കു​വൈ​ത്തി​ലെ തൂ​വ​ൽ കു​പ്പാ​യ​ക്കാ​ർ

വെ​റും ചു​ട്ടു​പൊ​ള്ളു​ന്ന മ​രു​ഭൂ​മി മാ​ത്ര​മ​ല്ല കു​വൈ​ത്ത്. ഋ​തു​ഭേ​ദ​ങ്ങ​ളു​ടെ ആ​വ​ർ​ത്ത​ന​ങ്ങ​ളി​ൽ രാ​ജ്യം പ​ല കാ​ലാ​വ​സ്ഥ​ക​ളി​ലൂ​ടെ ക​ട​ന്നു​പോ​കു​ന്നു. പ​ല കാ​ഴ്ച​ക​ൾ​ക്കും സാ​ക്ഷി​യാ​കു​ന്നു. കു​വൈ​ത്തി​ലെ ശ​​ര​​ത്കാ​​ലം അ​ത്ത​രം കാ​ഴ്ച​ക​ളു​ടെ വ​സ​ന്ത​കാ​ല​മാ​ണ്. രാ​ജ്യ​ത്ത് വ​​ൻ​തോ​​തി​​ൽ ദേ​​ശാ​​ട​​ന​​പ്പ​​ക്ഷി​​ക​​ൾ എ​ത്തു​ന്ന സ​മ​യം.

ത​​ണ്ണീ​​ർ​ത്ത​ട​​ങ്ങ​​ളി​​ലും ക​​ട​​ലോ​​ര​​ത്തും അ​​വ പ​​റ​​ന്നി​​റ​​ങ്ങും. ചി​​ല്ല​​ക​​ളി​​ൽ കൂ​​ടു​​കൂ​​ട്ടും. ആ​​കാ​​ശ​​ത്ത് ചി​​റ​​കു ​വി​​രി​​ക്കും. അ​​ങ്ങ​​നെ കാ​​ഴ്ച​​ക​​ളു​​ടെ വ​​ർ​​ണ​​ത്തൂ​​വ​​ലു​​ക​​ൾ വി​​ട​​ർ​​ത്തി ദി​​വ​​സ​​ങ്ങ​​ൾ കു​​വൈ​​ത്തി​​ൽ തു​​ട​​രും. ഒ​​ടു​​വി​​ൽ മ​​റ്റൊ​​രു ദേ​​ശ​​ത്തേ​​ക്ക് പ​​റ​​ന്നു​​പോ​​കും.

ഇ​തി​നൊ​പ്പം കു​വൈ​ത്തി​ന്റെ മാ​ത്രം പ​ക്ഷി​വ​ർ​ഗ​ങ്ങ​ളു​മു​ണ്ട്. മ​രു​ഭൂ​മി​യി​ലെ ചൂ​ടും ത​ണു​പ്പും ഒ​രു​പോ​ലെ മ​റി​ക​ട​ന്ന് അ​ത്ഭു​ത​പ്പെ​ടു​ത്തു​ന്ന​വ. പ​ല രൂ​പ​ങ്ങ​ളി​ൽ, കാ​ഴ്ച​ക​ളി​ൽ, സ്വ​ഭാ​വ​ങ്ങ​ളി​ൽ തു​ട​രു​ന്ന​വ. മ​ല​യാ​ളി​യും പ​ക്ഷി​നി​രീ​ക്ഷ​ക​നു​മാ​യ ഇ​ർ​വി​ൻ ജോ​സ് നെ​ല്ലി​ക്കു​ന്നേ​ൽ അ​വ പ​രി​ച​യ​പ്പെ​ടു​ത്തു​ന്നു. ‘കു​വൈ​ത്തി​ലെ തൂ​വ​ൽ കു​പ്പാ​യ​ക്കാ​ർ’ എ​ന്ന കോ​ള​ത്തി​ലൂ​ടെ.

വെ​ൺ​ക​വി​ള​ൻ ആ​ള

പ​ക്ഷി​വൈ​വി​ധ്യ​ത്താ​ൽ സ​മ്പ​ന്ന​മാ​ണ് കു​വൈ​ത്ത്. ഇ​തി​ൽ കൂ​ടു​ത​ലും ദേ​ശാ​ട​ക​രാ​യി ക​ട​ന്നു പോ​കു​ന്ന പ​ക്ഷി​ക​ളാ​ണ്. എ​ന്നാ​ൽ, കു​വൈ​ത്തി​ൽ ദേ​ശാ​ട​ക​രാ​യി എ​ത്തി ഇ​വി​ടെ പു​തു​ത​ല​മു​റ​ക്ക് ജ​ന്മം ന​ൽ​കു​ന്ന ഒ​രു​കൂ​ട്ടം ക​ട​ൽ​പ​ക്ഷി​ക​ൾ ഉ​ണ്ട്. അ​വ​യി​ൽ ഒ​ന്നാ​ണ് വെ​ൺ​ക​വി​ള​ൻ ആ​ള​ക​ൾ.

ആ​ഫ്രി​ക്ക​യി​ലും ഏ​ഷ്യ​യി​ലും കാ​ണു​ന്ന ഇ​വ​യി​ൽ ഈ​സ്റ്റ് ആ​ഫ്രി​ക്ക​യി​ലു​ള്ള പ​ക്ഷി​ക​ൾ ഒ​ഴി​ച്ച് മ​റ്റു​ള്ള​വ​യെ​ല്ലാം നാ​ടോ​ടി​ക​ളാ​ണ്. ചെ​റു​മീ​നു​ക​ളും ചെ​മ്മീ​ൻ​പോ​ലു​ള്ള അ​ക​ശേ​രു​കി​ക​ളു​മാ​ണ് ഇ​വ​യു​ടെ മു​ഖ്യ ഭ​ക്ഷ​ണം.

വ​സ​ന്ത​കാ​ല​ത്തും ശ​ര​ത് കാ​ല​ത്തും ശൈ​ത്യ​കാ​ല​ത്തും എ​ത്തു​ന്ന മ​റ്റു ദേ​ശാ​ട​ന പ​ക്ഷി​ക​ളി​ൽ​നി​ന്ന് വി​ഭി​ന്ന​മാ​യി ഇ​വ എ​ല്ലാ വ​ർ​ഷ​വും വേ​ന​ൽ ക​ന​ക്കു​ന്ന മേ​യ്, ജൂ​ൺ, ജൂ​ലൈ മാ​സ​ങ്ങ​ളി​ലാ​ണ് കു​വൈ​ത്തി​ലെ ദ്വീ​പു​ക​ളി​ൽ ചേ​ക്കേ​റി കൂ​ടൊ​രു​ക്കു​ന്ന​ത്. കൂ​ടൊ​രു​ക്കു​ന്ന ദ്വീ​പി​ന്റെ ചു​റ്റ​ള​വി​ലാ​ണ് ഇ​വ മീ​ൻ പി​ടി​ക്കാ​നും മ​റ്റും യാ​ത്ര പോ​കാ​റു​ള്ള​ത്. പ​റ​ന്നു​കൊ​ണ്ടു​ത​ന്നെ ക​ട​ലി​ന്റെ മു​ക​ൾ​ത​ട്ടി​ൽ​നി​ന്നും മീ​ൻ പി​ടി​ക്കാ​ൻ വി​ദ​ഗ്ധ​രാ​ണ് ഇ​ക്കൂ​ട്ട​ർ. ഇ​തി​നു നീ​ണ്ട കൊ​ക്കു​ക​ൾ ഇ​വ​യെ സ​ഹാ​യി​ക്കു​ന്നു.

സാ​ധാ​ര​ണ ഗ​തി​യി​ൽ കു​വൈ​ത്തി​ൽ ക​ര​യി​ൽ​നി​ന്നും ര​ണ്ടു മൂ​ന്ന് കി​ലോ​മീ​റ്റ​ർ അ​ക​ലെ മാ​ത്ര​മേ ഇ​വ​യെ കാ​ണാ​റു​ള്ളൂ. ആ​യി​ര​ങ്ങ​ൾ​വ​രെ ഒ​രു​മി​ച്ചു​ള്ള കോ​ള​നി​ക​ളി​ലാ​ണ് ഇ​വ കൂ​ടൊ​രു​ക്കു​ന്ന​ത്. ത​റ​യി​ൽ കൊ​ക്കു​കൊ​ണ്ടു ചെ​റി​യ കു​ഴി ഉ​ണ്ടാ​ക്കി അ​തി​ലാ​ണ് മു​ട്ട​യി​ടു​ക. മി​ക്ക കോ​ള​നി​ക​ളി​ലും മ​റ്റു​ത​രം ആ​ള​ക​ളും കൂ​ടു​ണ്ടാ​ക്കാ​റു​ണ്ട്.

കൂ​ട്ട​ത്തി​ലു​ള്ള മ​റ്റു ആ​ള​ക​ളെ അ​പേ​ക്ഷി​ച്ചു വ​ലു​പ്പം കു​റ​ഞ്ഞ ഇ​വ​യെ പ്ര​ജ​ന​ന​കാ​ല​ത്ത് എ​ളു​പ്പം തി​രി​ച്ച​റി​യാം.

പേ​ര് പോ​ലെ ത​ന്നെ വെ​ളു​ത്ത ക​വി​ളും ചോ​ര​നി​റ​ത്തി​ലു​ള്ള കാ​ലു​ക​ളും ചു​ക്കി ചു​വ​ന്ന ചു​ണ്ടു​ക​ളും ചാ​ര​നി​റ​ത്തി​ലു​ള്ള ചി​റ​കു​ക​ളും എ​ടു​ത്തു​കാ​ണാം. സ്റ്റെ​ർ​ണ റി​പ്രെ​സ്സ എ​ന്നാ​ണ് ശാ​സ്ത്രീ​യ നാ​മം.

ദ്വീ​പു​ക​ളി​ലേ​ക്കു​ള്ള മ​നു​ഷ്യ​രു​ടെ ക​ട​ന്നു​ക​യ​റ്റം ഇ​വ നേ​രി​ടു​ന്ന വ​ലി​യ ഭീ​ഷ​ണി​യാ​ണ്. മ​നു​ഷ്യ സാ​ന്നി​ധ്യം നി​മി​ത്തം അ​ട​യി​രി​ക്കു​ന്ന പ​ക്ഷി​ക​ൾ കൂ​ട്ട​ത്തോ​ടെ കോ​ള​നി​ക​ൾ ഉ​പേ​ക്ഷി​ച്ചു പോ​കു​ന്ന അ​വ​സ്ഥ ഉ​ണ്ടാ​യി​ട്ടു​ണ്ട് പ​ല​പ്പോ​ഴും. ക​ട​ലി​ലെ മാ​ലി​ന്യ​ങ്ങ​ളും ഇ​വ​യു​ടെ നി​ത്യ​ജീ​വി​ത​ത്തി​ൽ വ​ലി​യ വെ​ല്ലു​വി​ളി​ക​ളാ​ണ് സൃ​ഷ്ടി​ക്കു​ന്ന​ത്.

കു​വൈ​ത്തി​ൽ കാ​ണു​ന്ന ഇ​ട​ങ്ങ​ൾ

കു​വൈ​ത്തി​ലെ ദ്വീ​പു​ക​ളാ​യ വാ​ർ​ബ, ആ​ഊ​ഹ, ഉം ​അ​ൽ മാ​ര​ഡിം, കു​ബ്ബാ​ർ എ​ന്നി​വി​ട​ങ്ങ​ളി​ലും ചു​റ്റു​വ​ട്ട​ത്തു​മാ​ണ് ഇ​വ​യെ കാ​ണാ​റ്. അ​പൂ​ർ​വ​മാ​യി കു​വൈ​ത്തി​ലെ ക​ട​ൽ​ക​ര​ക​ളി​ലും എ​ത്താ​റു​ണ്ട്.