എംബസി ഇന്ത്യൻ ബിസിനസ്​ നെറ്റ്​വർക്ക്​ രൂപവത്​കരിച്ചു

കുവൈത്ത്​ സിറ്റി: കുവൈത്തിലെ ഇന്ത്യൻ എംബസി ഇന്ത്യൻ ബിസിനസ്​ നെറ്റ്​വർക്ക്​ രൂപവത്​കരിച്ചു. ഇന്ത്യൻ ബിസിനസ്​ സമൂഹത്തെയും കുവൈത്തിനെയും ബന്ധിപ്പിക്കാനും സുസ്ഥിരവും ദീർഘകാലം നിലനിൽക്കുന്നതുമായ പരസ്​പര ബന്ധം കെട്ടിപ്പടുക്കാനും ലക്ഷ്യമിട്ടാണ്​ എംബസിയുടെ ഇടപെടൽ. കുവൈത്തിലെ ചെറുകിട, ഇടത്തരം സംരംഭങ്ങൾ ഉൾപ്പെടെ ഇന്ത്യൻ ബിസിനസ്​ സംരംഭങ്ങൾ നെറ്റ്​വർക്കിൽ രജിസ്​റ്റർ ചെയ്യണമെന്ന്​ എംബസി വാർത്തക്കുറിപ്പിൽ അറിയിച്ചു.

https://forms.gle/kw9UaZ9fdzv6b7Bx9 എന്ന ലിങ്ക്​ വഴി രജിസ്​ട്രേഷൻ നടത്താം. @IndianIbn എന്നതാണ്​ ഇന്ത്യൻ ബിസിനസ്​ നെറ്റ്​വർക്കി​െൻറ ട്വിറ്റർ വിലാസം. കൂടുതൽ വിവരങ്ങൾക്ക്​ എംബസി വെബ്​സൈറ്റ്​ സന്ദർശിക്കുകയോ com1.kuwait@mea.gov.in എന്ന മെയിൽ വിലാസത്തിൽ ബന്ധപ്പെടുകയോ ചെയ്യാം.