ബൂസ്​റ്റർ ഡോസ് വാക്​സിൻ സെപ്​റ്റംബർ അവസാനം നൽകിത്തുടങ്ങും

കുവൈത്ത് സിറ്റി: കുവൈത്തിൽ കോവിഡ്​ പ്രതിരോധ വാക്​സിൻ ബൂസ്​റ്റർ ഡോസ്​ സെപ്​റ്റംബർ അവസാനത്തോടെ നൽകിത്തുടങ്ങുമെന്ന്​ റിപ്പോർട്ട്​.

ഗുരുതര ആരോഗ്യപ്രശ്‌നങ്ങള്‍ നേരിടുന്നവര്‍ ഉള്‍പ്പെടെ ശാരീരിക പ്രതിരോധശേഷി കുറഞ്ഞവര്‍ക്കാണ് ആദ്യഘട്ടത്തില്‍ ബൂസ്​റ്റര്‍ ഡോസ് നല്‍കുക.

ഏതു വാക്‌സിന്‍ ലഭിച്ചവര്‍ക്കും ഫൈസര്‍ ബയോണ്‍ടെക് വാക്‌സിനാണ് മൂന്നാം ഡോസായി നല്‍കുകയെന്നും മന്ത്രാലയം വ്യക്തമാക്കി.

പ്രായമായവർ, അർബുദബാധിതർ, ഗുരുതര രോഗികൾ, അവയവമാറ്റ ശസ്ത്രക്രിയക്ക് വിധേയരായവർ എന്നിവർക്കാണ്​ ബൂസ്​റ്റർ ഡോസ്​ നൽകുക.

ആദ്യ രണ്ടു​ ഡോസുകൾ സ്വീകരിച്ചത്​ ഏതു​ വാക്​സിൻ ആണെങ്കിലും ബൂസ്​റ്റർ ആയി ഫൈസർ ആണ്​ നൽകുക. അതേസമയം, മൂന്നാമത്​ ഡോസ്​ സ്വീകരിക്കണമോ എന്ന്​ തീരുമാനിക്കാനുള്ള സ്വാതന്ത്ര്യം വ്യക്തികൾക്കുണ്ട്​.

നിലവിൽ മികച്ച രീതിയിലാണ് രാജ്യത്ത് വാക്സിൻ വിതരണം പുരോഗമിക്കുന്നത്. ഇതേ രീതിയിൽ വാക്‌സിൻ രജിസ്‌ട്രേഷനും വിതരണവും പുരോഗമിക്കുകയാണെങ്കില്‍ അടുത്ത മാസത്തോടെ 100

ശതമാനം പേര്‍ക്കും വാക്‌സിന്‍ നല്‍കാന്‍ കഴിയുമെന്നാണ് പ്രതീക്ഷയെന്നും ആരോഗ്യവകുപ്പ് അധികൃതര്‍ വ്യക്തമാക്കി.