തെ​ര​ഞ്ഞെ​ടു​പ്പ് വി​ജ​യ​ക​ര​മാ​യി പൂ​ർ​ത്തി​യാ​യി; ഇ​നി പു​തി​യ ദേ​ശീ​യ അ​സം​ബ്ലി

കു​വൈ​ത്ത് സി​റ്റി: രാ​ഷ്ട്രീ​യ സു​സ്ഥി​ര​ത ല​ക്ഷ്യ​മി​ട്ട് ശു​ഭ​പ്ര​തീ​ക്ഷ​യോ​ടെ കു​വൈ​ത്ത് ജ​ന​ത ദേ​ശീ​യ അ​സം​ബ്ലി​യി​ലേ​ക്ക് പു​തി​യ അം​ഗ​ങ്ങ​ളെ തെ​ര​ഞ്ഞെ​ടു​ത്തു. ചൊ​വ്വാ​ഴ്ച രാ​വി​ലെ എ​ട്ടി​ന് ആ​രം​ഭി​ച്ച വോ​ട്ടെ​ടു​പ്പി​ൽ ആ​വേ​ശ​ത്തോ​ടെ ജ​ന​ങ്ങ​ൾ ത​ങ്ങ​ളു​ടെ സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ചു.

സ്ത്രീ​ക​ളും വ​യോ​ജ​ന​ങ്ങ​ളു​മ​ട​ക്കം ഭൂ​രി​പ​ക്ഷ​വും വോ​ട്ട് രേ​ഖ​പ്പെ​ടു​ത്തി. രാ​ത്രി എ​ട്ടി​ന് വോ​ട്ടെ​ടു​പ്പ് അ​വ​സാ​നി​ച്ച​തി​ന് പി​റ​കെ വോ​ട്ടെ​ണ്ണ​ൽ ആ​രം​ഭി​ച്ചു. രാ​ത്രി വൈ​കി​യും തു​ട​ർ​ന്ന വോ​ട്ടെ​ണ്ണ​ലി​​ന്റെ​യും വി​ജ​യി​ക​ളു​ടെ​യും പൂ​ർ​ണ ചി​ത്രം ബു​ധ​നാ​ഴ്ച രാ​വി​ലെ​യോ​ടെ വ്യ​ക്ത​മാ​കും.

50 സീ​റ്റു​ക​ളു​ള്ള ദേ​ശീ​യ അ​സം​ബ്ലി​യി​ലേ​ക്ക് 13 വ​നി​ത​ക​ൾ ഉ​ൾ​പ്പെ​ടെ 207 സ്ഥാ​നാ​ർ​ഥി​ക​ളാ​ണ് മ​ത്സ​രി​ച്ച​ത്. മു​ൻ അ​സം​ബ്ലി​ക​ളി​ൽ നി​ന്നു​ള്ള 55 മു​ൻ എം.​പി​മാ​രും 2022ലെ ​ഒ​ഴി​വാ​ക്കി​യ അ​സം​ബ്ലി​യി​ലെ 46 അം​ഗ​ങ്ങ​ളും ഇ​ത്ത​വ​ണ​യും ജ​ന​വി​ധി തേ​ടി. ആ​റു ഗ​വ​ർ​ണ​റേ​റ്റു​ക​ളി​ലാ​യി 118 കേ​ന്ദ്ര​ങ്ങ​ളി​ലാ​യാ​ണ് വോ​ട്ടെ​ടു​പ്പ് ന​ട​ന്ന​ത്.

1,157 ജ​ഡ്ജി​മാ​ർ തെ​ര​ഞ്ഞെ​ടു​പ്പി​ന് മേ​ൽ​നോ​ട്ടം വ​ഹി​ച്ചു. പ്രാ​ദേ​ശി​ക സി​വി​ൽ സൊ​സൈ​റ്റി​ക​ളു​ടെ നി​രീ​ക്ഷ​ണ​വും വോ​ട്ടെ​ടു​പ്പി​ൽ ഉ​ണ്ടാ​യി​രു​ന്നു. സു​ര​ക്ഷ സം​വി​ധാ​ന​ത്തി​ന്റെ ഭാ​ഗ​മാ​യി നൂ​റു​ക​ണ​ക്കി​ന് പൊ​ലീ​സു​കാ​രെ​യും വി​ന്യ​സി​ച്ചി​രു​ന്നു. തെ​ര​ഞ്ഞെ​ടു​പ്പ് ന​ട​പ​ടി​ക​ള്‍ സു​ഗ​മ​മാ​യി​രു​ന്നു​വെ​ന്ന് അ​ധി​കൃ​ത​ര്‍ അ​റി​യി​ച്ചു.

2020ലെ ​ദേ​ശീ​യ അ​സം​ബ്ലി പി​രി​ച്ചു​വി​ടു​ക​യും 2022 സെ​പ്റ്റം​ബ​ർ 29ലെ ​തെ​ര​ഞ്ഞെ​ടു​പ്പ് ഭ​ര​ണ​ഘ​ട​ന കോ​ട​തി അ​സാ​ധു​വാ​ക്കു​ക​യും ചെ​യ്ത​തോ​ടെ​യാ​ണ് രാ​ജ്യം മ​റ്റൊ​രു തെ​ര​ഞ്ഞെ​ടു​പ്പി​​ലേ​ക്ക് നീ​ങ്ങി​യ​ത്.