ഫലസ്തീൻ ജനതയോടുള്ള പിന്തുണ: കുവൈത്തിന് അറബ് പാർലമെന്റ് പ്രശംസ

കു​വൈ​ത്ത് സി​റ്റി: ഫ​ല​സ്തീ​ൻ ജ​ന​ത​യോ​ടു​ള്ള ഐ​ക്യ​ദാ​ർ​ഢ്യ നി​ല​പാ​ടു​ക​ൾ​ക്ക് കു​വൈ​ത്തി​ന് അ​റ​ബ് പാ​ർ​ല​മെ​ന്റി​ന്റെ (എ.​പി) പ്ര​ശം​സ. കു​വൈ​ത്ത് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​നും രാ​ഷ്ട്രീ​യ നേ​തൃ​ത്വ​ത്തി​നും അ​റ​ബ് പാ​ർ​ല​മെ​ന്റ് പ്ര​സി​ഡ​ന്റ് അ​ദേ​ൽ അ​ൽ അ​സൗ​മി ന​ന്ദി അ​റി​യി​ച്ചു. ഫ​ല​സ്തീ​ൻ വി​ഷ​യ​ത്തെ പി​ന്തു​ണ​യ്ക്കു​ന്ന കു​വൈ​ത്തി​ന്റെ നി​ല​പാ​ടു​ക​ളും ഫ​ല​സ്തീ​നി​ക​ളു​ടെ അ​ച​ഞ്ച​ല​ത​യും ച​രി​ത്ര​ത്തി​ൽ ശ്ര​ദ്ധി​ക്ക​പ്പെ​ടു​ക​യും സാ​ക്ഷ്യ​പ്പെ​ടു​ത്തു​ക​യും ചെ​യ്തി​ട്ടു​ണ്ടെ​ന്ന് അ​ൽ​അ​സൗ​മി പ​റ​ഞ്ഞു.

ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ ആ​ക്ര​മ​ണ​ത്തി​ന് വി​ധേ​യ​രാ​കു​ന്ന ഗ​സ്സ​യി​ലെ ഫ​ല​സ്തീ​ൻ ജ​ന​ത​ക്ക് കു​വൈ​ത്ത് തു​ട​രു​ന്ന മാ​നു​ഷി​ക സ​ഹാ​യ​വും എ​യ​ർ ബ്രി​ഡ്ജും അ​ദ്ദേ​ഹം പ​രാ​മ​ർ​ശി​ച്ചു. ഫ​ല​സ്തീ​നി​ലെ പാ​ർ​ല​മെ​ന്റ​റി ന​യ​ത​ന്ത്ര​ത്തി​ലൂ​ടെ ഫ​ല​സ്തീ​ൻ ആ​വ​ശ്യ​ത്തെ പി​ന്തു​ണ​ക്കു​ന്ന​ത് അ​റ​ബ് പാ​ർ​ല​മെ​ന്റ് തു​ട​രു​ക​യാ​ണെ​ന്ന് അ​ൽ അ​സൗ​മി വ്യ​ക്ത​മാ​ക്കി. ഇ​സ്രാ​യേ​ലി​ന് മേ​ൽ സ​മ്മ​ർ​ദം ചെ​ലു​ത്താ​ൻ ക​ഴി​യു​ന്ന എ​ല്ലാ ഏ​ജ​ൻ​സി​ക​ളോ​ടും ഗ​സ്സ​യി​ലെ​യും വെ​സ്റ്റ് ബാ​ങ്കി​ലെ​യും ജ​റു​സ​ലേ​മി​ലെ​യും പൗ​ര​ന്മാ​രോ​ടും ആ​ക്ര​മ​ണ​വും ലം​ഘ​ന​വും അ​വ​സാ​നി​പ്പി​ക്കാ​നും അ​ഭ്യ​ർ​ഥി​ച്ചു.