രാ​ജ്യ​ത്ത് ക​ന്നു​കാ​ലി ക​യ​റ്റു​മ​തി​ക്ക് വി​ല​ക്ക് ഏ​ര്‍പ്പെ​ടു​ത്തു​ന്നു

കു​വൈ​ത്ത് സി​റ്റി: രാ​ജ്യ​ത്ത് ക​ന്നു​കാ​ലി ക​യ​റ്റു​മ​തി​ക്ക് അ​നി​ശ്ചി​ത​കാ​ല വി​ല​ക്ക് ഏ​ര്‍പ്പെ​ടു​ത്തി​യേ​ക്കു​മെ​ന്ന് റി​പ്പോ​ർ​ട്ട്. ചെ​ങ്ക​ട​ലി​ലെ സം​ഘ​ർ​ഷ​ത്തി​ന്‍റെ പ​ശ്ചാ​ത്ത​ല​ത്തി​ൽ മു​ൻ​ക​രു​ത​ൽ ന​ട​പ​ടി​യെ​ന്ന നി​ല​യി​ലാ​ണ് വി​ല​ക്ക്. രാ​ജ്യ​ത്ത് ഭ​ക്ഷ്യ​സു​ര​ക്ഷ നി​ല​നി​ര്‍ത്തു​ന്ന​തി​ന്‍റെ ഭാ​ഗ​മാ​യാ​ണ് ക​യ​റ്റു​മ​തി​ക്ക് വി​ല​ക്ക് ഏ​ര്‍പ്പെ​ടു​ത്തു​ന്ന​ത്.

ഇ​തു സം​ബ​ന്ധി​ച്ച ഉ​ത്ത​ര​വ് വാ​ണി​ജ്യ വ്യ​വ​സാ​യ മ​ന്ത്രി​യും യു​വ​ജ​ന​കാ​ര്യ സ​ഹ​മ​ന്ത്രി​യു​മാ​യ മു​ഹ​മ്മ​ദ് അ​ൽ ഐ​ബാ​ൻ പു​റ​പ്പെ​ടു​വി​ക്കു​മെ​ന്ന് പ്രാ​ദേ​ശി​ക മാ​ധ്യ​മ​ങ്ങ​ൾ റി​പ്പോ​ർ​ട്ടു ചെ​യ്തു. ക​യ​റ്റു​മ​തി നി​ർ​ത്തി​വെ​ക്കു​ന്ന​തി​ലൂ​ടെ രാ​ജ്യ​ത്ത് പ്രാ​ദേ​ശി​ക ഉ​പ​ഭോ​ഗ​ത്തി​ന് ആ​വ​ശ്യ​മാ​യ കാ​ലി​ക​ളെ നി​ല​നി​ർ​ത്താ​നും വി​പ​ണി​യി​ൽ സ്ഥി​ര​ത നി​ർ​ത്താ​നു​മാ​കും. ക​ഴി​ഞ്ഞ മാ​സം രാ​ജ്യ​ത്ത് 95,000 ക​ന്നു​കാ​ലി​ക​ളെ​യാ​ണ് ഇ​റ​ക്കു​മ​തി ചെ​യ്ത​ത്. കു​വൈ​ത്തി​ല്‍ ഒ​രു വ​ര്‍ഷ​ത്തേ​ക്ക് ഒ​രു ദ​ശ​ല​ക്ഷം ആ​ടു​ക​ളും 12,000 മ​റ്റു കാ​ലി​ക​ളും ആ​വ​ശ്യ​മാ​ണ്.