താ​പ​നി​ല ഉ​യ​രു​ന്നു;ത​ല​വേ​ദ​ന, മൈ​ഗ്രേ​ൻ ശ്ര​ദ്ധി​ക്കാം

കു​വൈ​ത്ത് സി​റ്റി: രാ​ജ്യ​ത്ത് താ​പ​നി​ല 50 ഡി​ഗ്രി​യി​ലേ​ക്ക് അ​ടു​ക്കു​ന്നു. താ​പ​നി​ല ഉ​യ​രു​ന്ന​തി​ന​നു​സ​രി​ച്ച് വേ​ന​ൽ​ക്കാ​ല​ത്ത് ത​ല​വേ​ദ​ന​യും മൈ​ഗ്രേ​നു​ക​ളും വ​ർ​ധി​ക്കു​ന്ന​താ​യി ആ​രോ​ഗ്യ വി​ദ​ഗ്ധ​ർ അ​ഭി​പ്രാ​യ​പ്പെ​ട്ടു. കി​ട​ത്തി​ച്ചി​കി​ത്സ തേ​ടു​ന്ന രോ​ഗി​ക​ളി​ൽ 10-20ശ​ത​മാ​നം വ​ർ​ധ​ന​ക്കും ഇ​ത് കാ​ര​ണ​മാ​കു​ന്നു. കാ​ലാ​വ​സ്ഥ​യി​ലെ മാ​റ്റം ത​ല​വേ​ദ​ന​ക്ക് ഇ​ട​യാ​ക്കും.

നി​ർ​ജ്ജ​ലീ​ക​ര​ണം, താ​പ​നി​ല​യി​ലെ ഏ​റ്റ​ക്കു​റ​ച്ചി​ലു​ക​ൾ, ഭ​ക്ഷ​ണ​ക്ര​മ​ത്തി​ലെ മാ​റ്റ​ങ്ങ​ൾ, ദി​ന​ച​ര്യ​ക​ളി​ലേ​ക്കു​ള്ള മാ​റ്റം തു​ട​ങ്ങി​യ ഘ​ട​ക​ങ്ങ​ളെ​ല്ലാം ത​ല​വേ​ദ​ന​യു​ടെ തു​ട​ക്ക​ത്തി​ന് കാ​ര​ണ​മാ​കും. വേ​ന​ൽ​ക്കാ​ല​ത്ത് ത​ല​വേ​ദ​ന കൂ​ടു​ത​ലാ​യി കാ​ണ​പ്പെ​ടു​മെ​ന്ന് മെ​ഡി​ക്ക​ൽ പ്ര​ഫ​ഷ​ന​ലു​ക​ൾ വി​ശ​ദീ​ക​രി​ക്കു​ന്നു.

ചൂ​ട് പൊ​തു​വെ ത​ല​വേ​ദ​ന​ക്ക് കാ​ര​ണ​മാ​യ ഘ​ട​ക​ങ്ങ​ളെ ഉ​ത്തേ​ജി​പ്പി​ക്കും. മൈ​ഗ്രേ​ൻ രോ​ഗി​ക​ളി​ൽ ഇ​ത് വ​ലി​യ പ്ര​യാ​സം സൃ​ഷ്ടി​ക്കും. ഓ​രോ അ​ഞ്ചു ഡി​ഗ്രി സെ​ൽ​ഷ്യ​സ് താ​പ​നി​ല ഉ​യ​രു​മ്പോ​ഴും ക​ടു​ത്ത ത​ല​വേ​ദ​ന​ക്കു​ള്ള സാ​ധ്യ​ത 7.5ശ​ത​മാ​നം വ​ർ​ധി​ക്കു​ന്ന​താ​യാ​ണ് ഗ​വേ​ഷ​ക​രു​ടെ ക​ണ്ടെ​ത്ത​ൽ.

ത​ല​വേ​ദ​ന​ക്കൊ​പ്പം ഉ​റ​ക്ക​രീ​തി​ക​ളി​ലെ മാ​റ്റ​ങ്ങ​ൾ​ക്കും ചൂ​ട് കാ​ര​ണ​മാ​കും. മൈ​ഗ്രേ​ൻ അ​നു​ഭ​വ​പ്പെ​ടാ​നു​ള്ള സാ​ധ്യ​ത പു​രു​ഷ​ന്മാ​രേ​ക്കാ​ൾ സ്ത്രീ​ക​ൾ​ക്ക് മൂ​ന്നി​ര​ട്ടി കൂ​ടു​ത​ലാ​ണ്. ത​ല​വേ​ദ​ന ദി​വ​സ​ങ്ങ​ൾ നീ​ണ്ടു നി​ൽ​ക്കു​ന്ന​തും, ഗു​രു​ത​ര​വു​മാ​ണെ​ങ്കി​ൽ ഡോ​ക്ട​റെ സ​മീ​പി​ക്കാ​നും ചി​കി​ത്സ തേ​ടാ​നും മ​ടി​കാ​ണി​ക്ക​രു​ത്. തു​ട​ക്ക​ത്തി​ലേ ചി​കി​ത്സ വേ​ദ​ന ശ​മി​പ്പി​ക്കാ​ൻ മാ​ത്ര​മ​ല്ല, ചെ​ല​വേ​റി​യ തു​ട​ർ ചി​കി​ത്സ​യി​ൽ​നി​ന്ന് ഒ​ഴി​വാ​കാ​നും സ​ഹാ​യി​ക്കും.

നേ​രി​ട്ട് വെ​യി​ൽ ​കൊ​ള്ളു​ന്ന​ത് ഒ​ഴി​വാ​ക്കു​ക, ഇ​ട​ക്കി​ട​ക്ക് ത​ണു​ത്ത വെ​ള്ള​ത്തി​ൽ മു​ഖം ക​ഴു​കു​ക, പ​ക​ൽ സ​മ​യം യാ​ത്ര ഒ​ഴി​വാ​ക്കു​ക തു​ട​ങ്ങി​യ​വ​യി​ലൂ​ടെ ത​ല​വേ​ദ​ന​യു​ടെ ആ​ഘാ​തം കു​റ​ക്കാം.