യാത്രാദുരിതം: ട്രാക്ക് ഡോ. ശശി തരൂർ എം.പിക്ക് നിവേദനം നൽകി
text_fieldsകുവൈത്ത് സിറ്റി: തിരുവനന്തപുരം നിവാസികളായ പ്രവാസികൾ അനുഭവിക്കുന്ന യാത്രാദുരിതത്തിന് പരിഹാരം കാണണമെന്നാവശ്യപ്പെട്ട് തിരുവനന്തപുരം നോൺ െറസിഡന്റ്സ് അസോസിയേഷൻ ഓഫ് കുവൈത്ത് (ട്രാക്ക്) ഡോ. ശശി തരൂർ എം.പിക്ക് നിവേദനം നൽകി.
തിരുവനന്തപുരം വിമാനത്താവളത്തെ ആശ്രയിക്കുന്ന പ്രവാസികൾക്ക് നാട്ടിൽ എത്തുന്നതിന് നേരിട്ടുള്ള വിമാനങ്ങൾ കുറവാണന്ന് അംഗങ്ങൾ ചൂണ്ടിക്കാട്ടി. കണക്ഷൻ വിമാനങ്ങളിലെ ഉയർന്ന നിരക്കും സമയനഷ്ടവും എം.പിയെ ധരിപ്പിച്ചു.
ആഴ്ചയിൽ മൂന്ന് ദിവസമെങ്കിലും ജസീറ എയർവെയ്സ് തിരുവനന്തപുരത്തേക്ക് വിമാന സർവിസ് നടത്തുന്നതിനായുള്ള ഇടപെടൽ നടത്താമെന്ന് ഡോ. ശശി തരൂർ ട്രാക്കിന്റെ ഭാരവാഹികളെ അറിയിച്ചു.
പ്രസിഡന്റ് എം.എ. നിസാം, ജന. സെക്രട്ടറി രാധാകൃഷ്ണൻ നായർ, വൈസ് പ്രസിഡന്റുമാരായ ശ്രീരാഗം സുരേഷ്, മോഹൻ കുമാർ, കേന്ദ്ര എക്സിക്യൂട്ടീവ് അംഗം കെ.ഒ. അരുൺ കുമാർ എന്നിവർ കൂടിക്കാഴ്ചയിൽ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.