'ശബാബ്​ ഒമാൻ രണ്ട്​' കപ്പൽ കുവൈത്ത്​ തീരം വിട്ടു

കു​വൈ​ത്ത്​​: അ​ന്ത​ർ​ദേ​ശീ​യ യാ​ത്ര​ക്കാ​യി പു​റ​പ്പെ​ട്ട റോ​യ​ൽ ഒ​മാ​ൻ നേ​വി​യു​ടെ ക​പ്പ​ൽ 'ശ​ബാ​ബ്​ ഒ​മാ​ൻ ര​ണ്ട്​​'​ കു​വൈ​ത്തി​ൽ​നി​ന്ന്​ മ​ട​ങ്ങി. കു​വൈ​ത്ത്​ വി​ദേ​ശ​കാ​ര്യ സ​ഹ​മ​ന്ത്രി​യും ജി.​സി.​സി​കാ​ര്യ അം​ബാ​സ​ഡ​റു​മാ​യ ഹ​മ​ദ്​ അ​ൽ മാ​രി ഗ​ൾ​ഫ്​ പ​ര്യ​ട​ന​ത്തി​നി​റ​ങ്ങി​യ സം​ഘ​ത്തെ അ​ഭി​വാ​ദ്യം ചെ​യ്​​തു. ഞാ​യ​റാ​ഴ്​​ച ഒ​മാ​നി​ൽ​നി​ന്ന്​ പു​റ​പ്പെ​ട്ട ക​പ്പ​ൽ വ്യാ​ഴാ​ഴ്​​ച രാ​വി​ലെ​യാ​ണ്​ കു​വൈ​ത്തി​ലെ​ത്തി​യ​ത്.

ജി.​സി.​സി രാ​ജ്യ​ങ്ങ​ളി​ൽ​നി​ന്നും 16 സു​ഹൃ​ദ്​​ രാ​ജ്യ​ങ്ങ​ളി​ൽ​നി​ന്നു​മാ​യി 28 വി​ദ്യാ​ർ​ഥി​ക​ളാ​ണ് ക​പ്പ​ലി​ലു​ള്ള​ത്. കു​വൈ​ത്ത്​ ശൈ​ഖ്​ അ​ബ്​​ദു​ല്ല അ​ൽ സാ​ലിം ക​ൾ​ച്ച​റ​ൽ സെൻറ​ർ ഉ​ൾ​പ്പെ​ടെ ​പൈ​തൃ​ക കേ​ന്ദ്ര​ങ്ങ​ൾ യാ​ത്രി​ക​ർ സ​ന്ദ​ർ​ശി​ച്ചു. വെ​ള്ളി​യാ​ഴ്​​ച രാ​വി​ലെ സൗ​ദി​യി​ലെ ദ​മ്മാ​മി​ലെ കി​ങ്​ അ​ബ്​​ദു​ൽ അ​സീ​സ് തു​റ​മു​ഖം ല​ക്ഷ്യ​മാ​ക്കി ക​പ്പ​ൽ പു​റ​പ്പെ​ട്ടു. അ​വി​ടെ​നി​ന്ന്​ ബ​ഹ്​​റൈ​നി​ലേ​ക്ക്​ പോ​കും.

17ന്​ ​ബ​ഹ്​​റൈ​നി​ൽ​നി​ന്ന്​ പു​റ​പ്പെ​ടു​ന്ന സം​ഘം 18, 19 തീ​യ​തി​ക​ളി​ൽ ഖ​ത്ത​റി​ൽ ത​ങ്ങും. പി​ന്നീ​ട്​ ദു​ബൈ​യി​ലേ​ക്ക്​ തി​രി​ക്കും. ന​വം​ബ​ർ 21 മു​ത​ൽ ഡി​സം​ബ​ർ ഒ​ന്നു​വ​രെ ദു​ബൈ ഹാ​ർ​ബ​റി​ൽ ന​ങ്കൂ​ര​മി​ട്ട്​ പ്ര​തി​നി​ധി​ക​ൾ ദു​ബൈ എ​ക്​​സ്​​പോ​യി​ൽ പ​ങ്കാ​ളി​യാ​കും.

'ഒ​മാ​ൻ: ന​വ സ​മീ​പ​നം' എ​ന്ന ത​ല​ക്കെ​ട്ടി​ൽ ന​ട​ത്തു​ന്ന 'ശ​ബാ​ബ്​ ഒ​മാ​ൻ ര​ണ്ട്​' ക​പ്പ​ലി​െൻറ അ​ഞ്ചാ​മ​ത്​ അ​ന്താ​രാ​ഷ്​​​ട്ര യാ​ത്ര​ ലോ​ക​ത്തി​ന് സാ​ഹോ​ദ​ര്യ​ത്തി​െൻറ​യും സൗ​ഹൃ​ദ​ത്തി​െൻറ​യും സ​മാ​ധാ​ന​ത്തി​െൻറ​യും സ​ന്ദേ​ശം ന​ൽ​കാ​നും ഒ​മാ​നി നാ​ഗ​രി​ക​ത​യെ വി​വി​ധ ലോ​ക​സ​മൂ​ഹ​ങ്ങ​ൾ​ക്ക് പ​രി​ച​യ​പ്പെ​ടു​ത്താ​നും ല​ക്ഷ്യം വെ​ക്കു​ന്നു.