ഒ​പെ​ക്, നോ​ൺ ഒ​പെ​ക്​ മ​ന്ത്രി​ത​ല യോ​ഗം ന​ട​ന്നി​ല്ല

കു​വൈ​ത്ത്​ സി​റ്റി: ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ ഒാ​ൺ​ലൈ​നാ​യി ന​ട​ത്താ​ൻ നി​ശ്ച​യി​ച്ച ഒ​പെ​ക്, നോ​ൺ ഒ​പെ​ക്​ മ​ന്ത്രി​ത​ല യോ​ഗം മാ​റ്റി​വെ​ച്ചു. എ​ണ്ണ ഉ​ൽ​പാ​ദ​നം നി​യ​ന്ത്രി​ക്കു​ന്ന​തു​മാ​യി ബ​ന്ധ​പ്പെ​ട്ട്​ ഒ​പെ​ക്​ പ്ല​സ്​ അം​ഗ​രാ​ഷ്​​ട്ര​ങ്ങ​ൾ​ക്കി​ട​യി​ലു​ള്ള ത​ർ​ക്ക​മാ​ണ്​ മ​ന്ത്രി​ത​ല യോ​ഗം മാ​റ്റി​വെ​ക്കാ​ൻ കാ​ര​ണ​മെ​ന്ന്​ റി​പ്പോ​ർ​ട്ടു​ണ്ട്.ഉ​ൽ​പാ​ദ​നം നി​യ​ന്ത്രി​ക്കാ​നു​ള്ള ധാ​ര​ണ​പ്ര​കാ​ര​മു​ള്ള നി​ല​വി​ലെ കാ​ലാ​വ​ധി ഡി​സം​ബ​ർ 31ന്​ ​അ​വ​സാ​നി​ക്കു​ക​യാ​ണ്. ഇ​ത്​ മൂ​ന്നു​മാ​സം കൂ​ടി നീ​ട്ട​ണ​മെ​ന്നാ​ണ്​ കു​വൈ​ത്ത്​ ഉ​ൾ​പ്പെ​ടെ ഭൂ​രി​ഭാ​ഗം രാ​ജ്യ​ങ്ങ​ളു​ടെ​യും അ​ഭി​പ്രാ​യം. എ​ന്നാ​ൽ, ഇ​റാ​ൻ, വെ​നി​സ്വേ​ല തു​ട​ങ്ങി ചി​ല രാ​ജ്യ​ങ്ങ​ൾ ഇ​തി​നോ​ട്​ യോ​ജി​ക്കു​ന്നി​ല്ല. 7.7 ദ​ശ​ല​ക്ഷം ബാ​ര​ൽ ആ​ണ്​ നി​ല​വി​ൽ പ്ര​തി​ദി​ന ഉ​ൽ​പാ​ദ​ന നി​യ​ന്ത്ര​ണം.

ഇ​ത്​ 5.8 ദ​ശ​ല​ക്ഷം ബാ​ര​ൽ ആ​യി കു​റ​ക്ക​ണ​മെ​ന്നും അ​ഭി​പ്രാ​യ​മു​ണ്ട്. ക​ഴി​ഞ്ഞ ആ​ഴ്​​ച എ​ണ്ണ വി​ല കൂ​ടി​വ​രു​ന്ന പ്ര​വ​ണ​ത​യാ​ണു​ണ്ടാ​യ​ത്.ഇ​പ്പോ​ൾ ബാ​ര​ലി​ന്​ 47 ഡോ​ള​റി​ന്​ മേ​ൽ എ​ത്തി​യി​ട്ടു​ണ്ട്. 60 ഡോ​ള​ർ എ​ങ്കി​ലും എ​ത്ത​ണ​മെ​ന്നാ​ണ്​ ഒ​പെ​ക്, നോ​ൺ ഒ​പെ​ക്​ രാ​ജ്യ​ങ്ങ​ൾ ആ​ഗ്ര​ഹി​ക്കു​ന്ന​ത്. അ​ടു​ത്ത വ​ർ​ഷം ഡി​മാ​ൻ​ഡ്​ വ​ർ​ധി​ക്കു​മെ​ന്നാ​ണ്​ ക​ണ​ക്കു​കൂ​ട്ട​ൽ. അ​ത​നു​സ​രി​ച്ച്​ വി​ല​യും കൂ​ടു​മെ​ന്ന്​ പ്ര​തീ​ക്ഷി​ക്കു​ന്നു.

അ​തു​വ​രെ ഉ​ൽ​പാ​ദ​നം നി​യ​ന്ത്രി​ച്ച്​ വി​പ​ണി സ​ന്തു​ല​നം സാ​ധ്യ​മാ​ക്ക​ണ​മെ​ന്നാ​ണ്​ കു​വൈ​ത്ത്​ ഉ​ൾ​പ്പെ​ടെ ഭൂ​രി​ഭാ​ഗം രാ​ജ്യ​ങ്ങ​ളും പ​റ​യു​ന്ന​ത്. കോ​വി​ഡ്​ പ്ര​തി​സ​ന്ധി​യി​ൽ കൂ​പ്പു​കു​ത്തി​യ എ​ണ്ണ​വി​ല തി​രി​ച്ചു​ക​യ​റാ​നും കൂ​ടു​ത​ൽ താ​ഴ്​​ച​യി​ലേ​ക്ക്​ പോ​വാ​തി​രി​ക്കാ​നും ഉ​ൽ​പാ​ദ​നം നി​യ​ന്ത്രി​ക്ക​ണ​മെ​ന്നാ​ണ്​ വാ​ദം.അ​തേ​സ​മ​യം, ഇ​റാ​ൻ, വെ​നി​സ്വേ​ല, ലി​ബി​യ എ​ന്നീ രാ​ജ്യ​ങ്ങ​ൾ ഉ​ൽ​പാ​ദ​നം കു​റ​ക്കാ​ൻ താ​ൽ​പ​ര്യ​പ്പെ​ടു​ന്നി​ല്ല. ഉ​ൽ​പാ​ദ​ന നി​യ​ന്ത്ര​ണം ബ​ജ​റ്റി​ൽ ക​മ്മി​യു​ണ്ടാ​ക്കു​ന്ന​തി​നാ​ലാ​ണ്​ ഇൗ ​രാ​ജ്യ​ങ്ങ​ൾ തീ​രു​മാ​ന​ത്തെ എ​തി​ർ​ക്കു​ന്ന​ത്.ത​ർ​ക്കം തീ​ർ​ക്കാ​ൻ അ​നൗ​ദ്യോ​ഗി​ക​മാ​യ മ​ധ്യ​സ്ഥ ശ്ര​മ​ങ്ങ​ൾ ന​ട​ക്കു​ന്നു​ണ്ട്. ഇ​ത്​ വി​ജ​യം ക​ണ്ടാ​ൽ അ​ടു​ത്ത ദി​വ​സം ത​ന്നെ യോ​ഗം ചേ​രു​മെ​ന്നാ​ണ്​ വി​വ​രം.