മു​ൻ അ​മീ​ർ മ​റ​ഞ്ഞു, വാ​ക്കു​ക​ൾ മാ​യി​ല്ല...

കു​വൈ​ത്ത് സി​റ്റി: ജ്ഞാ​ന​പൂ​ർ​വ​മാ​യ വാ​ക്കു​ക​ളും പ്ര​വ​ൃത്തി​ക​ളും കൊ​ണ്ട് വ​രും ത​ല​മു​റ​ക്കും രാ​ജ്യ​ത്തി​നും നി​ത്യ​വെ​ളി​ച്ചം പ​ക​ർ​ന്നാ​ണ് മു​ൻ അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് ക​ട​ന്നു​പോ​യ​ത്. ത​ല​മു​റ​ക​ൾ അ​ത് എ​ന്നെ​ന്നും ഓ​ർ​ക്കും. ​

ദേ​ശീ​യ ഐ​ക്യ​ദാ​ർ​ഢ്യ​ത്തി​ന്‍റെ മ​ഹ​ത്താ​യ ഒ​രു പൈ​തൃ​കം ശൈ​ഖ് ന​വാ​ഫ് അ​വ​ശേ​ഷി​പ്പി​ക്കു​ന്നു. രാ​ജ്യം, രാ​ജ്യ​സു​ര​ക്ഷ, സ്ഥി​ര​ത എ​ന്നി​വ സം​ര​ക്ഷി​ക്കു​ന്ന​തി​ലും ദേ​ശീ​യ ഐ​ക്യ​ത്തി​ന് കോ​ട്ടം ത​ട്ടാ​തെ കാ​ത്തു​സൂ​ക്ഷി​ക്കു​ന്ന​തി​ലും കു​വൈ​ത്ത് ജ​ന​ത​യു​ടെ പ​ങ്കി​ന്‍റെ പ്രാ​ധാ​ന്യ​ത്തെ​ക്കു​റി​ച്ച് അ​ദ്ദേ​ഹം എ​പ്പോ​ഴും ഊ​ന്നി​പ്പ​റ​ഞ്ഞി​രു​ന്നു. ജ്ഞാ​ന​പൂ​ർ​വ​ക​മാ​യ വാ​ക്കു​ക​ളും പ്ര​വ​ൃത്തി​യും ക​ല്ലി​ൽ കൊ​ത്തി​വെ​ച്ച​തു​പോ​ലെ ജ​ന​ങ്ങ​ളു​ടെ മ​നസ്സിൽ പ​തി​പ്പി​ച്ചാ​ണ് അ​ദ്ദേ​ഹം ക​ട​ന്നു​പോ​യ​ത്.

കു​വൈ​ത്തി​ന്‍റെ വി​ക​സ​നം മ​ന്ദ​ഗ​തി​യി​ലാ​ക്കാ​തി​രി​ക്കാ​നും കൂ​ടു​ത​ൽ പു​രോ​ഗ​തി​യി​ലേ​ക്കും നേ​ട്ട​ങ്ങ​ളി​ലേ​ക്കും എ​ത്തി​ച്ചേ​രാ​നും അ​ധി​കാ​രി​ക​ൾ ത​മ്മി​ലു​ള്ള സ​ഹ​ക​ര​ണ​ത്തി​ന്‍റെ ആ​വ​ശ്യ​ക​ത ഓ​ർ​മി​പ്പി​ക്കാ​ൻ ശൈ​ഖ് ന​വാ​ഫ് എ​പ്പോ​ഴും താ​ൽ​പര്യ​പ്പെട്ടു.

വി​ജ​യ​ക​ര​മാ​യ ദേ​ശീ​യ പ്ര​വ​ർ​ത്ത​ന​ത്തി​ന്‍റെ അ​ടി​ത്ത​റ​യാ​യി അ​ദ്ദേ​ഹം ഇ​തി​നെ ക​ണ​ക്കാ​ക്കി. ആ​ക്ഷേ​പ​ങ്ങ​ളോ കു​റ്റ​പ്പെടു​ത്ത​ലു​ക​ളോ ഇ​ല്ലാ​തെ ശാ​ന്ത​വും ല​ക്ഷ്യ​ബോ​ധ​മു​ള്ള​തു​മാ​യ സം​ഭാ​ഷ​ണം നി​ല​നി​ർ​ത്തേ​ണ്ട​തി​ന്‍റെ ആ​വ​ശ്യ​ക​ത​യും സ​ത്യം ക​ണ്ടെ​ത്തു​ന്ന​തി​ന് കൃ​ത്യ​ത തേ​ടേ​ണ്ട​തി​ന്‍റെ പ്രാ​ധാ​ന്യ​വും ഊ​ന്നി​പ്പ​റ​ഞ്ഞു.

ശൈ​ഖ് ന​വാ​ഫ് എ​ല്ലാ​യ്പോ​ഴും യു​വാ​ക്ക​ൾ​ക്ക് മു​ൻ​ഗ​ണ​ന ന​ൽ​കി. രാ​ജ്യ വി​ക​സ​ന​ത്തി​ന്‍റെ പ്ര​ധാ​ന​ഭാ​ഗ​മാ​യി ഇ​വ​രെ ക​ണ​ക്കാ​ക്കി. മി​ക​ച്ച​തും ആ​ധു​നി​ക​വും ശാ​സ്ത്രീ​യ​വും അ​ക്കാ​ദ​മി​ക​വു​മാ​യ മാ​ർ​ഗ​ങ്ങ​ളി​ലൂ​ടെ യു​വാ​ക്ക​ളെ യോ​ഗ്യ​രാ​ക്കു​ന്ന​തി​നും സാം​സ്‌​കാ​രി​ക മൂ​ല്യ​ങ്ങ​ൾ വ​ള​ർ​ത്തി​യെ​ടു​ക്കു​ന്ന​തി​നും ആ​ഹ്വാ​നം ചെ​യ്തു.

കു​വൈ​ത്തി​ന്‍റെ ഭ​ര​ണ​ഘ​ട​ന​യി​ലും അ​തി​ന്‍റെ ജ​നാ​ധി​പ​ത്യ സ​മീ​പ​ന​ത്തി​ലും അ​മീ​ർ ശൈ​ഖ് ന​വാ​ഫ് അ​ഭി​മാ​നം കൊ​ണ്ടു. രാ​ജ്യ​ത്തി​ന്‍റെ സ്ഥി​ര​ത​യും പൗ​ര​ന്മാ​രു​ടെ സു​ര​ക്ഷ​യും ശ​ക്തി​പ്പെ​ടു​ത്തേ​ണ്ട​തി​ന്‍റെ ആ​വ​ശ്യ​ക​ത​യും അ​വ​രു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കേ​ണ്ട​തി​ന്‍റെ അ​നി​വാ​ര്യ​ത​യും ഊ​ന്നി​പ്പ​റ​ഞ്ഞു.

പ്ര​വാ​സി​ക​ളെ​യും ലോ​ക​ത്തു ദു​രി​തം അ​നു​ഭ​വി​ക്കു​ന്ന എ​ല്ലാ ജ​ന​വി​ഭാ​ഗ​ങ്ങ​ളെ​യും ചേ​ർ​ത്തു​പി​ടി​ച്ച ഭ​ര​ണ​ക​ർ​ത്താ​വു​കൂ​ടി​യാ​യി​രു​ന്നു ശൈ​ഖ് ന​വാ​ഫ്. അ​ഭ​യ​വും അ​ന്ന​വും തേ​ടി രാ​ജ്യ​ത്ത് അ​ണ​ഞ്ഞ​വ​രെ​യും പ​ല​യി​ട​ങ്ങ​ളി​ലാ​യി ദു​രി​ത​മു​ഖ​ത്തു​കൂ​ടി ക​ട​ന്നു​പോ​യ​വ​രെ​യും അ​മീ​ർ ചേ​ർ​ത്തു​പി​ടി​ച്ചു.

ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് ഇ​ന്ന് ന​മു​ക്കൊ​പ്പ​മി​ല്ല, പ​ക്ഷേ അ​ദ്ദേ​ഹ​ത്തി​ന്‍റെ ജ്ഞാ​ന​പൂ​ർ​വ​മാ​യ വാ​ക്കു​ക​ൾ നി​ല​വി​ലു​ണ്ട്. പ്ര​കാ​ശം ചൊ​രി​ഞ്ഞ ജീ​വി​ത​വ​ഴി​ക​ൾ മു​ന്നി​ലു​ണ്ട്. അ​തു ത​ല​മു​റ​ക​ളി​ലൂ​ടെ ക​ട​ന്നു​പോ​കു​മെ​ന്ന് തീ​ർ​ച്ച.