കു​വൈ​ത്ത് ജ​ന​സം​ഖ്യ 4.919 ദ​ശ​ല​ക്ഷം

കു​വൈ​ത്ത് സി​റ്റി: രാ​ജ്യ​ത്തെ ജ​ന​സം​ഖ്യ, തൊ​ഴി​ല​വ​സ​ര​ങ്ങ​ൾ എ​ന്നി​വ സം​ബ​ന്ധി​ച്ച സ്ഥി​തി​വി​വ​ര​ക്ക​ണ​ക്കു​ക​ൾ പ​ബ്ലി​ക് അ​തോ​റി​റ്റി ഫോ​ർ സി​വി​ൽ ഇ​ൻ​ഫ​ർ​മേ​ഷ​ൻ (പാ​സി) പു​റ​ത്തി​റ​ക്കി. 2024 ജൂ​ൺ അ​വ​സാ​നം വ​രെ​യു​ള്ള റി​പ്പോ​ർ​ട്ട് പ്ര​കാ​രം കു​വൈ​ത്തി​ലെ മൊ​ത്തം ജ​ന​സം​ഖ്യ 4.919 ദ​ശ​ല​ക്ഷ​മാ​ണ്. 2023 അ​വ​സാ​ന​ത്തി​ൽ ഇ​ത് 4.860 ദ​ശ​ല​ക്ഷ​മാ​യി​രു​ന്നു. 1.2 ശ​ത​മാ​നം അ​ർ​ധ വാ​ർ​ഷി​ക വ​ള​ർ​ച്ച ഇ​തി​ലു​ണ്ടാ​യി. 2022ലെ 8.0 ​ശ​ത​മാ​ന​ത്തേ​ക്കാ​ൾ 2023ൽ ​മൊ​ത്തം ജ​ന​സം​ഖ്യ 2.6 ശ​ത​മാ​നം വ​ർ​ധ​ന​യും കൈ​വ​രി​ച്ചു.

കു​വൈ​ത്തി​ക​ളു​ടെ ജ​ന​സം​ഖ്യ​യി​ൽ 13,700 പേ​ർ വ​ർ​ധി​ച്ചു ഈ ​വ​ർ​ഷം ആ​ദ്യ പ​കു​തി​യി​ൽ 1.560 ദ​ശ​ല​ക്ഷ​ത്തി​ലെ​ത്തി. 0.9 ശ​ത​മാ​ന​മാ​ണ് വ​ള​ർ​ച്ച നി​ര​ക്ക്. അ​തേ​സ​മ​യം മൊ​ത്തം ജ​ന​സം​ഖ്യ 2023 അ​വ​സാ​ന​ത്തി​ലെ 31.8 ശ​ത​മാ​ന​ത്തി​ൽ​നി​ന്ന് 31.7 ശ​ത​മാ​ന​മാ​യി കു​റ​ഞ്ഞു. കു​വൈ​ത്ത് സ്ത്രീ​ക​ളു​ടെ എ​ണ്ണം 7,94,000 ആ​ണ്, പു​രു​ഷ​ന്മാ​രു​ടെ എ​ണ്ണം 7,65,900.

കു​വൈ​ത്ത് ഇ​ത​ര ജ​ന​സം​ഖ്യ 3.359 ദ​ശ​ല​ക്ഷം ആ​ളു​ക​ളി​ലെ​ത്തി. 45,300 പേ​രു​ടെ വ​ർ​ധ​ന ഇ​തി​ലു​ണ്ടാ​യി. 1.4 ശ​ത​മാ​ന​മാ​ണ് വ​ള​ർ​ച്ച​നി​ര​ക്ക്. രാ​ജ്യ​ത്തെ മൊ​ത്തം ജ​ന​സം​ഖ്യ​യു​ടെ 61.9 ശ​ത​മാ​ന​വും തൊ​ഴി​ലാ​ളി​ക​ളാ​ണ്. 3.044 ദ​ശ​ല​ക്ഷ​മാ​ണ് തൊ​ഴി​ലാ​ളി​ക​ളു​ടെ എ​ണ്ണം. ഇ​തി​ൽ 32.5 ശ​ത​മാ​ന​മാ​ണ് കു​വൈ​ത്തി​ക​ളു​ടെ സ്ഥാ​നം. മൊ​ത്തം ജ​ന​സം​ഖ്യ​യി​ൽ 75.6 ശ​ത​മാ​ന​വും കു​വൈ​ത്ത് ഇ​ത​ര തൊ​ഴി​ലാ​ളി​ക​ളാ​ണ്.