ഗാർഹിക തൊഴിലാളികൾ സ്​പോൺസർമാരിൽനിന്ന്​ ഒളിച്ചോടുന്നത്​ വർധിച്ചു

കു​വൈ​ത്ത്​ സി​റ്റി: കു​വൈ​ത്തി​ൽ സ്പോ​ൺ​സ​ർ​മാ​രി​ൽ​നി​ന്ന് ഒ​ളി​ച്ചോ​ടു​ന്ന ഗാ​ർ​ഹി​ക ജോ​ലി​ക്കാ​രു​ടെ എ​ണ്ണ​ത്തി​ൽ വ​ർ​ധ​ന​യെ​ന്ന്​ റി​പ്പോ​ർ​ട്ട്. ജോ​ലി ഭാ​ര​വും ഡ്യൂ​ട്ടി സ​മ​യം വ​ർ​ധി​ച്ച​തു​മാ​ണ് തൊ​ഴി​ലാ​ളി​ക​ൾ​ക്കി​ട​യി​ൽ ഒ​ളി​ച്ചോ​ട്ട​പ്ര​വ​ണ​ത വ​ർ​ധി​ക്കാ​ൻ കാ​ര​ണ​മെ​ന്നാ​ണ് വി​ല​യി​രു​ത്ത​ൽ.

ഗാ​ർ​ഹി​ക​ത്തൊ​ഴി​ലാ​ളി​ക​ൾ​ക്ക്​ വ​ലി​യ ക്ഷാ​മം നേ​രി​ട്ടു​കൊ​ണ്ടി​രി​ക്കു​ന്ന​തി​നി​ട​യി​ലാ​ണ് സ്പോ​ൺ​സ​ർ​മാ​രി​ൽ നി​ന്നും ഒ​ളി​ച്ചോ​ടി മ​റ്റി​ട​ങ്ങ​ളി​ൽ ജോ​ലി​ചെ​യ്യു​ന്ന പ്ര​വ​ണ​ത വ​ർ​ധി​ച്ച​ത്. കു​വൈ​ത്തി​ലേ​ക്ക് ഗാ​ർ​ഹി​ക​ത്തൊ​ഴി​ലാ​ളി​ക​ളെ അ​യ​ച്ചി​രു​ന്ന ഇ​ന്ത്യ, ശ്രീ​ല​ങ്ക, ഫി​ലി​പ്പീ​ൻ​സ് തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്ന് വി​മാ​ന​സ​ർ​വി​സ് ഇ​ല്ലാ​ത്ത​തി​നാ​ൽ അ​വ​ധി​ക്കു പോ​യ നി​ര​വ​ധി തൊ​ഴി​ലാ​ളി​ക​ൾ ഇ​നി​യും മ​ട​ങ്ങി​യെ​ത്തി​യി​ട്ടി​ല്ല. വി​സ​വി​ത​ര​ണം പു​ന​രാ​രം​ഭി​ക്കാ​ത്ത​തി​നാ​ൽ പു​തി​യ റി​ക്രൂ​ട്ട്​​മെൻറു​ക​ളും ന​ട​ക്കു​ന്നി​ല്ല. തൊ​ഴി​ലാ​ളി​ക​ളു​ടെ ഒ​ളി​ച്ചോ​ട്ടം കൂ​ടി വ​ർ​ധി​ച്ച​തോ​ടെ ഗാ​ർ​ഹി​ക​ത്തൊ​ഴി​ൽ മേ​ഖ​ല വ​ലി​യ പ്ര​തി​സ​ന്ധി​യി​ലാ​ണെ​ന്നാ​ണ് റി​പ്പോ​ർ​ട്ടു​ക​ൾ. ലോ​ക്ഡൗ​ൺ ഉ​ൾ​പ്പെ​ടെ രാ​ജ്യ​ത്തു ന​ട​പ്പാ​ക്കി​യ നി​യ​ന്ത്ര​ങ്ങ​ൾ വീ​ട്ടു​ജോ​ലി​ക്കാ​രു​ടെ ജോ​ലി​ഭാ​രം വ​ർ​ധി​പ്പി​ച്ചി​ട്ടു​ണ്ട്. കു​ടും​ബാം​ഗ​ങ്ങ​ൾ കൂ​ടു​ത​ൽ സ​മ​യം വീ​ട്ടി​ലു​ണ്ടാ​കു​ന്ന​തും ഔ​ട്ടി​ങ് കു​റ​ഞ്ഞ​തു​മാ​ണ്​ ഇ​തി​ന്​ കാ​ര​ണ​മാ​യി ചൂ​ണ്ടി​ക്കാ​ട്ട​പ്പെ​ടു​ന്ന​ത്. ഗാ​ർ​ഹി​ക വി​സ വി​ത​ര​ണം പു​ന​രാ​രം​ഭി​ക്ക​ണ​മെ​ന്ന്​ എം.​പി​മാ​ർ ഉ​ൾ​പ്പെ​ടെ​യു​ള്ള​വ​ർ സ​ർ​ക്കാ​റി​നോ​ട് ആ​വ​ശ്യ​പ്പെ​ട്ടി​ട്ടു​ണ്ട്.

ഒ​ളി​ച്ചോ​ടു​ന്ന തൊ​ഴി​ലാ​ളി​ക​ൾ പി​ടി​യി​ലാ​യാ​ൽ നാ​ടു​ക​ട​ത്തു​മെ​ന്നും ഇ​വ​ർ​ക്ക് തൊ​ഴി​ലോ അ​ഭ​യ​മോ ന​ൽ​കു​ന്ന​വ​ർ​ക്കെ​തി​രെ നി​യ​മ ന​ട​പ​ടി സ്വീ​ക​രി​ക്കു​മെ​ന്നും അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.