കുവൈത്തിൽ തൽക്കാലം കർഫ്യൂ ഇല്ല

കുവൈത്ത്​ സിറ്റി: കുവൈത്തിൽ തൽക്കാലം കർഫ്യൂ ഏർപ്പെടുത്തേണ്ടെന്ന്​ മന്ത്രിസഭ തീരുമാനിച്ചു. കോവിഡ്​ വ്യാപന സാഹചര്യം സംബന്ധിച്ച്​ ആരോഗ്യ വകുപ്പി​െൻറ റിപ്പോർട്ട്​ അവലോകനം ചെയ്​ത മന്ത്രിസഭ തൽക്കാലം കർഫ്യൂ വേണ്ടെന്നും വരുംദിവസങ്ങളിലെ സാഹചര്യം വിലയിരുത്തി ആവശ്യമെങ്കിൽ പിന്നീട്​ ആകാമെന്നുമാണ്​ തീരുമാനിച്ചത്​.

അതേസമയം, ഒത്തുകൂടലുകൾ തടയാനും കോവിഡ്​ പ്രതിരോധം ഉറപ്പുവരുത്താനും കർശന നടപടി സ്വീകരിക്കാൻ ധാരണയായിട്ടുണ്ട്​. ദേശീയ ദിനാഘോഷത്തിനോടനുബന്ധിച്ച്​ ഒത്തുകൂടലുകൾ ഒഴിവാക്കാൻ ഭാഗിക കർഫ്യൂ ഏർപ്പെടുത്താൻ സാധ്യതയുണ്ടെന്ന റിപ്പോർട്ടുകൾ രാജ്യനിവാസികളെ ആശങ്കയിലാക്കിയിരുന്നു. കെ.ഒ.സി ഉൾപ്പെടെ വിവിധ കമ്പനികൾ കർഫ്യൂവിന്​ തയാറെടുപ്പ്​ ആരംഭിച്ചതും ആശങ്ക വർധിപ്പിച്ചു.