഹ​ന​ങ്ങ​ളി​ലും ന​ട​ത്തി​യ പ​രി​ശോ​ധ​ന​യി​ൽ സ്വ​ർ​ണാ​ഭ​ര​ണ​ങ്ങ​ൾ, ആ​ഡം​ബ​ര വാ​ച്ചു​ക​ൾ, പ​ണം എ​ന്നി​വ​യു​ൾ​പ്പെ​ടെ വി​ല​പി​ടി​പ്പു​ള്ള വ​സ്തു​ക്ക​ൾ ക​ണ്ടെ​ടു​ത്തു. ഷോ​പ്പി​ങ് ഫെ​സ്റ്റി​വ​ൽ ന​റു​ക്കെ​ടു​പ്പു​ക​ളു​മാ​യി ബ​ന്ധ​പ്പെ​ട്ട തെ​ളി​വു​ക​ൾ അ​ട​ങ്ങി​യ രേ​ഖ​ക​ൾ, ലാ​പ്‌​ടോ​പ്പു​ക​ൾ, മൊ​ബൈ​ൽ ഫോ​ണു​ക​ൾ എ​ന്നി​വ​യും പി​ടി​ച്ചെ​ടു​ത്തു.

പ്ര​തി​ക​ളു​ടെ പ്രാ​ദേ​ശി​ക, അ​ന്ത​ർ​ദേ​ശീ​യ ബാ​ങ്കു​ക​ളി​ലെ ഫ​ണ്ടു​ക​ൾ മ​ര​വി​പ്പി​ക്കാ​ൻ പ​ബ്ലി​ക് പ്രോ​സി​ക്യൂ​ഷ​ൻ ഉ​ത്ത​ര​വി​ട്ടു. എ​ക്സ്ചേ​ഞ്ച് ക​മ്പ​നി​ക​ളി​ൽ​നി​ന്ന് ഇ​വ​രു​ടെ ഇ​ട​പാ​ടു​ക​ൾ സം​ബ​ന്ധി​ച്ച രേ​ഖ​ക​ളും ആ​വ​ശ്യ​പ്പെ​ട്ടി​ട്ടു​ണ്ട്. മ​റ്റ് നി​ര​വ​ധി പേ​രും ത​ട്ടി​പ്പി​ൽ പ​ങ്കാ​ളി​ക​ളാ​യ​താ​യും അ​ന്വേ​ഷ​ണ​ത്തി​ൽ തെ​ളി​ഞ്ഞി​ട്ടു​ണ്ട്. ഇ​വ​രി​ൽ പ​ല​രും സം​ഭ​വം പു​റ​ത്തെ​ത്തി​യ ഉ​ട​ൻ രാ​ജ്യം വി​ട്ടു.