ഖത്തർ ലോകകപ്പ് ഉദ്ഘാടനത്തെ അഭിനന്ദിച്ച് കുവൈത്ത് അമീർ ഖ​ത്ത​ർ അ​മീ​റി​ന് ആ​ശം​സ അ​റി​യി​ച്ചു

കു​വൈ​ത്ത് സി​റ്റി: ലോ​ക​ക​പ്പ് ഫു​ട്ബാ​ളി​ന്റെ വി​ജ​യ​ക​ര​മാ​യ സം​ഘാ​ട​ന​ത്തി​ന് ഖ​ത്ത​റി​ന് കു​വൈ​ത്ത് അ​മീ​റി​ന്റെ ആ​ശം​സ.

കു​വൈ​ത്ത് അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് ആ​ശം​സ അ​റി​യി​ച്ച് ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് അ​ൽ​ഥാ​നി​ക്ക് സ​ന്ദേ​ശ​മ​യ​ച്ചു. ചാ​മ്പ്യ​ൻ​ഷി​പ്പി​ന്റെ ഗം​ഭീ​ര​മാ​യ ഉ​ദ്ഘാ​ട​ന​ത്തെ അ​ഭി​ന​ന്ദി​ച്ച കു​വൈ​ത്ത് അ​മീ​ർ പ​രി​പാ​ടി​ക്ക് ഖ​ത്ത​ർ ആ​തി​ഥേ​യ​ത്വം വ​ഹി​ച്ച​തി​ൽ അ​ഭി​മാ​നി​ക്കു​ന്ന​താ​യും വ്യ​ക്ത​മാ​ക്കി.

ലോ​ക​മെ​മ്പാ​ടു​മു​ള്ള ജ​ന​ങ്ങ​ൾ​ക്ക് സൗ​ഹാ​ർ​ദ​ത്തി​ന്റെ​യും സ​മാ​ധാ​ന​ത്തി​ന്റെ​യും സ​ന്ദേ​ശം ന​ൽ​കി​യ പ്ര​ദ​ർ​ശ​ന​ത്തെ​യും അ​ഭി​ന​ന്ദി​ച്ചു. ടൂ​ർ​ണ​മെ​ന്റ് ന​ട​ത്തു​ന്ന​തി​നു​ള്ള വ​ലി​യ ത​യാ​റെ​ടു​പ്പു​ക​ളെ എ​ടു​ത്തു​പ​റ​ഞ്ഞ കു​വൈ​ത്ത് അ​മീ​ർ ഖ​ത്ത​റി​നും ജ​ന​ങ്ങ​ൾ​ക്കും ആ​ശം​സ​ക​ൾ അ​റി​യി​ച്ചു.

ലോ​ക​ക​പ്പ് ഫു​ട്ബാ​ൾ ഉ​ദ്ഘാ​ട​ന ച​ട​ങ്ങി​ൽ അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ പ്ര​തി​നി​ധി​യാ​യി കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് പ​​ങ്കെ​ടു​ത്തി​രു​ന്നു. ഖ​ത്ത​റി​ലും ലോ​ക​ക​പ്പ് ഉ​ദ്ഘാ​ട​ന ച​ട​ങ്ങു​ക​ൾ ന​ട​ന്ന അ​ൽ​ബെ​യ്ത് സ്റ്റേ​ഡി​യ​ത്തി​ലും കി​രീ​ടാ​വ​കാ​ശി​ക്ക് ഖ​ത്ത​ർ അ​ധി​കൃ​ത​ർ ഹാ​ർ​ദ​വ​മാ​യ സ്വീ​ക​ര​ണം ന​ൽ​കി.

ലോ​ക​ക​പ്പി​ന്റെ വി​ജ​യം ഉ​റ​പ്പാ​ക്കാ​നും ല​ക്ഷ്യ​ങ്ങ​ൾ കൈ​വ​രി​ക്കാ​നും ഖ​ത്ത​ർ ന​ട​ത്തു​ന്ന പ​രി​ശ്ര​മ​ങ്ങ​ൾ​ക്ക് കു​വൈ​ത്ത് ഭ​ര​ണ​കൂ​ടം നേ​ര​ത്തേ പി​ന്തു​ണ പ്ര​ഖ്യാ​പി​ച്ചി​രു​ന്നു.

ഇ​ക്കാ​ര്യം ഖ​ത്ത​റി​ലെ കു​വൈ​ത്ത് അം​ബാ​സ​ഡ​ർ ഖാ​ലി​ദ് അ​ൽ മു​തൈ​രി ഖ​ത്ത​റി​നെ അ​റി​യി​ക്കു​ക​യു​മു​ണ്ടാ​യി.

ലോ​ക​ക​പ്പ് സം​ഘാ​ട​ന​ത്തി​ൽ ഖ​ത്ത​റി​നു​ള്ള പി​ന്തു​ണ​യു​ടെ ഭാ​ഗ​മാ​യി ഖ​ത്ത​റി​ലെ കു​വൈ​ത്ത് എം​ബ​സി​യി​ൽ ഇ​രു​രാ​ജ്യ​ങ്ങ​ളും കൈ​കോ​ർ​ക്കു​ന്ന ചി​ത്ര​മു​ള്ള പ്ര​ത്യേ​ക ബോ​ർ​ഡ് പ്ര​ദ​ർ​ശി​പ്പി​ച്ചി​ട്ടു​ണ്ട്.