ക്രൗ​ൺ പ്രി​ൻ​സ് ഷൂ​ട്ടി​ങ് ചാ​മ്പ്യ​ൻ​ഷി​പ്പ് സ​മാ​പി​ച്ചു

കു​വൈ​ത്ത്​ സി​റ്റി: കു​വൈ​ത്ത്​ കി​രീ​ടാ​വ​കാ​ശി​യു​ടെ പേ​രി​ലു​ള്ള ക്രൗ​ൺ പ്രി​ൻ​സ്​ ഷൂ​ട്ടി​ങ്​ ചാ​മ്പ്യ​ൻ​ഷി​പ്പ്​ സ​മാ​പി​ച്ചു. ശൈ​ഖ്​ സ​ബാ​ഹ്​ അ​ൽ അ​ഹ്​​മ​ദ്​ ഒ​ളി​മ്പി​ക്​ ഷൂ​ട്ടി​ങ്​ കോം​പ്ല​ക്​​സി​ൽ ചൊ​വ്വാ​ഴ്​​ച​യാ​ണ്​ ചാ​മ്പ്യ​ൻ​ഷി​പ്പ്​ ആ​രം​ഭി​ച്ച​ത്. കു​വൈ​ത്തി ഷൂ​ട്ടി​ങ്​ ക്ല​ബ്, നാ​ഷ​ന​ൽ ഗാ​ർ​ഡ്, മി​ലി​ട്ട​റി സ്​​പോ​ർ​ട്​​സ്​ ഫെ​ഡ​റേ​ഷ​ൻ, പൊ​ലീ​സ്​ സ്​​പോ​ർ​ട്​​സ്​ യൂ​നി​യ​ൻ എ​ന്നി​വി​ട​ങ്ങ​ളി​ൽ​നി​ന്നു​ള്ള ഷൂ​ട്ട​ർ​മാ​രാ​ണ് മാ​റ്റു​ര​ച്ച​ത്.

ഒ​ളി​മ്പി​ക്​ സ്​​കി​റ്റ്, ട്രാ​പ്പ്, പ​ത്ത്​ മീ​റ്റ​ർ എ​യ​ർ റൈ​ഫി​ൾ, പി​സ്​​റ്റ​ൾ, 50 മീ​റ്റ​ർ റൈ​ഫി​ൾ, പി​സ്​​റ്റ​ൾ, ഒ​ളി​മ്പി​ക്​ ആ​ർ​ച്ച​റി തു​ട​ങ്ങി​യ ഇ​ന​ങ്ങ​ളി​ൽ മ​ത്സ​രം ന​ട​ന്നു. ക്രൗ​ൺ പ്രി​ൻ​സ്​ ഷൂ​ട്ടി​ങ്​ ചാ​മ്പ്യ​ൻ​ഷി​പ്പ്​ രാ​ജ്യ​ത്തെ പ്ര​ധാ​ന പ്ര​തി​വ​ർ​ഷ കാ​യി​ക പ​രി​പാ​ടി​ക​ളി​ലൊ​ന്നാ​ണ്. സാ​ധാ​ര​ണ മൂ​ന്നു​ ദി​വ​സ​ങ്ങ​ളി​ലാ​യി ന​ട​ക്കാ​റു​ള്ള മേ​ള കോ​വി​ഡ്​ പ​ശ്ചാ​ത്ത​ല​ത്തി​ൽ സാ​മൂ​ഹി​ക അ​ക​ലം പാ​ലി​ക്കു​ന്ന​ത്​ ഉ​ൾ​പ്പെ​ടെ നി​യ​ന്ത്ര​ണ​ങ്ങ​ൾ പാ​ലി​ക്കേ​ണ്ട​തി​നാ​ൽ അ​ഞ്ചു​ദി​വ​സ​മാ​യി നി​ശ്ച​യി​ക്കു​ക​യാ​യി​രു​ന്നു.