കുവൈത്ത് ഫയർഫോഴ്സ് അത്യാധുനിക ബോട്ട് പുറത്തിറക്കി

കുവൈത്ത് സിറ്റി: ഫയർഫോഴ്സ് അത്യാധുനിക സൗകര്യങ്ങളുള്ള ബോട്ട് പുറത്തിറക്കി. രക്ഷാപ്രവർത്തനങ്ങൾക്ക് ഉപകരിക്കുന്ന അത്യാധുനിക അഗ്നിശമന സാങ്കേതിക വിദ്യകളും നാവിഗേഷൻ യന്ത്രങ്ങളും ബോട്ടിൽ ഉണ്ട്. കാനഡയിൽ നിർമിച്ച ബോട്ടിന് ഏകദേശം 26 മീറ്റർ നീളവും എട്ടു മീറ്റർ വീതിയുമുണ്ട്. ഫയർഫോഴ്സിന്റെ സംവിധാനങ്ങളും ഉപകരണങ്ങളും വികസിപ്പിക്കുന്ന പദ്ധതിയുടെ ഭാഗമായാണ് പുതിയ ബോട്ട് എത്തിച്ചത്.