രാ​ജ്യം അ​തി​ശൈ​ത്യ​ത്തി​ലേ​ക്ക്...

കു​വൈ​ത്ത് സി​റ്റി: പ​തു​ക്കെ രാ​ജ്യം അ​തി​ശൈ​ത്യ​ത്തി​ലേ​ക്ക് നീ​ങ്ങു​ന്നു. ഈ ​മാ​സം ആ​ദ്യ​ത്തി​ൽ എ​ത്തി​യ മ​ഴ​യോ​ടെ രാ​ജ്യം ത​ണു​പ്പ് സീ​സ​ണി​ലേ​ക്ക് മാ​റി​യി​രു​ന്നു. നി​ല​വി​ൽ പ​ക​ൽ മി​ത​മാ​യ കാ​ലാ​വ​സ്ഥ​യും രാ​ത്രി ത​ണു​പ്പു​മാ​ണ്. ആ​ളു​ക​ൾ ത​ണു​പ്പ് പ്ര​തി​രോ​ധ വ​സ്ത്ര​ങ്ങ​ൾ അ​ണി​ഞ്ഞു തു​ട​ങ്ങി​യി​ട്ടു​മു​ണ്ട്. വ​രും ദി​വ​സ​ങ്ങ​ളി​ലും കു​റ​ഞ്ഞ താ​പ​നി​ല തു​ട​രും. രാ​ജ്യം നി​ല​വി​ൽ കു​റ​ഞ്ഞ ന്യൂ​ന​മ​ർ​ദ സം​വി​ധാ​ന​ത്തി​ന്‍റെ പ്ര​ത്യാ​ഘാ​ത​ങ്ങ​ൾ അ​നു​ഭ​വി​ക്കു​ക​യാ​ണെ​ന്ന് കാ​ലാ​വ​സ്ഥ കേ​ന്ദ്രം ആ​ക്ടി​ങ് ഡ​യ​റ​ക്ട​ർ ധാ​രാ​ർ അ​ൽ അ​ലി പ​റ​ഞ്ഞു.

വെ​ള്ളി​യാ​ഴ്ച പ​ക​ൽ നേ​രി​യ ത​ണു​പ്പു നി​റ​ഞ്ഞ​തും ഭാ​ഗി​ക മേ​ഘാ​വൃ​ത​വു​മാ​യി​രു​ന്നു. ചെ​റു​താ​യി കാ​റ്റും വീ​ശി. എ​ന്നാ​ൽ രാ​ത്രി താ​പ​നി​ല കു​ത്ത​നെ താ​ഴ്ന്ന് എ​ട്ടു മു​ത​ൽ 12 വരെ ഡി​ഗ്രി സെ​ൽ​ഷ്യ​സി​ന് ഇ​ട​യി​ൽ എ​ത്തി. രാ​ത്രി ന​ല്ല ത​ണു​പ്പും അ​നു​ഭ​വ​പ്പെ​ട്ടു.

ശ​നി​യാ​ഴ്ച മി​ത​മാ​യ കാ​ലാ​വ​സ്ഥ പ്ര​തീ​ക്ഷി​ക്കു​ന്നു. മ​ണി​ക്കൂ​റി​ൽ 12 മു​ത​ൽ 45 കി​ലോ​മീ​റ്റ​ർ വ​രെ വേ​ഗ​ത്തിൽ വീ​ശാ​ൻ സാ​ധ്യ​ത​യു​ണ്ട്. ഇ​ത് തു​റ​ന്ന പ്ര​ദേ​ശ​ങ്ങ​ളി​ൽ പൊ​ടി ഉ​യ​ർ​ത്താം. പ​ര​മാ​വ​ധി താ​പ​നി​ല 20 മു​ത​ൽ 22 വരെ ഡി​ഗ്രി സെ​ൽ​ഷ്യ​സ് വ​രെ പ്ര​തീ​ക്ഷി​ക്കു​ന്നു. ക​ട​ൽ തി​ര​മാ​ല​ക​ൾ ര​ണ്ടു മു​ത​ൽ ആ​റ് അ​ടി വ​രെ ഉ​യ​രു​മെ​ന്നും പ്ര​വ​ചി​ക്ക​പ്പെ​ടു​ന്നു. ശ​നി​യാ​ഴ്ച രാ​ത്രി ത​ണു​പ്പു​കൂ​ടും. കു​റ​ഞ്ഞ താ​പ​നി​ല ആ​റു മു​ത​ൽ ഒ​മ്പ​തു ഡി​ഗ്രി സെ​ൽ​ഷ്യ​സ് വ​രെ​യാ​കും. വ​ട​ക്കു​പ​ടി​ഞ്ഞാ​റ​ൻ കാ​റ്റ് നേ​രി​യ​തോ മി​ത​മാ​യ​തോ ആ​യ വേ​ഗ​ത്തിൽ തു​ട​രും.

ഈ ​മാ​സം അ​വ​സാ​ന​ത്തോ​ടെ താ​പ​നി​ല​യി​ൽ വീ​ണ്ടും കു​റ​വു​ണ്ടാ​കു​ക​യും ത​ണു​പ്പ് വ​ർ​ധി​ക്കു​ക​യും ചെ​യ്യും. ജ​നു​വ​രി, ഫെ​ബ്രു​വ​രി മാ​സ​ങ്ങ​ളി​ൽ ക​ഠി​ന ത​ണു​പ്പ് അ​നു​ഭ​വ​പ്പെ​ടും. ക​ഴി​ഞ്ഞ ജ​നു​വ​രി​യി​ൽ അ​തി​ശൈ​ത്യ​മാ​ണ് അ​നു​ഭ​വ​പ്പെ​ട്ട​ത്. ക​ഴി​ഞ്ഞ വ​ർ​ഷം ത​ണു​പ്പ് മാ​ർ​ച്ച്​ അ​വ​സാ​നം വ​രെ നീ​ണ്ടു​നി​ൽ​ക്കു​ക​യും ചെ​യ്തി​രു​ന്നു.