മ​റ​ഞ്ഞ​ത് ലോ​ക​ത്തി​ന്റെ അ​മീ​ർ

കു​വൈ​ത്ത് സി​റ്റി: ഭ​ര​ണാ​ധി​കാ​രി​യെ​ന്ന നി​ല​യി​ല്‍ കു​വൈ​ത്തി​ല്‍ നി​റ​ഞ്ഞു​നി​ന്ന ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് രാ​ജ്യ​പു​രോ​ഗ​തി​ക്കൊ​പ്പം ലോ​ക​ത്ത് ദു​രി​തമനു​ഭ​വി​ക്കു​ന്ന​വ​രെ എ​ന്നും നെ​ഞ്ചോ​ട് ചേ​ർ​ത്തു​പി​ടി​ച്ച ഭ​ര​ണാ​ധി​കാ​രി​യാ​ണ്. 1961 ഫെ​ബ്രു​വ​രി​യി​ൽ ഹ​വ​ല്ലി ഗ​വ​ർ​ണ​റാ​യി തു​ട​ങ്ങി​യ ഔ​ദ്യോ​ഗി​ക ജീ​വി​തം കു​വൈ​ത്തി​ന്റെ സ​മ​ഗ്ര പു​രോ​ഗ​തി​ക്ക് സാ​ക്ഷി​യാ​യ​തി​നൊ​പ്പം കു​വൈ​ത്തി​ന് പു​റ​ത്തും പ്ര​തി​ഫ​ല​ന​ങ്ങ​ൾ സൃ​ഷ്ടി​ച്ചു. ദു​രി​തമനു​ഭ​വി​ക്കു​ന്ന എ​ല്ലാ മ​നു​ഷ്യ​രെ​യും ചേ​ർ​ത്തു​നി​ർ​ത്തു​ക എ​ന്ന​താ​യി​രു​ന്നു ശൈ​ഖ് ന​വാ​ഫി​ന്റെ രീ​തി. ലോ​ക​ത്തെ വി​വി​ധ ദേ​ശ​ങ്ങ​ളി​ലെ ജ​ന​ങ്ങ​ൾ കു​വൈ​ത്ത് അ​മീ​റി​ന്റെ ക​രു​ത​ലും സ്നേ​ഹ​വും അ​നു​ഭ​വി​ച്ച​വ​രാ​ണ്.

പ്ര​കൃ​തി​ദു​ര​ന്ത​ങ്ങ​ളും സം​ഘ​ർ​ഷ​ങ്ങ​ളും മൂ​ലം ദു​രി​തമനു​ഭ​വി​ക്കു​ന്ന​വ​ർ​ക്ക് സ​ഹാ​യം എ​ത്തി​ക്കു​ന്ന​തി​ന് കു​വൈ​ത്തി​ന്റെ സ​ജീ​വ ശ്ര​ദ്ധ പ​തി​ക്കു​ന്ന​തി​ൽ ശൈ​ഖ് ന​വാ​ഫ് എ​ന്നും മു​ൻ​ഗ​ണ​ന ന​ൽ​കി. പ്ര​യാ​സ​മ​നു​ഭ​വി​ക്കു​ന്ന​വ​രി​ൽ കാ​രു​ണ്യം ചൊ​രി​യാ​നും സ​ഹാ​യ​മെ​ത്തി​ക്കാ​നും മു​ന്‍പ​ന്തി​യി​ൽ നി​ന്നു.

അ​ടു​ത്തി​ടെ ഇ​സ്രാ​യേ​ൽ ആ​ക്ര​മ​ണ​ത്തി​ൽ സ​ര്‍വ​തും ന​ഷ്ട​പ്പെ​ട്ട ഫ​ല​സ്തീ​നി​ലേ​ക്ക് സ​ഹാ​യമെത്തി​ക്കു​ന്ന​തി​ൽ കു​വൈ​ത്ത് അ​മീ​റി​ന്‍റെ പ​ങ്ക് നി​സ്തു​ല​മാ​ണ്. ഗ​സ്സ​യു​ടെ നി​ല​വി​ളി​ക​ൾ​ക്ക് മാ​നു​ഷി​ക​സ​ഹാ​യ​വു​മാ​യി ആ​ദ്യം രം​ഗ​ത്തെ​ത്തി​യ​ത് കു​വൈ​ത്താ​ണ്. ആ​​ഭ്യ​​ന്ത​​ര​സം​​ഘ​​ർ​​ഷം മൂ​​ലം ദു​​രി​​തമനു​​ഭ​​വി​​ക്കു​​ന്ന സു​​ഡാ​​നും അ​ടു​ത്തി​ടെ ഭൂ​ക​മ്പം ത​ക​ര്‍ത്ത തു​ര്‍ക്കി​യ, സി​റി​യ എ​ന്നി​വ​ക്കും സ​ഹാ​യമെത്തി​ക്കു​ന്ന​തി​ലും കു​വൈ​ത്ത് ശ്ര​ദ്ധ പു​ല​ർ​ത്തി.

സ്വ​ന്തം രാ​ജ്യ​ത്തെ പൗ​ര​ന്മാ​രെ​പ്പോ​ലെ മ​റ്റു രാ​ജ്യ​ക്കാ​ർ​ക്കും ശൈ​ഖ് ന​വാ​ഫ് തു​ല്യ​പ​രി​ഗ​ണ​ന​യാ​ണ് ന​ൽ​കി​യ​ത്. മ​ല​യാ​ളി​ക​ള​ട​ക്ക​മു​ള്ള ഇ​ന്ത്യ​ക്കാ​ര്‍ക്കും ഇ​തി​ന്‍റെ ഗു​ണ​ഫ​ല​ങ്ങ​ൾ ഏ​റെ ല​ഭി​ച്ചി​ട്ടു​ണ്ട്. കോ​വി​ഡ് സ​മ​യ​ത്ത് ഇ​ന്ത്യ​യി​ലേ​ക്ക് കു​വൈ​ത്തി​ൽ​നി​ന്ന് ഓ​ക്സി​ജ​ൻ ക​യ​റ്റി​യ​യ​ക്കു​ന്ന​തി​ൽ ശൈ​ഖ് ന​വാ​ഫി​ന്‍റെ ഇ​ട​പെ​ട​ലു​ണ്ട്. ഗ​ൾ​ഫ് മേ​​ഖ​ല​യും അ​റ​ബ് രാ​ജ്യ​​ങ്ങ​ളും സം​​ഘ​ർ​ഷ​ത്തി​ന്‍റെ അ​ന്ത​രീ​ക്ഷ​​ത്തി​​ലൂ​ടെ ക​ട​ന്നു​​പോ​യ​പ്പോ​ഴെ​ല്ലാം ലോ​കം കു​വൈ​ത്ത് അ​മീ​റി​നെ​യാ​ണ് ഉ​റ്റു​​നോ​ക്കി​യ​ത്.

അ​റേ​ബ്യ​ൻ ഗ​ൾ​ഫ് രാ​ജ്യ​ങ്ങ​ളു​ടെ സു​ര​ക്ഷ​ക്ക് ശൈ​ഖ് ന​വാ​ഫ് വ​ലി​യ പ്രാ​ധാ​ന്യം ന​ൽ​കി. ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി) അം​ഗ​രാ​ജ്യ​ങ്ങ​ളി​ലെ യോ​ഗ​ങ്ങ​ളി​ൽ സ​ജീ​വ പ​ങ്കുവ​ഹി​ച്ചു. മേ​ഖ​ല​യി​ലെ പൊ​തു​വാ​യ ഭീ​ഷ​ണി​ക​ൾ​ക്കെ​തി​രെ ശ​ക്ത​മാ​യ നി​ല​പാ​ടു​ക​ൾ കൈ​ക്കൊ​ണ്ടു. അ​റ​ബ് രാ​ഷ്ട്ര​​ങ്ങ​ളി​ലെ ആ​ഭ്യ​​ന്ത​ര​സം​​ഘ​ർ​ഷ​ങ്ങ​ളി​ലും കു​വൈ​ത്തി​​ന്‍റെ മ​ധ്യ​​സ്ഥ​​ശ്ര​മ​വും ന​​യ​ത​ന്ത്ര ഇ​ട​പെ​​ട​ലു​ക​ളും പ​​ല​ത​വ​​ണ വി​ജ​യം ക​ണ്ടു. പ​​ക്ഷം ചേ​​രാ​തെ സ്വ​ത​ന്ത്ര​​മാ​യും സ​മാ​ധാ​ന​ത​ൽ​പ​​ര​നാ​യും നി​ല​കൊ​ണ്ട​​തി​നാ​ൽ എ​ല്ലാ​വ​ര്‍ക്കും കു​വൈ​ത്ത് അ​മീ​ർ സ്വീ​​കാ​ര്യ​നാ​യി​രു​ന്നു.

മ​യ്യി​ത്ത് ന​മ​സ്കാ​രം ഇ​ന്ന്

കു​വൈ​ത്ത്​ സി​റ്റി: അ​മീ​ർ ശൈ​ഖ്​ ന​വാ​ഫ്​ അ​ൽ അ​ഹ​മ്മ​ദ്​ അ​ൽ ജാ​ബി​ർ അ​സ്സ​ബാ​ഹി​ന്റെ സം​സ്‌​കാ​ര ച​ട​ങ്ങു​ക​ൾ ഞാ​യ​റാ​ഴ്ച. രാ​വി​ലെ ഒ​മ്പ​തി​ന് ബി​ലാ​ൽ ബി​ൻ റ​ബാ​ഹ് മ​സ്ജി​ദി​ലാ​ണ് മ​യ്യി​ത്ത് ന​മ​സ്‌​കാ​രം. സം​സ്‌​കാ​ര ച​ട​ങ്ങു​ക​ൾ കു​ടും​ബാം​ഗ​ങ്ങ​ൾ​ക്കും ബ​ന്ധു​ക്ക​ൾ​ക്കും മാ​ത്ര​മാ​യി പ​രി​മി​ത​പ്പെ​ടു​ത്തി​യ​താ​യി അ​മീ​രി ദി​വാ​ൻ മ​ന്ത്രി ശൈ​ഖ് മു​ഹ​മ്മ​ദ് അ​ബ്ദു​ല്ല അ​ൽ മു​ബാ​റ​ക് അ​സ്സ​ബാ​ഹ് അ​റി​യി​ച്ചു. സം​സ്‌​കാ​രം പി​ന്നീ​ട് ന​ട​ത്തു​മെ​ന്നും അ​ദ്ദേ​ഹം പ്ര​സ്താ​വ​ന​യി​ൽ പ​റ​ഞ്ഞു.

തി​ങ്ക​ളാ​ഴ്ച രാ​വി​ലെ​യും ചൊ​വ്വാ​ഴ്ച രാ​വി​ലെ​യും വൈ​കു​ന്നേ​ര​വും ബ​യാ​ൻ പാ​ല​സി​ലെ അ​സ്സ​ബാ​ഹ് ഫാ​മി​ലി​യു​ടെ ദി​വാ​നി​ൽ അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹും അ​സ്സ​ബാ​ഹ് കു​ടും​ബ​വും വ്യ​ക്തി​പ​ര​മാ​യി അ​നു​ശോ​ച​നം സ്വീ​ക​രി​ക്കും.

മൂന്ന് ദിവസം പൊതു അവ​ധി, 40 ദിവ​സം ദുഃഖാചരണം

കു​വൈ​ത്ത് സി​റ്റി: അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്‍റെ വി​യോ​ഗ​ത്തെ തു​ട​ര്‍ന്ന് കു​വൈ​ത്തി​ല്‍ മൂ​ന്ന് ദി​വ​സ​ത്തെ അ​വ​​ധി​യും 40 ദി​വ​​സ​ത്തെ ദുഃ​ഖാ​ച​ര​ണ​വും. ഞാ​യ​ർ, തി​ങ്ക​ൾ, ചൊ​വ്വ ദി​വ​​സ​ങ്ങ​ളി​ലാ​ണ് ഔ​ദ്യോ​ഗി​ക അ​വ​​ധി പ്ര​​ഖ്യാ​​പി​ച്ച​ത്. ബു​ധ​നാ​ഴ്ച മു​ത​ല്‍ സ​ർ​ക്കാ​ർ-​അ​ർ​ധ​സ​ർ​ക്കാ​ർ സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​നം പു​ന​രാ​രം​ഭി​ക്കും. അ​മീ​റി​ന്റെ നി​ര്യാ​ണ​ത്തെ തു​ട​ർ​ന്ന് ചേ​ർ​ന്ന അ​ടി​യ​ന്ത​ര മ​ന്ത്രി​സ​ഭാ യോ​ഗ​ത്തി​ലാ​ണ് തീ​രു​മാ​നം.