അബ്ബാസിയയിലെ തീപിടിത്തം; ഉ​ണ​രാ​ത്ത ഉ​റ​ക്ക​ത്തി​ലേ​ക്ക് തി​രി​ച്ചെ​ത്തി​യ രാ​ത്രി

കു​വൈ​ത്ത് സി​റ്റി: അ​വ​ധി ക​ഴി​ഞ്ഞ് നാ​ട്ടി​ൽ​നി​ന്ന് തി​രി​ച്ചെ​ത്തി​യ മാ​ത്യു​വും കു​ടും​ബ​വും വെ​ള്ളി​യാ​ഴ്ച രാ​ത്രി ക​ണ്ണ​ട​ച്ച​ത് ഒ​രി​ക്ക​ലും ഉ​ണ​രാ​ത്ത ഉ​റ​ക്ക​ത്തി​ലേ​ക്ക്. നാ​ടി​ന്റെ​യും ബ​ന്ധു​ക്ക​ളു​ടെ​യും സ്നേ​ഹ സാ​മീ​പ്യ​ത്തി​ൽ​നി​ന്ന് കു​വൈ​ത്തി​ലെ ക​ന​ത്ത ചൂ​ടി​ലേ​ക്ക് വ​ന്നി​റ​ങ്ങി​യ കു​ടും​ബം മ​ണി​ക്കൂ​റു​ക​ൾ​ക്ക​കം ഈ ​ലോ​ക​ത്തു​നി​ന്നു​ത​ന്നെ യാ​ത്ര​യാ​യി.

ജൂ​ൺ ആ​ദ്യ​വാ​രം നാ​ട്ടി​ലേ​ക്ക് തി​രി​ച്ച കു​ടും​ബം വെ​ള്ളി​യാ​ഴ്ച വൈ​കീ​ട്ടാ​ണ് കു​വൈ​ത്തി​ൽ തി​രി​ച്ചെ​ത്തി​യ​ത്. അ​ഞ്ചു​മ​ണി​യോ​ടെ ഫ്ലാ​റ്റി​ൽ എ​ത്തി​യ ഇ​വ​ർ​ക്ക് തൊ​ട്ട​ടു​ത്ത അ​പ്പാ​ർ​ട്ട്മെ​ന്റി​ലെ ജി​ബു​വാ​ണ് രാ​ത്രി ഭ​ക്ഷ​ണം ന​ൽ​കി​യ​ത്. ജി​ബു​വി​നോ​ട് സ​​ന്തോ​ഷ വ​ർ​ത്ത​മാ​നം പ​റ​ഞ്ഞ് യാ​ത്ര​ക്ഷീ​ണം കാ​ര​ണം നേ​ര​ത്തേ ഉ​റ​ങ്ങാ​ൻ കി​ട​ന്ന​താ​യി​രു​ന്നു കു​ടും​ബം.

വൈ​കീ​ട്ട് പു​റ​ത്തി​റ​ങ്ങി​യ ​​ജി​ബു താ​ഴെ ഫ്ലാ​റ്റി​ന് മു​ന്നി​ലെ​ത്തി​യ​പ്പോ​ൾ മാ​ത്യു​വി​ന്റെ അ​പ്പാ​ർ​ട്ട്മെ​ന്റി​ൽ​നി​ന്ന് പു​ക ഉ​യ​രു​ന്ന​താ​യി ശ്ര​ദ്ധ​യി​ൽ​പെ​ട്ടു.

കൂ​ടെ ഉ​ണ്ടാ​യി​രു​ന്ന ചെ​റി​യ മ​ക​നെ റോ​ഡി​ന് സ​മീ​പ​ത്തെ ക​ട​ക്കു​മു​ന്നി​ൽ നി​ർ​ത്തി ജി​ബു ഉ​ട​ൻ ഫ്ലാ​റ്റി​ലെ​ത്തി. മാ​ത്യു​വി​ന്റെ വാ​തി​ലി​ൽ ത​ട്ടി​വി​ളി​ക്കു​ക​യും അ​ദ്ദേ​ഹം വാ​തി​ൽ തു​റ​ക്കു​ക​യും ചെ​യ്തു. ഈ ​സ​മ​യം ക​ന​ത്ത പു​ക പു​റ​ത്തേ​ക്ക് വ്യാ​പി​ച്ച​തോ​ടെ ജി​ബു എ​തി​ർ​വ​ശ​ത്തു​ള്ള സ്വ​ന്തം അ​പ്പാ​ർ​ട്ട്മെ​ന്റി​ലെ ഭാ​ര്യ​യെ വി​വ​രം അ​റി​യി​ച്ചു. കു​ളി​ച്ചു​കൊ​ണ്ടി​രു​ന്ന അ​വ​ർ പെ​ട്ടെ​ന്ന് പു​റ​ത്തി​റ​ങ്ങി താ​ഴെ എ​ത്തു​ക​യാ​യി​രു​ന്നു. അ​ൽ​പ​സ​മ​യ​ത്തി​ന​കം ഫ്ലാ​റ്റി​​ലെ ലി​ഫ്റ്റ് പ്ര​വ​ർ​ത്ത​ന​വും നി​ല​ച്ചു. രാ​ത്രി 9.30ഓ​ടെ​യാ​യി​രു​ന്നു ഇ​ത്.

ഇ​തി​നി​ടെ ഫ്ലാ​റ്റി​ലെ മ​റ്റു​ള്ള​വ​ർ പ​ര​സ്പ​രം വി​വ​രം അ​റി​യി​ക്കു​ക​യും ഉ​ട​ൻ പു​റ​ത്തി​റ​ങ്ങു​ക​യും ചെ​യ്തു. മ​ൻ​ഗ​ഫ് തീ​പി​ടി​ത്ത ദു​ര​ന്ത​ത്തി​ന്റെ ഓ​ർ​മ​ക​ൾ ഉ​ള്ള​തി​നാ​ൽ മ​റ്റൊ​ന്നും ചി​ന്തി​ക്കാ​തെ ആ​ളു​ക​ൾ ഗോ​വ​ണി വ​ഴി ഇ​റ​ങ്ങി ഓ​ടു​ക​യാ​യി​രു​ന്നു.

വാ​തി​ൽ തു​റ​ന്ന​തി​നാ​ൽ മാ​ത്യു​​വും കു​ടും​ബ​വും ര​ക്ഷ​പ്പെ​ട്ടി​രി​ക്കാ​മെ​ന്നാ​ണ് എ​ല്ലാ​വ​രും ക​രു​തി​യ​ത്. എ​ന്നാ​ൽ, ഫ​യ​ർ​ഫോ​ഴ്സ് എ​ത്തി മൃ​ത​ദേ​ഹ​ങ്ങ​ൾ താ​ഴെ എ​ത്തി​ച്ച​പ്പോ​ഴാ​ണ് കു​ടും​ബം മ​രി​ച്ച വി​വ​രം ഫ്ലാ​റ്റി​ലു​ള്ള​വ​രും അ​റി​യു​ന്ന​ത്. പി​ന്നീ​ട് ഓ​രോ​ന്നാ​യി മൃ​ത​ദേ​ഹ​ങ്ങ​ൾ താ​ഴെ എ​ത്തി​ച്ച് ആം​ബു​ല​ൻ​സി​ലേ​ക്ക് ക​യ​റ്റു​മ്പോ​ൾ ക​ണ്ടു​നി​ന്ന​വ​രി​ലും ക​ണ്ണീ​ർ നി​റ​ഞ്ഞു.

‘യാത്രപറച്ചിൽ’ അവസാനവാക്കായി

ആലപ്പുഴ: ഒരുമാസത്തെ അവധിക്കുശേഷം ബന്ധുക്കളോടും സുഹൃത്തുക്കളോടും സമയം കണ്ടെത്തി സല്ലപിച്ചുള്ള ജിജോയുടെയും കുടുംബത്തിന്‍റെയും യാത്രപറച്ചിൽ അവസാന യാത്രയാകുമെന്ന്​ ആരും കരുതിയില്ല.

ആ ഞെട്ടലിലാണ്​ ബന്ധുക്കളും നാട്ടുകാരും. ആലപ്പുഴ തലവടി പഞ്ചായത്ത്​ ആറാംവാർഡ്​ നീരേറ്റുപുറം ടി.എം.സി സ്കൂളിന്​ സമീപം മുളയ്ക്കലിൽ മാത്യു വി. മുളയ്ക്കൽ (ജിജോ-40), ഭാര്യ ലിനി എബ്രഹാം (35), മക്കളായ ഐറിൻ (14), ഐസക് (ഒമ്പത്​) എന്നിവരുടെ വേർപാട്​ നാടിന്‍റെ ഉള്ളുലച്ചു.

രണ്ടു വർഷംമുമ്പ്​ പണിത സ്വന്തം വീട്ടിൽനിന്ന്​ വെള്ളിയാഴ്ച പുലർച്ചയാണ്​ കുവൈത്തിലേക്ക്​ തിരിച്ചത്​. അവിടെ സുരക്ഷിതമായി എത്തിയെന്നറിയിക്കാൻ​​ മാതാവ്​ പൊന്നമ്മയെ ഫോൺ വിളിച്ചശേഷം ഉറങ്ങാൻ കിടന്ന നാലംഗസംഘത്തിന്‍റെ മരണവാർത്തയെത്തിയത്​ മണിക്കൂറുകളുടെ വ്യത്യാസത്തിലാണ്​. കുവൈത്തിലുള്ള ജിജോയുടെ സഹോദരി ഷീജയാണ്​ ഇക്കാര്യം ആദ്യമുറപ്പിച്ചത്​.

പിന്നീട്​ ബന്ധുക്കളെ അറിയിക്കുകയായിരുന്നു. പുതിയ വീട്ടിൽ മാതാവ്​ പൊന്നമ്മ മാത്രമാണ്​ താമസിക്കുന്നത്​. സമീപത്തായി മറ്റൊരു സഹോദരി ഷീബയും കുടുംബവുമുണ്ട്​.

ഇതിനോട്​ ചേർന്നാണ് മറ്റ്​​ ബന്ധുക്കളുടെ വീട്. ഡിസംബറിൽ വിവാഹവാർഷികത്തിന്​ എത്തുമെന്ന്​ പറഞ്ഞായിരുന്നു മടക്കം. പരേതനായ രാജു-റെയ്​ച്ചൽ വർഗീസ്​ (പൊന്നമ്മ) ദമ്പതികളു​ടെ മകനാണ്​. തലവടി അർത്തിശ്ശേരി പുത്തൻപറമ്പ് കുടുംബാംഗമാണ് ലിനി . സഹോദരങ്ങൾ: ജീമോൻ (ചെന്നൈ), ഷീബ, ഷീജ (കുവൈത്ത്​).