വ്യോമ പ്രതിരോധ മികവിന് പരിശീലനം തുടരണം
text_fieldsലഫ്റ്റനൻറ് ജനറൽ ബന്ദർ അൽ മുസൈൻ സന്ദർശനത്തിനിടെ
കുവൈത്ത് സിറ്റി: വ്യോമ പ്രതിരോധ സംവിധാനങ്ങളുടെ മികവ് ഉറപ്പുവരുത്തുന്നതിനായി പരിശീലനവും വികസനവും പ്രധാനമാണെന്ന് കുവൈത്ത് സായുധ സേനാ മേധാവി ലഫ്റ്റനൻറ് ജനറൽ ബന്ദർ അൽ മുസൈൻ. എയർ ഡിഫൻസ് കോർപ്സിൽ പരിശോധനാ സന്ദർശനം നടത്തിയ ശേഷം പ്രതികരിക്കുകയായിരുന്നു അദ്ദേഹം.
രാജ്യത്തിന്റെ സുരക്ഷ നിലനിർത്തുന്നതിൽ ഉയർന്ന ജാഗ്രതയുടെയും സന്നദ്ധതയുടെയും പ്രാധാന്യം അദ്ദേഹം അടിവരയിട്ടു. പരിശീലനം, പുരോഗതി എന്നിവയുടെ സാധ്യതകൾ വർധിപ്പിക്കാനും ആഹ്വാനം ചെയ്തു. കോർപ്സ് സ്റ്റാഫിന്റെ കാര്യക്ഷമതയെ അൽ മുസൈൻ പ്രശംസിച്ചു. എയർ ഡിഫൻസ് കോർപ്സ് മേധാവി മേജർ ജനറൽ ഖാലിദ് സാദും മറ്റ് ഉദ്യോഗസ്ഥരും ചേർന്ന് അൽ മുസൈനെ സ്വീകരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.